Ko ha Māhina Makehe ki he Ngāue Fakamalangá
1 ʻE malava ke hoko ʻa Tisema ko ha māhina ngāue fakamalanga makehe ia kiate koe? ʻE fie maʻu nai ke fai ha ngaahi liliu ʻi hoʻo ngāue anga-mahení, ka ʻe ʻikai nai ke ʻaonga ʻa e ngaahi meʻa te ke maʻu aí?
2 Ko ha niʻihi ʻo e kau malanga ʻosi papitaiso kei taʻu siʻi angé ʻe ʻi ai ʻa e ngaahi ʻaho ʻe ʻikai te nau ako ai pea te nau saiʻia ke nau hoko ko e kau tāimuʻa fakataimi ʻi he māhina ko iá. Ko ha fakalototoʻa lahi ē kiate kinautolu ke ʻi ai ha kau mātuʻa, kau sevāniti, mo e kau malanga kehe ke ngāue fakamalanga fakataha mo kinautolu! Kapau ʻoku ʻikai ke malava ʻi ho tuʻunga fakafoʻituituí ke ke tāimuʻa ʻi he māhina ko ʻení, ʻe malava kiate koe ke ke fakalahi atu ha ngaahi houa ʻi he ngāue fakamalanga fakataha mo kinautolu te nau tāimuʻá? ʻE hoko ʻeni ko e fefakalototoʻaʻaki.
3 Kapau ʻe fai ʻe he kau malanga hono kotoa ha feinga mālohi, ʻe malava nai ʻe he kau mātuʻá ke fokotuʻutuʻu ha fakamoʻoni fakakulupu ʻi he ʻaho taki taha lolotonga ʻa e taimi mālōlō koeʻuhi ke ʻi ai maʻu ai pē ha taha ʻi he ngāue fakamalangá ke ngāue mo kinautolu te nau malava ke tāimuʻá.
4 Ko e taimi ʻeni ke palani ke ʻai ʻa Tisema ko ha māhina makehe ia ki he ngāue fakamalanga ʻi hoʻo fakatahaʻangá, fakafoʻituitui pe ngaahi kulupu fakafāmili pea pehē ki he fakatahaʻangá.