Ngaahi Fakataha Ngāue ki Tisema
Uike Kamata Tisema 6
Hiva 48
10 min: Ngaahi fanongonongo fakalotofonua mo e Ngaahi Fanongonongo kuo filifili mei he Ko ʻEtau Ngāue Fakafaifekau ʻo e Puleʻangá.
20 min: “Tokoni ki he Niʻihi Kehe ke Ako ʻo Kau ki he ʻAlo ʻo e ʻOtuá, ko Sīsū Kalaisi.” Fehuʻi mo e tali. Fakahāhā ʻa e fakamatala kuo teuteu ʻi he palakalafi 2 (ke fai ia ʻe ha toko taha malanga taukei) mo e palakalafi 4 (ke fai ia ʻe ha toko taha malanga kei talavou). Fakalototoʻaʻi kotoa ke tuʻuaki ʻa e tohi ko e Moʻui Taʻengatá fakatouʻosi mei he fale ki he falé pea mo e fai fakamoʻoni ʻikai ʻi he founga mahení ʻo ka hā mei he kakaí ʻoku nau fie fanongo.
15 min: “Vaheʻi ha Taimi ki he Ngāue Makasiní.” Malanga, mo fetalanoaʻaki mo e kau fanongó. ʻI he lave ki he palakalafi 3, fakahā ʻa e anga hono tuʻuaki nai ʻo e ngaahi kupu kehekehe ʻi he ngaahi makasini ʻoku lolotonga maʻú ki he faʻahinga kakai kehekehe te tau feʻiloaki mo ia ʻi he kauhala fakalotofonuá.
Hiva 56 mo e lotu tuku.
Uike Kamata Tisema 13
Hiva 114
10 min: Ngaahi fanongonongo fakalotofonua, fakamatala paʻanga, mo e fakamālō ki he ngaahi tokoni kuo faí. Fakaongoongoleleiʻi ʻa e fakatahaʻangá ki heʻenau nima-homo ʻo poupou fakapaʻanga ki he ngaahi fie maʻu fakalotofonuá, mo e tokoni ki he Kingdom Hall Fund ʻa e Sosaieté, pea pehē ki he ngāue ʻa e Sosaieté ʻi māmani lahi. Fokotuʻu hake ha meʻa ʻe taha pe ua ke fai ha fetalanoaʻaki ki ai ʻa ia ʻe malava ke ngāueʻaki ʻi he lea kamata ʻi he ngāue fakamalanga ʻi he ngataʻanga ʻo e uike ko ʻení.
20 min: “Kamata ha Ngaahi Ako Tohi Tapu he Lolotonga ʻo Tisemá.” Fetalanoaʻaki mo e kau fanongó. ʻI he lave ki he palakalafi 4, fakahāhā ʻa e founga ke kamata ai ha ako Tohi Tapu ʻi ha toe ʻaʻahi. Fakalototoʻaʻi kotoa ke fai ha ako Tohi Tapu ʻi he māhina taki taha, ʻo ka malava.
15 min: Ngaahi fie maʻu fakalotofonua.
Hiva 129 mo e lotu tuku.
Uike Kamata Tisema 20
Hiva 168
5 min: Ngaahi fanongonongo fakalotofonua. Fakahā ʻa e fokotuʻutuʻu fakalotofonua ki he ngāue fakamalanga makehe ʻi Tisema 25.
15 min: “Aʻu ki he Loto ʻo e Toko Taha ʻOkú Ke Ako ʻa e Tohi Tapú mo Iá.” Fehuʻi mo e tali mo e fakahāhā. Fakamamafaʻi ʻa e poini ʻoku totonu ke ngāueʻaki ʻe he toko taha kotoa ʻi he fakatahaʻangá ke fakatupulekina ʻa e pōtoʻi ʻi he faiakó. ʻI he ʻosi ʻa e lave ki he palakalafi 3, ʻoku fakahāhā ʻe ha toko taha malanga ʻa e founga ke fakalotoʻi ha toko taha ako Tohi Tapu ʻaki hono ngāueʻaki ʻa e ngaahi fehuʻi mo e ngaahi konga Tohi Tapu mei he palakalafi 13 mo e 14 ʻi he vahe 1 ʻo e tohi ko e Moʻui Taʻengatá.
10 min: “Tō ke Hulu atu Kae Fai ʻi he ʻIloʻilo.” Fehuʻi mo e tali. Fakaeʻa ʻa e ngaahi lea ʻe mātuʻaki feʻunga mālie ʻi ho feituʻu ngāué. ʻOku totonu ke toe vakai ki he ngaahi fokotuʻu ko ʻeni ʻi he ngaahi fakataha ki he ngāue fakamalanga ʻi he ngataʻanga ʻo e uike ní.
15 min: “Ko e Yearbook—Ko e Maʻuʻanga Lahi ʻo e Fakalototoʻa.” Malanga fakalotomāfana ʻo fakaeʻa ʻa e kaunga ʻo e ngaahi konga Tohi Tapu ʻoku ʻikai hiki fakaʻāuliliki mai. Fokotuʻutuʻu ha kau malanga kuo teuteu lelei ke nau fakahā fakalotomāfana ʻa e meʻa naʻe hokosia ʻi he kupu ko ʻení mo e ngaahi meʻa naʻe hokosia ʻa ia ʻoku hā ʻi he peesi 32 ʻo e ngaahi tatau ʻo e Ko e Taua Leʻo (faka-Pilitania) ʻo Sānuali 1, 1990, Sānuali 1, 1987, mo Sānuali 1, 1986.
Hiva 204 mo e lotu tuku.
Uike Kamata Tisema 27
Hiva 212
10 min: Ngaahi fanongonongo fakalotofonua. ʻŪ Ongoongo Fakateokalati. Fakahā ʻa e fokotuʻutuʻu makehe ki he ngāue fakamalanga ki Sānuali 1. Fakahāhā ʻa hono ngāueʻaki ʻa e tohi ʻe tuʻuaki fakalotofonua ʻi Sānuali.
15 min: Ko e Hā Hano Kovi ʻa Hono ʻAhiʻahiʻi ʻo e Faitoʻo Kona Tapú? Ko e kau malanga ʻe toko ua kei talavou ʻokú na fetalanoaʻaki mo ha taha ʻo e kau mātuʻá ʻo kau ki he lahi ʻo hono ngāueʻaki ʻa e faitoʻo kona tapú ʻi he ʻapi akó. ʻOkú na fakahā ʻoku ʻi ai ʻa e kau talavou ʻe niʻihi ʻoku nau pehē ʻoku ʻikai hala ʻa hono ngāueʻaki ʻi he taimi ʻe niʻihi ʻa e faitoʻo kona tapú. ʻOku fakahā ʻe he toko taha ʻo e kau mātuʻá kuo fakaʻau ke kovi ange ʻa e ngaahi tuʻungá talu mei he taimi naʻá ne kei ʻalu ai ki he akó. ʻOkú ne fakahā ʻoku ʻikai ke fakahā hangatonu ʻi he Tohi Tapú ʻa e ngaahi meʻá ni, ka ʻoku ʻi ai ʻa e ngaahi fakahinohino lelei fekauʻaki mo hono ngāueʻaki ʻa e faitoʻo kona tapú ʻi he tohi Reasoning, peesi 106-12. ʻOku lau ʻe he ongo talavoú ʻa e ngaahi konga Tohi Tapú pea ʻoku ʻai ʻe he toko taha ʻo e kau mātuʻá kinaua ke na fakakaukau fakamātoato ʻi heʻenau lave ki he fakamatala ʻoku hā aí. ʻOku fai ʻe he ongo talavoú ʻena fokotuʻu pē ʻanaua ki he ngaahi founga kehekehe te na ngāueʻaki nai ki hono talitekeʻi ʻa e fakaʻaiʻai ʻa e toʻu meʻá.
20 min: Ko e fakamanatu ʻo e polokalama ʻo e fakataha fakavahé. Ko e fakamanatu ʻo e polokalama fakaʻaho ʻo e fakataha fakavahé ʻoku totonu ke vaheʻi ki muʻa ki he ngaahi tokoua taau ʻe toko ua pe toko tolu te nau malava ke ʻohake ʻa e ngaahi poini tuʻu-ki-muʻa. Ko hono teuteu lelei ʻa e fakamanatu ko ení ʻe tokoni ki he fakatahaʻangá ke nau manatuʻi ʻa e ngaahi meʻa tefito ke ngāueʻaki fakafoʻituitui pea ngāueʻaki ʻi he ngāue fakamalangá. ʻOku totonu ke nounou ʻa e ngaahi poupou mei he kau fanongó mo hono fakahā ʻa e ngaahi meʻa naʻe hokosiá.
Hiva 120 mo e lotu tuku.