Ngaahi Fakataha Ngāue ki ʻEpeleli
Uike Kamata ʻEpeleli 4
Hiva 32
10 min: Ngaahi fanongonongo fakalotofonuá mo e Ngaahi Fanongonongo mei he Ko ʻEtau Ngāue Fakafaifekau ʻo e Puleʻangá. Fakamanatuʻi kiate kinautolu kātoa ʻa e malanga makehe ʻe fai ʻi ʻEpeleli 10 ko hono kaveingá “ʻOku Fakalato ʻe he Lotu Moʻoní ʻa e Ngaahi Fie Maʻu ki he Kakaí.” ʻOku totonu ke fai ha feinga makehe ke tokoniʻi ʻa e kau foʻoú ke nau maʻu ʻa e fakatahá ni.
15 min: “Ko e Taua Leʻó mo e Awake!—Ongo Makasini ʻo e Moʻoní.” Fehuʻi mo e tali. Fakaafeʻi ʻa e kau fanongó ke nau fakahā ha ngaahi founga kuo nau ngāueʻaki ke fakalahi atu ai hono tuku atu ʻo e ngaahi makasiní. ʻAi ha niʻihi ke nau fakahā ha meʻa naʻe hokosia ʻo fakatatau ki he taimí.
20 min: “Tuʻuaki ʻa e Ongo Makasini Lelei Taha ʻi he Māmaní.” Fetalanoaʻaki ʻi he kupu ko ʻení mo e kau fanongó, ʻo fakamamafaʻi ʻa e ʻaonga makehe ʻo e ongo makasiní. ʻI he lave ki he palakalafi 2, kole ki ha toko taha malanga ola lelei ke ne fakamatalaʻi ʻa e founga ke hoko ai ʻo alāanga mo e ngaahi meʻa ʻoku pulusi ʻi he makasiní pea mo e founga ʻo hono fai ha teuteu ki hono tuʻuakí. Fokotuʻutuʻu ke fai ha fakahāhā ʻe ua ke fakahā ʻa e ngaahi founga ki hono tuʻuaki ʻo e tatau ʻo ʻEpeleli 1 mo Maʻasi 1.
Hiva 42 mo e lotu tuku.
Uike Kamata ʻEpeleli 11
Hiva 51
10 min: Ngaahi fanongonongo fakalotofonua. Fetalanoaʻaki ʻi he ngaahi meʻa tefito ʻo e Puha Fehuʻí.
15 min: “ʻOku Teuteuʻi Kitautolu ʻe he Fakataha Ngāué ki he Ngāue Lelei Kotoa Pē.” Fehuʻi mo e tali. Fakakau ki ai mo ha fakahāhā ke ne fakahā ʻa e founga ʻoku teuteu ai ha fāmili ki he fakatahá ni; fakamamafaʻi ʻa e mahuʻinga ʻo e (1) teuteu ki muʻá, (2) fai ha fanongo tokanga, mo (3) kau ki he fakatahá.
20 min: “ʻOua ʻE Fakaleluʻi ʻa e Tauhi kia Sihová.” Fehuʻi mo e tali ʻi he konga fakalahí. Kamata mei he palakalafi 1 ki he 6.
Hiva 107 mo e lotu tuku.
Uike Kamata ʻEpeleli 18
Hiva 113
10 min: Ngaahi fanongonongo fakalotofonua. Fakamatala paʻanga mo ha tohi fakamālō mei he Sosaieté.
15 min: “Toe ʻAʻahi ki he Faʻahinga Naʻe Tuku Ai ʻa e Makasini mo e Polosiua.” Fetalanoaʻaki mo e kau fanongó. Fakaafeʻi ke fai mai ha fakamatala ʻo kau ki he ʻuhinga ʻoku fie maʻu ai ke alāanga lelei mo e ngaahi meʻa ʻoku pulusi ʻi he ngaahi makasiní pea fai ha fakakaukau tokanga ki he anga ʻo e tali ʻa e toko taha ʻapí ʻi he ʻaʻahi ki muʻá ke fakapapauʻi pe ko e hā ha fakamatala ʻe lelei taha ke faí. Fakatatau ki he taimí, ʻai ha niʻihi ʻo e kau malangá pe kau tāimuʻa alafuá ke nau fakahāhā ʻa e ngaahi fakamatala kuo fokotuʻú.
20 min: “ʻOua ʻE Fakaleluʻi ʻa e Tauhi kia Sihová.” Fehuʻi mo e tali ʻi he konga fakalahí. Kamata mei he palakalafi 7 ki he 12.
Hiva 120 mo e lotu tuku.
Uike Kamata ʻEpeleli 25
Hiva 149
10 min: Ngaahi fanongonongo fakalotofonua. ʻŪ Ongoongo Fakateokalati.
15 min: Ko e Tuí. Fakatuʻunga ʻi he tohi Reasoning, peesi 129-132. Fetalanoaʻaki ʻa ha toko taha ʻo e kau mātuʻá mo ha kulupu ʻo ha kau talavou. ʻOku lāulea ʻa e toko taha ʻo e kau mātuʻá ki he ʻuhinga ʻo e tuí, peá ne ʻeke ʻa e ngaahi fehuʻi ki he kau talavoú. Ko e hā ʻoku tokolahi ai ʻa e faʻahinga ʻoku ʻikai te nau maʻu ʻa e tuí? ʻOku makatuʻunga ʻi he hā ʻetau tuí? ʻE lava fēfē ke tauhi ʻetau tuí ke mālohi? ʻE lava fēfē ke fakahāhā ha tui pehē? Fakaʻosiʻaki ʻe he toko taha ʻo e kau mātuʻá ʻene fakaongoongoleleiʻi mo fakalototoʻaʻi ʻa e kau talavoú.
20 min: “Ko e Anga-Fakamaʻá ʻOkú Ne Fakalāngilangiʻi ʻa e ʻOtuá.” Fetalanoaʻaki ʻa ha toko taha ʻo e kau mātuʻá mo e kau fanongó ʻi he kupu ko ʻení. Fakaʻosiʻaki ha malanga nounou ʻa ia ʻe toe vakai ai ki he akonaki ʻoku hā ʻi he Taua Leʻo ʻo Tisema 1, 1989, peesi 16-21.
Hiva 163 mo e lotu tuku.