Ngaahi Fakataha Ngāue ki Sepitema
Uike Kamata Sepitema 5
Hiva 172
10 min: Ngaahi fanongonongo fakalotofonuá mo e Ngaahi Fanongonongo kuo filifili mei he Ko ʻEtau Ngāue Fakafaifekau ʻo e Puleʻanga.
20 min: “Fakalahi Ange Hoʻo Koloaʻaki ʻa e Ngāue Fekauʻaki mo e Puleʻangá.” Ko e ʻovasia ngāué mo ha tokotaha ʻo e kau mātuʻá te na fetalanoaʻaki ʻi he ngaahi poini tefito ʻi he kupú. Toe vakai ki he ngāue ʻa e fakatahaʻangá ʻi he taʻu kuo ʻosí, fai ha fakaongoongolelei fakataha mo ha ngaahi fokotuʻu ki ha fakalelei ange. Fakamamafaʻi ʻa e kolo ko hono fakalahi ʻa ʻetau kau ki he ngāue fakamalangá.
15 min: “Fakatupulekina ʻa e Mahuʻingaʻia ʻi he Tohi Moʻui Taʻengata.” Ko ha kau malanga ʻe toko tolu pe toko fā kau ai mo ha tamasiʻi, ke nau fetalanoaʻaki ʻi he kupú pea fai hano fakaangaanga. Te nau fai ʻa e fakahāhā ʻe ua pe tolu ʻoku ʻomaí mo toe fakamanatu ia, fefaiʻaki ha ngaahi fokotuʻutuʻu ʻaonga mo e fakaongoongolelei.
Hiva 32 mo e lotu tuku.
Uike Kamata Sepitema 12
Hiva 157
10 min: Ngaahi fanongonongo fakalotofonua.
20 min: ʻUlungāanga Faka-Kalisitiane ʻi he Akoʻangá. Ko e fetalanoaʻaki ʻa ha tokotaha ʻo e kau mātuʻá mo ha kau talavou ʻe toko tolu pe fā. ʻI he akoʻangá, ʻoku fehangahangai ai ʻa ʻetau kau talavoú mo e ngaahi fakaʻaiʻai kehekehe ke fakangaloku ʻa ʻenau ʻapasia ki he ngaahi tefitoʻi moʻoni ʻi he Tohi Tapú. Ko e konga lahi ʻo e meʻa ko ʻení ʻoku hoko ia mei he ngaahi ngāue ʻoku ʻikai ke felāveʻi fakahangatonu ia ki he loki akó. ʻOku hoko ʻa e ngaahi fakatuʻutāmaki mei he ngaahi sipotí, faisoó, mo e ngaahi fakatahataha fakafiefiá. Ke fetalanoaʻaki ʻa e tokotaha ʻo e kau mātuʻá mo e kau talavoú ʻi he “Toe Ngaahi Ngāue Kehekehe mei he Akó” ʻo ngāueʻaki ʻa e polosiua ko e School, peesi 22-25. Ke fai ʻe he kau talavoú ha ngaahi fakamatala ʻo fakahā ai ʻoku nau fehangahangai mo e ngaahi fakaʻaiʻai ke kau ki he ngaahi meʻa ko ʻení pea ʻoku nau houngaʻia ʻi he akonaki kuo ʻoangé.
15 min: “ʻOku ʻIkai Te Nau Fakaʻehiʻehi mei he Fakamoʻoní.” Fehuʻi mo e tali. Fakamamafaʻi neongo ʻe ʻikai te tau lava hono kotoa ʻo ngāueʻaki ʻa e taimi lahi tatau ʻi he ngāue fakamalangá, ʻoku totonu ke tau maʻu ʻa e fiefia mo feinga ke moʻui līʻoa.
Hiva 123 mo e lotu tuku.
Uike Kamata Sepitema 19
Hiva 27
10 min: Ngaahi fanongonongo fakalotofonua. Lau ʻa e fakamatala paʻangá mo e fakamālō ki he ngaahi tokoni kuo fai.
15 min: “Maluʻi Koe ʻi he Akoʻangá.” Fehuʻi mo e tali. Fakamamafaʻi ʻa e ngaahi palopalema ʻoku fehangahangai mo e kau talavoú pea mo e founga ʻe tokoni ai ʻa e ngaahi mātuʻá ki heʻenau fānaú.
20 min: “Ko Hono Kamata ha Ngaahi Ako Tohi Tapu he Tohi Moʻui Taʻengata.” Fetalanoaʻaki mo e kau fanongó. Fokotuʻutuʻu ke fai ha fakahāhā ʻe ua ʻo ngāueʻaki ʻa e fokotuʻu ʻoku ʻomaí.
Hiva 113 mo e lotu tuku.
Uike Kamata Sepitema 26
Hiva 207
10 min: Ngaahi fanongonongo fakalotofonua. Fakaafeʻi ʻa e kau fanongó ke nau lave fuonounou ki ha ngaahi meʻa naʻe hokosia ʻi hono tuku atu ʻa e tohi Moʻui Taʻengata pe kamata ha ngaahi ako Tohi Tapu ʻi he tohí.
15 min: Ngaahi fiemaʻu fakalotofonuá. Pe fai ha malanga ʻi he kupu ko e “ʻOku Fakalotosiʻi Koe ʻe he Fakangatangatá” mei he Watchtower ʻo Sepitema 1, 1994, peesi 27-28.
20 min: Tuʻuaki ʻa e Ko e Taua Leʻo mo e Awake! Lolotonga ʻo ʻOkatopá. ʻOku kaunga lahi ʻa ʻetau ongo makasiní ʻi he ngāue fakamalanga ʻi māmani lahí; ko e founga ʻeni naʻe fakafou ai ʻa e ʻuluaki fanongo ʻa e toko laui miliona ʻi he moʻoní. Fakamamafaʻi ʻa e mahuʻinga ʻo hono ngāueʻaki hokohoko ʻa e makasiní mo tuʻuaki ʻi he ngāue ʻi he matapā ki he matapaá neongo ʻoku ngāueʻaki ha ngaahi tohi kehe ia. Lave ki he ngaahi ʻaonga ʻo e ʻAho Makasini fakauiké. Fakamatala ki he anga ʻo hono fakaava ʻe he fakamoʻoni ʻi he halá mo e fale koloa ki he fale koloá ʻa e ngaahi faingamālie lahi ke tuku atu ai ʻa e makasiní. Fakamanatu ki he fanga tokouá ke tauhi ha lekooti ʻo e ngaahi makasini ʻoku tukú, mo e taumuʻa ke kamata ha tufaʻanga makasini pau. Fakamatalaʻi ko e ngaahi tukuhaú ʻe lava ke tuʻuaki ia ʻi he ngaahi toe ʻaʻahí ʻo ka ʻi ai ha fie fanongo moʻoni. Fakamamafaʻi ʻa e mahuʻinga ʻo e teuteu lelei ki muʻa pea toki ʻalu ki he ngāue fakamalangá. ʻAi ha kau malanga ʻe toko tolu, ko ha tokotaha ko ha talavou, ke nau fakahāhā fuonounou ha tuʻuaki makasini.
Hiva 133 mo e lotu tuku.