Ngaahi Fakataha Ngāue ki ʻEpeleli
Uike Kamata ʻEpeleli 3
Hiva 149
10 min: Ngaahi fanongonongo fakalotofonua mo e Fanongonongo kuo filifili mei he Ko ʻEtau Ngāue Fakafaifekau ʻo e Puleʻanga. Fakamanatu ʻa e “Teuteu ʻo e Meʻa Kotoa Pē ki he Fakamanatú.”
15 min: “Houngaʻia ʻi he Meʻa ʻOku Tau Maʻú.” Fehuʻi mo e tali. Fakatatau ki he taimí, tānaki atu ha ngaahi fakamatala mei he Taua leʻo ʻo Siulai 1, 1991, peesi 19-20, palakalafi 15-20.
20 min: “Ko e Taua Leʻo mo e Awake!—Ko e Makasini ki Hotau Taimi Fakavavevavé!” Fetalanoaʻaki mo e kau fanongó. Lave ki ha meʻa naʻe hokosia ʻoku hā ai ʻa e houngaʻia ki he ngaahi makasiní. (g91 7/22 p. 9) ʻAi ha toko ua ʻo e kau malangá ke na fakahā ʻa e anga ʻo hono teuteu ha tuʻuaki ʻo ngāueʻaki ʻa e ngaahi fokotuʻu naʻe ʻomaí, peá na fefakahāhāʻaki ʻa ʻena tuʻuakí.
Hiva 84 mo e lotu tuku.
Uike Kamata ʻEpeleli 10
Hiva 212
10 min: Ngaahi fanongonongo fakalotofonua. Fakamatala paʻanga mo lave ki he ngaahi fakamālō mei he Sōsaietí ki ha ngaahi tokoni naʻe fai. Ongoongo Fakateokalati. Fakamanatu ki he tokotaha kotoa pē ʻo fekauʻaki mo e fiemaʻu ke tokoniʻi ʻa e faʻahinga mahuʻingaʻiá ke nau haʻu ki he Fakamanatú. Uki ke fai kotoa ha feinga makehe ke kau ki he ngāue fakamalanga ʻi he fakaʻosinga ʻo e uike ní.
15 min: “Tauhi Maʻu ʻEtau Fāʻūtaha ʻo e Puleʻangá.” Fetalanoaʻaki mo e kau fanongó.
20 min: “Tupulekina Maʻu Ai Pe ʻi he Ngaue ʻa e ʻEiki.” Fehuʻi mo e tali ʻa ia ʻe fai ʻe he ʻovasia ngāué. Fakamanatu ʻa e ngaahi fokotuʻutuʻu fakalahi ki he tufa makehe mei he fale ki he fale ʻa e Ongoongo ʻo e Puleʻangá. Fakamatala ki he ngaahi faʻufaʻu ke lava ʻo ngāueʻi kotoa ʻa e feituʻu kuo vaheʻi ki he fakatahaʻanga fakalotofonuá. Fakamatala ki he meʻa ʻoku totonu ke fai ke tokoniʻi ʻa e faʻahinga foʻoú ke nau fuofua kau ki he ngāue fakamalangá. (Sio ki he Ko ʻEtau Ngāue Fakafaifekau ʻo e Puleʻanga ʻo Maʻasi 1995, peesi 1.)
Hiva 168 mo e lotu tuku.
Uike Kamata ʻEpeleli 17
Hiva 42
13 min: Ngaahi fanongonongo fakalotofonua. Lave ki he ngaahi fakalototoʻa mahuʻinga ʻo hono tauhi ʻa e Fakamanatú, mo fakamanatu ʻa e ngaahi founga ʻe lava ke toe fai ai ha tokoni ki he faʻahinga foʻou naʻa nau haʻú. Naʻinaʻi ke kau kotoa ki he malanga makehe ʻi ʻEpeleli 23 mo tokoniʻi foki ʻa e faʻahinga mahuʻingaʻia foʻoú ke nau foki mai. Fakamanatu ʻa e ngaahi fokotuʻutuʻu ngāue fakamalanga ki hono tufa ʻo e Ongoongo ʻo e Puleʻangá.
15 min: “ʻOkú Ke ʻIlo ha Fiemaʻu Tokoni?” Fehuʻi mo e tali. Lave fuonounou ki he ngaahi kolo ʻoku lolotonga feinga ʻa e kau mātuʻá ke lavaʻi ʻi heʻenau ngāue fakaetauhisipí. Fakamatala ki he meʻa ʻe lava ʻo fai tāutaha ke hoko ko ha tokoni.
17 min: “Kumi ki he Faʻahinga Akoʻingofuá.” Fakamatala ki he mahuʻinga ʻo hono fai ʻo e ngaahi toe ʻaʻahí. Fakalototoʻaʻi ʻa hono ngāueʻaki ʻa e Tohi Tapú. ʻAi ha fakahāhā ʻo ha tuʻuaki ʻe taha pe ua fuonounou pē.
Hiva 48 mo e lotu tuku.
Uike Kamata ʻEpeleli 24
Hiva 220
15 min: Ngaahi fanongonongo fakalotofonua. Lave ki he fakalakalaka ʻo hono tufa ʻo e Ongoongo ʻo e Puleʻangá ʻi he kauhalá. Fakaafeʻi ha kau malanga ke nau lave ki he ngaahi meʻa fakafiefia naʻe hokosia ʻi hono tuʻuaki ʻa e Ongoongo ʻo e Puleʻangá. Fokotuʻu ha ngaahi tuʻuaki ʻo e makasini ʻe feʻunga mo e kauhala fakalotofonuá. Tala ha ngaahi fokotuʻutuʻu ki he fakatahaʻangá ke kau ki he fakamoʻoni ʻi he efiafí ʻi he ʻaho lōloá.
12 min: Ngaahi fiemaʻu fakalotofonua. Pe fai ha malanga, ʻAi ke Fakalototoʻaʻi ʻa e Niʻihi Kehé, mei he Taua Leʻo ʻo Mē 1, 1995, peesi 29-31.
18 min: Fai Maʻu Pē Hoʻo Ako Fakafāmilí. ʻOku fakahā ʻe he husepānití mo e uaifí ʻa e tokanga ʻo fekauʻaki mo e ʻikai ha fakalakalaka fakalaumālie ʻi heʻena fānaú. ʻOku fakahā ko e moʻoni ʻe he husepānití naʻá ne fakalīlīʻaki ʻa hono fai ʻo e ako fakafāmilí; ʻi he taimi ʻe niʻihi ʻoku ʻosi atu ʻa e ngaahi uike ʻoku ʻikai ke fai ha fakahinohino ia ki he fāmilí. Naʻá na fakamanatu ʻa e akonaki mo e fakahinohino ʻoku ʻi he School Guidebook, peesi 37-38, palakalafi 12-14. Naʻá na loto-tatau ke fakamuʻomuʻa ʻa e ako fakafāmilí ʻi he uike taki taha, pea ʻoua ʻe fakaʻatā ʻa e ngaahi ngāue kehé ke tuku ai ʻa e akó.
Hiva 195 mo e lotu tuku.