Ngaahi Fakataha Ngāue ki Tīsema

Uike Kamata Tīsema 4

Hiva 130

10 min: Ngaahi fanongonongo fakalotofonua. Filifili ha Fanongonongo mei he ʻEtau Ngāue Fakafaifekau ʻo e Puleʻanga.

15 min: “Fakahīkihikiʻi Fakaʻaho ʻa Sihova.” Fehuʻi mo e tali. Lau ʻa e ngaahi palakalafí. ʻAi ha tokotaha malanga ʻe taha pe ua ke lave ki he ngaahi meʻa fakafiefia naʻe hoko ʻi he lolotonga ʻa e fakamoʻoni ʻi he founga ʻikai anga-mahení.

20 min: “Tuʻuaki ʻa e Tohi Ko ʻEku Tohi ʻo e Ngaahi Talanoa Faka-Tohitapú.” Fakaongoongoleleiʻi loto-māfana hono tuʻuaki atu ʻa e tohí, tautefito ki he faʻahinga naʻe hā mai ʻenau mahuʻingaʻiá ki muʻa. Fakamanatu ʻa e ngaahi tuʻuaki kuo fokotuʻu maí, pea fai ha fakahāhā ʻe taha pe ua. Fakakau atu ki ai ha ngaahi fakamatala feʻungamālie ki he founga ʻe lava ke fai ai ʻe he tokotaha-ʻapí ha tokoni ki he ngāue ʻi māmani lahí.

Hiva 168 mo e lotu tuku.

Uike Kamata Tīsema 11

Hiva 107

13 min: Ngaahi fanongonongo fakalotofonua. Fakamatala paʻangá. Fakamanatu nounou ha ngaahi ʻuhinga ʻoku totonu ai ke tau palani ke kau kakato mo mohu ʻuhinga lelei ki he ngāue fakamalangá. ʻI he ʻikai ke fakangatangata pē ʻetau ngāué ki he houa ʻe taha pe ofi ki ai, ko e hā ʻoku ʻikai ke fokotuʻutuʻu ai ke nofo pē ke aʻu ki he houa ʻe ua pe lahi ange kapau ʻe ala lava? ʻOku faʻa fakatuʻunga tefito ʻa e lavameʻá ia ʻi hono fokotuʻutuʻu ʻa e ngaahi toe ʻaʻahí ki muʻa pea teuteu ke ngāue fakataha mo ha niʻihi ʻoku nau palani ke ngāue ʻi he houa ʻe ua pe lahi ange.

15 min: Ngaahi fiemaʻu fakalotofonua. Pe ha malanga makatuʻunga ʻi he kaveinga “Ko e Ngaahi Pale ʻo e Kīvoí,” mei he Watchtower ʻo ʻAokosi 1, 1995, peesi 25-29.

17 min: “Teuteu mo Fiefia ʻi he Ngaahi Fakataha ʻa e Fakatahaʻangá.” Malanga mo e fetalanoaʻaki. Fakaafeʻi ha tokotaha malanga ʻe taha pe ua ke na lave ki ha meʻa naʻá na fai, ʻa ia naʻe tokoni kiate kinaua ke fiefia ʻi he ngaahi fakatahá pea maʻu ʻa e ʻaonga kakato mei aí.

Hiva 113 mo e lotu tuku.

Uike Kamata Tīsema 18

Hiva 195

10 min: Ngaahi fanongonongo fakalotofonua. Tuʻuaki ha ngaahi fokotuʻu ki he founga ʻo hono fai ha tali fakapotopoto ki he ngaahi talamonū ʻo e ʻaho mālōloó. Fanongonongo ha ngaahi fokotuʻutuʻu faifakamoʻoni makehe ki Tīsema 25, 26.

15 min: “ʻAi ke Hā Hoʻo Laka ki Muʻá.” Fehuʻi mo e tali.

20 min: “Foki Kiate Kinautolu Naʻa Nau Fakahā ʻa e Mahuʻingaʻiá.” Fakamanatu ʻa e ngaahi fetalanoaʻaki kuo fokotuʻu maí, pea fai ha fakahāhā nounou ʻe ua. Fakalototoʻaʻi kotoa ke fai ha ngaahi toe ʻaʻahi fakataha mo e taumuʻa ke kamata ha ngaahi ako ʻi he tohi ko e Ngaahi Talanoa Faka-Tohitapú.

Hiva 135 mo e lotu tuku.

Uike Kamata Tīsema 25

Hiva 212

10 min: Ngaahi fanongonongo fakalotofonua. Kapau ko hoʻomou ngaahi taimi fakatahá ʻoku teu ke liliu ʻi Sanuali 1, fai ha fakalototoʻa kiate kinautolu kotoa ke poupou kakato ki ai ʻaki hono fai ha ngaahi feʻunuʻaki ʻe fiemaʻú. (Sio ki he ʻEtau Ngāue Fakafaifekau ʻo e Puleʻanga ʻo Tīsema 1994, peesi 2.) Fanongonongo ha ngaahi fokotuʻutuʻu faifakamoʻoni makehe ki Sanuali 1, 2.

35 min: “ʻAi ke Ulo Atu Maʻu Pē ʻEtau Maamá.” Talateu nounou ʻo makatuʻunga ʻi he palakalafi 1-5. Ko e palakalafi 6-16 ke fai ia ʻaki ʻa e fehuʻi mo e tali. Lau ʻa e palakalafi 6-9, 15, mo e 16. Ngāueʻaki ʻa e palakalafi 17-19 ki he fakaʻosí. Ke fai ia ʻe he ʻovasia ngāué kapau ʻe ala lava.

Hiva 28 mo e lotu tuku.