Ngaahi Fakataha Ngāue ki Tīsema

Uike Kamata Tīsema 5

Hiva 27

12 min: Ngaahi fanongonongo fakalotofonua mo e Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakahā ha kupu ʻe taha pe ua ʻoku mahino ʻe lava ke fakaeʻa ai hono tuʻuaki ʻa e ngaahi makasini fakamuimui tahá. ʻAi ha tokotaha malanga alafua ke ne fakahāhaaʻi ha tuʻuaki, ʻo ngāueʻaki ha taha ʻi he ongo kupu ko iá.

15 min: “Ko ha Sīpinga ke Muimui Ofi ki Ai.” Fehuʻi mo e tali.

18 min: “Fakaafeʻi ʻa e Niʻihi Kehé ke Muimui kia Sīsū Kalaisi.” Fetalanoaʻaki mo e kau fanongó. Fokotuʻutuʻu ha ongo fakahāhā fuonounou. Fakamamafaʻi ʻa e fiemaʻu ke tauhi ha ngaahi lēkooti totonu fale ki he fale; toe fakamanatu fuonounou ʻa e fakamatala ʻoku totonu ke hiki aí.

Hiva 172 mo e lotu tuku.

Uike Kamata Tīsema 12

Hiva 163

13 min: Ngaahi fanongonongo fakalotofonua mo e Ongoongo Fakateokalati. Fakamatala paʻanga, kau ai mo ha fakamālō ki ha tokoni kuo fai. Fai ha ngaahi fokotuʻu ki he anga ʻo hono tali ʻa e ngaahi talamonū fakaemāmani ʻi he ngaahi ʻaho mālōlō ʻo e Kilisimasí mo e Taʻu Foʻoú.​—Sio ki he ʻEtau Ngāue Fakafaifekau ʻo e Puleʻanga, Tīsema 1990, peesi 6.

14 min: “Tokanga ki Hoʻo Founga Faiakó.” Ko e malanga ʻa e ʻovasia ʻo e akó. Toe fakamanatu ʻa e ngaahi fakahinohino ʻoku ʻomai fakataha mo e “Fakahokohoko Ako Fakafaifekau Fakateokalati ki he 1995,” fakahaaʻi ha ngaahi fakamanatu ʻoku fiemaʻu tefito ʻe he fakatahaʻangá.

18 min: “Fakahāhā ʻa e Houngaʻia ki he Fale ʻo e ʻOtuá.” Fehuʻi mo e tali. Fai ha toe fakamatala ʻo fekauʻaki mo e tauhi-taimi ʻi he ngaahi fakatahá.​—Sio ki he Taua Leʻo ʻo Sanuali 1, 1991, peesi 29-32.

Hiva 149 mo e lotu tuku.

Uike Kamata Tīsema 19

Hiva 48

10 min: Ngaahi fanongonongo fakalotofonua. Toe fakamanatu ʻa e ngaahi fokotuʻutuʻu fakamalanga fakalotofonua ki he ʻaho mālōlō ʻo e Kilisimasí mo e Taʻu Foʻoú. Fokotuʻu ha ngaahi founga ʻo hono tuʻuaki ʻa e ngaahi makasiní ki he kauhala fakalotofonuá.

20 min: “Tokanga ki he Lea ʻo e Kikité.” Fakalahi. Fehuʻi mo e tali ʻi he palakalafi 1-8, ke fai ia ʻe ha taha ʻo e kau mātuʻá. Fetalanoaʻaki ki hono ngāueʻaki ʻa e ngaahi veesi ʻoku ʻasí.

15 min: “Fakalotoʻi ke Nau Hoko ko Hono Kau Muimui.” Fetalanoaʻaki mo e kau fanongó. ʻAi ha ongo fakahāhā fuonounou. Poupouʻi ke ngāueʻaki kotoa ha taimi ngāue fakamalanga ʻi he uike taki taha ki hono fai ʻo e ngaahi toe ʻaʻahí.

Hiva 220 mo e lotu tuku.

Uike Kamata Tīsema 26

Hiva 204

5 min: Ngaahi fanongonongo fakalotofonua. Fakamatala “ʻE Liliu Hoʻo Ngaahi Taimi ki he Fakatahá?” kapau ʻoku feʻungamālie ki hoʻo fakatahaʻangá.

20 min: “Tokanga ki he Lea ʻo e Kikité.” Fakalahi. Fehuʻi mo e tali ʻi he palakalafi 9-13, ke fai ʻe ha taha ʻo e kau mātuʻá. Fakamamafaʻi ʻa e mahuʻinga ʻo e teuteu, ʻalu maʻu pē, mo kau maʻu pē ki he Ako Tohi ʻa e Fakatahaʻangá. Fakahā ʻa e houngaʻia ki he fakahinohino fakalaumālié, ko hotau tataki ʻi he ngaahi ʻaho fakaʻosí ni ʻoku faingataʻa ke fekuki mo iá.

10 min: Ngaahi fiemaʻu fakalotofonua. Pe fai ha malanga ʻi he kupu ko e “ʻOkú Ke Tokoniʻi Hoʻo Tamá ke Ne Fili ʻa Sihova?” ʻi he Watchtower ʻo ʻOkatopa 1, 1994, peesi 26-30.

10 min: Teuteu ki he tuʻuaki ʻi Sanualí. Ko e polosiua “Vakai! ʻOku Ou Fakafoʻou ʻa e Meʻa Kotoa Pe” ʻe tuʻuakí. Ko e ngaahi fakakaukau ki he ngaahi tuʻuakí ʻe lava ke maʻu ia ʻi he tohi Reasoning, ʻi he peesi 9-15. ʻAi ha tokotaha malanga alafua ke ne fakahāhaaʻi ʻa e tuʻuakí.

Hiva 157 mo e lotu tuku.

Ako Tohi ʻa e Fakatahaʻanga

Taimi-tēpile ako ki he Fāʻūtaha ʻi he Lotu ki he ʻOtua Moʻoni Pē Taha naʻe pulusi fakakongokonga ʻi he Taua Leʻo faka-Tonga ʻo Sepitema 1, 1991:

Mei he: Ki he:

Tīsema 5: Vahe 7 pal. 8-16

Tīsema 12: Vahe 8 pal. 1-10

Tīsema 19: Vahe 8 pal. 11-15

Tīsema 26: Vahe 9 pal. 1-7

Fakamatala Ngāue ʻo Sepitema

Tāimuʻa Tāimuʻa Tāimuʻa Kau

Makehe Tuʻumaʻu Tokoni Malanga Kātoa

Haʻamoa ʻAmelika 1 16 6 148 171

Haʻamoa Hihifo ​4 ​32 ​7 ​262 ​305

Tokelau 1 - - 2 2

Tonga ​2 ​6 ​5 ​57 ​70

Tuvalu ​4 ​3 ​2 ​39 ​48

Kātoa 11 57 20 508 596

Ngaahi Ngaahi Toe Ako

Houa Makasini ʻAʻahi Tohi Tapu

Haʻamoa ʻAmelika 15.1 13.9 4.7 .8

Haʻamoa Hihifo 13.4 12.3 3.8 .8

Tokelau 20.5 7.0 12.0 .5

Tonga 11.7 18.8 4.0 .5

Tuvalu 8.2 7.7 2.8 .3

ʻE Liliu Hoʻomou Ngaahi Taimi ki he Fakatahá?

ʻI ha ngaahi tuʻunga ko e ngaahi fakatahaʻanga ʻe niʻihi ʻoku nau ngāueʻaki pē ʻa e Kingdom Hall tataú kuo nau loto-lelei ke feʻunuaki pe fai ha fakatonutonu ki he ngaahi taimi ʻoku fai ai ʻa e fakatahá, ʻoku totonu ke fai leva ia ʻi he kamataʻanga pē ʻo Sanualí. Ko ha loto-lelei ke fengāueʻaki fakataha mo e fokotuʻutuʻu kuo fokotuʻú ʻoku fakahaaʻi ai ʻa e ʻofa mo e fakaʻatuʻi. ʻOku faʻa hoko ʻa e liliu ʻi he ngaahi taimi ki he fakatahá ke fakafaingamālieʻi taautaha ai koe, ʻo ʻai ai ʻa e maʻu fakatahá ke faingamālie ange.

ʻI he tafaʻaki ʻe tahá, ko e liliu ʻoku hoko ʻi he taʻu ní ʻe ʻikai nai ke feʻungamālie ia mo hoʻo taimi-tēpile ngāué. ʻE fiemaʻu ha feʻunuaki ʻi hoʻo founga anga-mahení ʻa ia ʻe ʻikai nai ke fuʻu feʻunga. ʻI he loto-lelei ʻa e tokotaha kotoa pē ke fengāueʻakí ʻoku fakahaaʻi ai ʻa e houngaʻia ki he fokotuʻutuʻú kotoa, ʻa ia ʻoku hoko ai ʻa e ʻaonga fakalūkufua kiate kinautolu kotoa ʻoku kau ki aí.

Ko ia, ko e feʻunuaki hono hoko ʻo e ngaahi taimi ki he fakatahá ʻe lahi ange nai ʻa ʻene meimei tatau mo hoʻo manakó. ʻI he taimi tatau pē, ʻoku fakalototoʻaʻi koe ke ke fai ha fakatonutonu ki he fiemaʻu fakafoʻituituí koeʻuhi ka ke maʻu maʻu pē ʻa e ngaahi fakataha fakauiké ʻo fakatatau ki he taimi-tēpile kuo ʻosi fakapapauʻi ʻe he fakatahaʻangá. Feinga ke manatuʻi ʻa e anga ʻo e vakai ʻa e tangata tohi sāme ko Tēvitá, ʻa ia naʻá ne fakahā: “Ne u fiefia ʻi heʻenau pehe kia kita, “Tau o ki he fale ʻo Sihova.””​—Sāme 122:1.

Ongoongo Fakateokalati

ʻAlipēnia: Naʻa nau aʻu ki ha tumutumu foʻou ʻi Siulai ko e kau malanga ʻe toko 353, pea pehē ki ha tumutumu foʻou ʻi he makasini naʻe tufakí. Ko e ʻavalisi ʻa e kau malanga ʻi he fakatahaʻangá ko e houa ʻe 22.4 ʻi he ngāue fakamalangá pea fakahoko mo e ngaahi ako Tohi Tapu ʻe 1,073.

Kamealuni: Naʻe fokotuʻu ʻi Siulai ha ʻōfisi vaʻa foʻou, ʻo feʻungatonu mo ha tumutumu foʻou ko e kau malanga ʻe toko 21,323.

Kulinilani: Ko e fakakātoa ʻo e kau malanga naʻe lipooti ngāue fakamalanga ʻi Siulaí ko e toko 134. Ko ha tumutumu foʻou ʻeni.

Sāie: Neongo ʻa e fehangahangai mo e tuʻunga fakalilifu ʻo e laui mano ʻo e kau kumi hūfanga naʻa nau hū mai ki Sāié, ka naʻe aʻusia ʻi Siulai ha tumutumu foʻou ko e kau malanga ʻe toko 83,442. Kuo fai ʻe he ngaahi tokouá ha feinga lelei ʻaupito ke nau fetokoniʻaki, pea ʻoku nau pehē ʻoku nau houngaʻia lahi ʻaupito ʻi he ngaahi tokoni mei tuʻá.