Ngaahi Fakataha Ngāue ki Maʻasi
Uike Kamata Maʻasi 4
Hiva 48
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
15 min: “Fakamālōʻia ʻa Sihova ʻi he ‘ʻAho Kotoa Pe.’” Fehuʻi mo e tali. Lau ʻa e palakalafi 2-5 ʻo fakatatau ki he taimi ʻoku vaheʻí. Fai ha fakalototoʻa ʻaonga ki he kau tāimuʻa tokoní pea mo e ngāue tāimuʻa tuʻumaʻú.
20 min: “ʻIlo ʻo e ʻOtua Moʻoní ʻOku Taki Atu ki he Moʻuí.” Fakamanatu ʻa e ngaahi tuʻuaki kuo fokotuʻu maí. Fai ha fakahāhā ʻe taha pe ua. Tuʻuaki ha ngaahi faʻifaʻitakiʻanga ʻo e founga ʻe lava ke tau fai fakapotopoto ai hono ʻai ʻa e tokotaha-ʻapí ke nau ʻiloʻi honau faingamālie ke fai ha tokoni ki he ngāue ʻi māmani lahí.
Hiva 51 mo e lotu tuku.
Uike Kamata Maʻasi 11
Hiva 157
10 min: Ngaahi fanongonongo fakalotofonua. Fakamatala paʻangá.
20 min: “Ko Hono Maʻu ʻa e ʻAonga mei he Akoʻanga Fakafaifekau Fakateokalati ki he 1996—Konga 3.” Malanga ke fai ʻe he ʻovasia ʻo e akoʻangá. Fakalototoʻaʻi ʻa e faʻahinga kotoa ʻe lavá ke nau kau pea fakakakato anga-tonu ʻenau ngaahi kongá. Fakamatalaʻi mahino ʻa e ngaahi lao ki hono puʻaki totonu ʻa e ngaahi lea ʻoku ngāueʻaki ʻa e ngaahi toloí mo e ngaahi fakauʻá.
15 min: Fai ha Ngaahi Meʻa Fakataha ko ha Fāmili. Ko e talanoa ʻa e tamaí ki hono fāmilí ʻi ha founga ʻikai anga-maheni ʻo kau ki he fiemaʻu ke ngāue fakataha, ʻo makatuʻunga ʻi he Taua Leʻo ʻo Sanuali 1, 1994, peesi 13-16. Fai ha tokanga ki he ako fakafāmilí pea mo e ngāue fakaʻevangelioó. Fakamatala ki he founga ʻoku movete ai ʻa e ngaahi fāmili ʻi onopooní koeʻuhi ko e siʻi ange ʻa e taimi ʻoku nau fakataha aí pea ʻikai pē ke ʻi ai ha meʻa ia ʻe hangataha ki ai ʻenau mahuʻingaʻiá. Ko hono ako ʻa e Folofola ʻa e ʻOtuá pea mo kau fakataha ki he ngāue fakafaifekaú ko ha tāpuaki ia ki he fāmili Kalisitiané. Fakamamafaʻi ʻa e fiemaʻu ki he tamaí ke fokotuʻutuʻu lelei ʻa e ngaahi meʻá pea ki he faʻeé ke kaungāngāue fakataha. ʻOku totonu ki he fānaú ke nau mahuʻingaʻia ʻi he ngāue fakalaumālié, ʻo ngāue vāofi mo e ngaahi mātuʻá. ʻE fāʻūtaha ai ʻa e fāmilí pea ʻe hoko ʻo fakaivia ai ke fekuki mo e ngaahi tenge fakautuutu ki he fakamāmaní.
Hiva 130 mo e lotu tuku.
Uike Kamata Maʻasi 18
Hiva 162
10 min: Ngaahi fanongonongo fakalotofonua. Ko kinautolu ʻoku nau fai ʻa e ngaahi ako Tohitapú ʻoku totonu ke nau fakalototoʻaʻi ʻa e faʻahinga foʻou ʻoku nau fakalakalaka lelei ʻi heʻenau ako Tohitapú ke nau kakapa atu ke hoko ko e kau malanga teʻeki papitaiso. ʻE lava ke tokoni foki ʻa e ngaahi mātuʻá ki heʻenau fānaú ke nau hoko ko e kau malanga. Fakamanatu ʻa e ngaahi fokotuʻu ʻoku ʻomai ʻi he Organized to Accomplish Our Ministry, peesi 97-100.
15 min: Fakamanatu ʻa e Ngaahi Meʻa Mahuʻinga ʻi he 1996 Yearbook of Jehovah’s Witnesses. Ko e fetalanoaʻaki fakakulupu ʻa e fāmilí ki he ngaahi meʻa mahuʻinga ʻo kau ki heʻetau ngāue ʻi māmani lahí ʻi he peesi 3-5 mo e 33. ʻOku nau loto fakataha ki ai ko e ʻaho taki taha te nau feinga ke lau ha ngaahi peesi ʻo e Yearbook ʻi he hili ʻenau vakai ki he konga Tohitapu kuo vaheʻí ʻi he Ko Hono Vakaiʻi Fakaʻaho ʻa e Tohitapú.
20 min: “Tokoniʻi ʻa e Niʻihi Kehé ke Maʻu ʻa e ʻIlo ʻOku Taki Atu ki he Moʻuí.” Fakamanatu ʻa e ngaahi tuʻuaki ʻoku fokotuʻu mai ke ngāueʻaki ʻi he ngaahi toe ʻaʻahí. Fakakau atu ki ai mo e fakahāhā ʻe taha pe ua. Fakamamafaʻi ʻa e taumuʻá ke kamata ha ngaahi ako.
Hiva 130 mo e lotu tuku.
Uike Kamata Maʻasi 25
Hiva 48
15 min: Ngaahi fanongonongo fakalotofonua. Fakamanatu ʻa e “Ngaahi Fakamanatu ki he Fakamanatú.” Fakamatalaʻi ʻa e ʻuhinga ʻoku mahuʻinga ai ke kau ki aí. (Sio ki he Watchtower ʻo Fepueli 15, 1985, peesi 18-20.) Fakamanatu ʻa e ngaahi fokotuʻu ke tokoniʻi ʻa e kau taʻumotuʻá, vaivaí, pea mo e faʻahinga foʻoú ke nau ʻi ai. Fetalanoaʻaki ki he ngaahi fokotuʻutuʻu ke fakalahi atu ʻa e ngāue fakamalangá ʻi he lolotonga ʻo e uike ka hoko maí. ʻIkai ko ia pē, fakamanatu ʻa e kaveingá “ʻI Hono Fakahā ʻa e Anga Tali Kakai ki he Solá,” ʻi he peesi 32 ʻo e tatau ʻo e Awake! ʻo Sēpitema 22, 1995.
15 min: Puha Fehuʻi. Malanga ke fai ʻe ha mātuʻa. Fetalanoaʻaki ki he ngaahi ʻuhinga ʻokú ne ueʻi ai kitautolu ke hoko ʻo anga-fiefoaki, ʻo hangē ko ia ʻoku hā ʻi he Watchtower ʻo Sanuali 15, 1992, peesi 16-17.
15 min: “Ko e Teuteú—Ko e Kī ki he Lavameʻá.” Fehuʻi mo e tali. Lave ki heʻetau tuʻuaki ʻa e Taua Leʻo lolotonga ʻo ʻEpeleli mo Mē. Fai ha teuteu he taimí ni ʻaki hono ʻota ha ngaahi tatau lahi ange, maʻu mo e ngaahi foomu tukuhau, pea fai ha fokotuʻutuʻu ke poupouʻi ʻa e ngaahi fokotuʻutuʻu ʻa e fakatahaʻangá ki he ngāue ʻAho Makasiní.
Hiva 195 mo e lotu tuku.