Fanongonongo

◼ Tohi ke tuʻuaki ʻi Tīsema: Ko ʻEku Tohi ʻo e Ngaahi Talanoa Faka-Tohitapú. Sanuali: Ko e tohi iiki ʻe tolu. Te ke ngāueʻaki nai ha ngaahi tohi iiki pē ʻoku maʻu nai ʻi he sitoka ʻa e fakatahaʻangá, pea fai ha feinga makehe ke tufa atu ʻa e tohi iiki ko e Nofo ʻAmanaki mo e “Vakai!” Fepueli: Ko Hono ʻAi Hoʻo Moʻui Fakafāmilí ke Fiefia. Maʻasi: ʻIlo ʻA Ia ʻOku Taki Atu ki he Moʻui Taʻengatá.

◼ ʻOku totonu ke kamata ʻa hono kole ʻe he ngaahi fakatahaʻangá ʻa e ngaahi voliume ʻo e Taua Leʻo mo e Awake! ki he 1996 fakataha mo ʻenau kole tohi ki Tīsemá. (Sio ki he Watchtower Publications List, palakalafi 6-8, 10.) ʻE ala maʻu ʻa e ngaahi voliumé ʻi he lea faka-Pilitāniá pea mo e konga lahi ʻo e ngaahi lea lalahi kehé. ʻI he teʻeki ke ala maʻu ʻa e ngaahi voliumé pea fakafolau atú, ʻe hā ia ko e “Back ordered” ʻi he lisi fakaheka ʻa e fakatahaʻangá. Ko e ngaahi voliumé ko e meʻa ia ke fai ha kole makehe ki ai.

◼ ʻOku totonu ki he ʻovasia tauhí, pe ko ha tokotaha kuó ne fili ke ne ʻaotitaʻi ʻa e fakamatala fakapaʻanga ʻa e fakatahaʻangá ʻi Tīsema 1, pe faingamālie vave taha hili iá. Fai ha fanongonongo ki he fakatahaʻangá ʻi he lava ʻo e ngāue ko ʻení.

◼ Ko e Fakamanatu ki he 1998 ʻe fai ia ʻi he Tokonaki, ʻEpeleli 11, hili ʻa e tō ʻa e laʻaá. Ko e fakatokanga tōmuʻa ko ʻeni kuo ʻoatu ki he ʻaho ʻo hono kātoangaʻi ʻo e Fakamanatú ki he 1998 koeʻuhi ke fai ʻe he ngaahi tokouá ha aleapau pe ko hano taʻofi ha holo ʻoku ʻatā he taimi ʻoku faʻa ngāueʻaki ai ʻe he ngaahi fakatahaʻangá ʻa e Fale Fakatahaʻanga tatau pē, ko ia kuo pau leva ke nau toe kumi ha fale kehe.

◼ Koeʻuhi ko e mahuʻinga ʻo e kātoangá ni, ʻi hono vaheʻi ha tokotaha malanga ki he Fakamanatú, ʻoku totonu ke fili ʻe he kulupu ʻo e kau mātuʻá ha tokotaha mātuʻa taau lahi ange ʻo ʻikai ko e taufetongi pē, pe ngāueʻaki ha tokoua tatau he taʻu taki taha.