Fanongonongo

◼ Tohi ke tuʻuaki ʻi Fepueli: Ko Hono ʻAi Hoʻo Moʻui Fakafāmilí ke Fiefia. Maʻasi: ʻIlo ʻA Ia ʻOku Taki Atu ki he Moʻui Taʻengatá. ʻEpeleli mo Mē: Ko e ngaahi tatau tāutaha ʻo e Taua Leʻo mo e Awake! Ki he ngāue he lolotonga ʻo e uiké pea ʻi he feituʻu kuo toutou ngāueʻí, ʻe lava ke ngāueʻaki nai ʻa e polosiua foʻou, Ko e Hā ʻOku Fiemaʻu ʻe he ʻOtuá Meiate Kitautolú?

◼ Ko e sekelitalí pea mo e ʻovasia ngāué ʻoku totonu ke na vakaiʻi ʻa e ngāue ʻa e kau tāimuʻa tuʻumaʻú kotoa. Kapau ʻoku ʻi ai ha niʻihi ʻoku ʻi ai ha faingataʻa ʻo ʻikai ke aʻusia ai ʻenau ngaahi houa ʻoku fiemaʻú, ko e kau mātuʻá ʻoku totonu ke nau fokotuʻutuʻu ke fai ha tokoni. Ki ha ngaahi fokotuʻu, fakamanatu ʻa e ngaahi tohi ʻa e Sōsaietí (S-201) ʻo ʻOkatopa 1, 1993, pea mo ʻOkatopa 1, 1992. Toe sio ki he palakalafi 12-​20 ʻo e fakalahi ʻo ʻEtau Ngāue Fakafaifekau ʻo e Puleʻanga ʻo ʻAokosi 1986.

◼ Ko e kau malanga ʻoku nau ʻamanaki ke nau ngāue ko e tāimuʻa tokoni ʻi Maʻasi, ʻEpeleli, mo Meé ʻoku totonu ke fai leva ʻenau fokotuʻutuʻu ki aí he taimí ni pea fakahū tōmuʻa ʻenau tohi kolé. ʻE lava ke tokoni ʻeni ki he kau mātuʻá ke nau fai ha ngaahi fokotuʻutuʻu ʻoku fiemaʻu ki he ngāue fakamalangá mo maʻu ha ʻū makasini mo ha tohi feʻunga. Ko e ngaahi hingoa ʻo e faʻahinga kotoa ʻoku tali ke tāimuʻa tokoní ʻoku totonu ke fanongonongo ki he fakatahaʻangá.