Ngaahi Fakataha Ngāue ki Nōvema
Uike Kamata Nōvema 3
Hiva 48
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. “Ongoongo Lelei ʻi he ʻInitanetí.” Fakamatalaʻi ʻa e līpooti ngāue fakamalanga ʻo ʻAokosí ki he fonuá mo e fakatahaʻanga fakalotofonuá.
15 min: “ʻOku Fakaava Mai ha Matapā ki he Ngāué.” Malanga ke fai ʻe ha tokotaha mātuʻa, fakakau ki ai ʻa e fetalanoaʻaki mo e kau fanongó. Fakalototoʻaʻi kotoa ʻa kinautolu ʻe malava ke nau kakapa atu ke kau lahi ange ʻi he ngāue malangá. Fakakau atu ki ai mo e faleʻi ʻe niʻihi ʻoku ʻomai ʻi he Watchtower ʻo ʻAokosi 15, 1988, peesi 22.
20 min: “Toe Foki ki he Kau Mahuʻingaʻia ʻi he Ongoongo ʻo e Puleʻangá.” Fehuʻi mo e tali. Fakahāhaaʻi ʻa e ngaahi tuʻuaki ʻi he palakalafi 6. ʻI ha taha ʻo kinautolu, fakahā ha ako Tohitapu kuo ʻosi kamata.
Hiva 98 mo e lotu tuku.
Uike Kamata Nōvema 10
Hiva 51
10 min: Ngaahi fanongonongo fakalotofonua. Fakamatala paʻangá. Fakahā ki he fakatahaʻangá ʻa e feituʻu ʻoku toe ke ngāueʻi ʻaki ai ʻa e Ongoongo ʻo e Puleʻangá Fika 35. Fakalototoʻaʻi kotoa ke kau kakato ʻi he uike fakaʻosi ko ʻeni ʻo e feingangāue makehé.
15 min: Ngaahi fiemaʻu fakalotofonua.
20 min: “Aʻu ki he Ngaahi Hoa Mali ʻIkai ko ha Fakamoʻoní.” Fetalanoaʻaki ʻi he vahaʻa ʻo ha toko ua ʻo e kau mātuʻá ʻokú na fakakaukau fekauʻaki mo hono ʻai ke ʻilo lahi ange ki he ngaahi hoa mali ʻikai ke tuí ʻi ha tuʻunga fakafoʻituitui. ʻOkú na toe fakakaukau ki he ngaahi fokotuʻu ʻoku ʻomai ʻi he Taua Leʻo ʻo Nōvema 1, 1989, peesi 17-18, palakalafi 6-9. Fakakau atu ki ai mo e meʻa naʻe hokosia mei he Watchtower ʻo ʻOkatopa 1, 1995, peesi 10-11, palakalafi 11-12.
Hiva 143 mo e lotu tuku.
Uike Kamata Nōvema 17
Hiva 123
10 min: Ngaahi fanongonongo fakalotofonua. Fakamatalaʻi ʻa e ngaahi fokotuʻutuʻu ngāue fakamalanga makehe ki Nōvema 27. Vahevahe ha ngaahi meʻa naʻe hokosia fakalotofonua ʻe niʻihi mei he feingangāue Ongoongo ʻo e Puleʻangá Fika 35.
20 min: Puke ʻa e Faingamālie Taʻehanotatau Ko ʻEní! Ko ha malanga makatuʻunga ʻi he Watchtower ʻo Nōvema 15, 1996, peesi 21-23.
15 min: “Ko e Hā Te u Leaʻakí?” Fetalanoaʻaki mo e kau fanongó. Lau ʻa e ʻuluaki palakalafi ʻi he peesi 8 ʻi he tohi Reasoning, ʻo fakamatalaʻi ai ʻa e founga naʻe faʻu ai ʻa e tohí ke tokoniʻi kitautolu ke fai ha fakamoʻoni ola lelei ʻi ha ngaahi tuʻunga lea faka-Tohitapu kehekehe. Fakatātaaʻi ʻaki ha tuʻuaki ʻosi teuteuʻi lelei ʻe taha pe ua.
Hiva 151 mo e lotu tuku.
Uike Kamata Nōvema 24
Hiva 56
8 min: Ngaahi fanongonongo fakalotofonua.
15 min: Ngaahi ʻUlungaanga Lelei ʻi he Ako Tohi ʻa e Fakatahaʻangá. ʻOku tau houngaʻia ʻi he anga-talitali kakai ʻa e ngaahi fāmili ʻoku nau fakaʻatā honau ʻapí ki he ako tohí. ʻOku kau nai heni ha teuteu lahi mo faingataʻa. ʻI hono maʻu iá, ʻoku totonu ke tau fakahāhā ʻa e ʻulungaanga lelei pea fakahā ʻa e fakaʻatuʻi mo e houngaʻia, ʻa ia ʻe fakakau ki ai ʻa e meʻá ni: (1) ʻOku totonu ke tau holoholo fakalelei hotau vaʻé ki muʻa ke hū ki ai, ke fakaʻehiʻehi mei hono fakaʻuliʻi ʻa e falikí pe ko e kāpetí. (2) ʻOku totonu ki he ngaahi mātuʻá ke nau tokangaʻi ʻenau fānaú, ʻo fakapapauʻi ʻoku nau anga-lelei pea nofo maʻu ʻi he feituʻu ʻo e ʻapí kuo teuteu ki he ako tohí. (3) Neongo ʻoku tokosiʻi nai ʻa e kulupú pea ko e ʻātakai ʻoku anga-maheni ki ai, ko ha fakataha fakaefakatahaʻanga ʻeni pea ʻoku totonu ke tau teuteu ʻo hangē ko ia ʻoku tau faʻa fai ʻi heʻeteu ʻalu ki he Fale Fakatahaʻangá. (4) Ko e feohi ʻi he hili ʻa e fakatahá ʻoku totonu ke nounou pē koeʻuhi kae lava ʻa e faʻahinga ʻi he ʻapí ke maʻu ha taimi ʻatā kiate kinautolu. (5) Neongo ko e ʻapi ʻo e tokotaha ʻoku fai ki ai ʻa e akó ʻokú ne faʻa fili nai ke ʻomai ha kiʻi fakamāmālohi maʻamaʻa hili ʻa e akó, ʻoku totonu ke mahino kiate kitautolu kotoa ʻoku ʻikai ʻamanekina pe ko ha fiemaʻu pau ia.
22 min: Ngaohi Ākonga, Akoʻi Kinautolu. Ko hono fai ʻe ha tokotaha mātuʻa ha fetalanoaʻaki mo ha kulupu ʻo e kau malanga ʻe toko tolu pe fā, ʻo tali ʻa e ngaahi fehuʻi ʻoku makatuʻunga ʻi he tohi Our Ministry, peesi 88-92: (1) Ko e hā ʻoku mātuʻaki fiemaʻu ai ke fai ʻa e ngaahi toe ʻaʻahí ki he ola lelei ʻi he ngāue fakafaifekaú? ʻE lava fēfē ʻe ha taha ke ikuʻi ʻa e pole ʻo hono fai ʻa e ngāue toe ʻaʻahí? (2) Ko e hā hono ʻuhinga ʻoku tau fai ai ʻa e fakamamafa lahi fau ki hono kamata ha ngaahi ako Tohitapú? ʻE lava fēfē ke tau hoko ʻo pōtoʻi ʻi hono fai ʻa e ngaahi akó? (3) Ko e hā ʻoku mahuʻinga ai ke tataki ʻa e kau akó ki he kautahá? ʻE lava fēfē ke tau fai ʻeni? ʻOku lave foki ʻa e kulupú ki he founga kuo tokoniʻi ai kinautolu ʻe he fakalahi ʻo ʻEtau Ngāue Fakafaifekau ʻo e Puleʻanga ʻo Sune 1996 pea mo Maʻasi mo ʻEpeleli 1997 ʻi he ngaahi tafaʻaki ko ʻení.
Hiva 120 mo e lotu tuku.