Ngaahi Fakataha Ngāue ki Fepueli
Uike Kamata Fepueli 2
Hiva 56
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Ongoongo Fakateokalati.
15 min: “Kau Fakamoʻoni ʻa Sihová—Ko e Kau ʻEvangeliō Moʻoni.” Fehuʻi mo e tali. Fakamanatu ʻa e puha ʻi he peesi 15 ʻi he Taua Leʻo ʻo Mē 1, 1993.
20 min: “Fakaaʻu Atu ha Fakaafe ki he Tokotaha Kotoa Pē ʻOku Fieinua.” Fakamanatu ʻa e kupú, lave ki he founga naʻe faʻu ai ʻa e ngaahi tuʻuaki ʻoku fokotuʻu maí ke ne langaʻi ʻa e mahuʻingaʻiá pea ueʻi ʻa e kau fanongó. ʻAi ha tokotaha lahi ke ne fakahāhaaʻi ʻa e palakalafi 2-3 pe 4-5 mo ha talavou ke ne fakahāhaaʻi ʻa e palakalafi 6. ʻOku totonu ki he tokotaha malanga taki taha ke ne lave ki he fokotuʻutuʻu ki hono fai ha tokoní.
Hiva 195 mo e lotu tuku.
Uike Kamata Fepueli 9
Hiva 48
10 min: Ngaahi fanongonongo fakalotofonua. Fakamatala paʻangá.
15 min: Ngaahi fiemaʻu fakalotofonua.
20 min: “Faifakamoʻoni ki he Kakai ʻo e Ngaahi Lea mo e Ngaahi Lotu Kotoa Pē.” (Palakalafi 1-10) Fehuʻi mo e tali. ʻAi ha lisi ʻo e ngaahi lea ʻoku leaʻaki ʻe he tokolahi ʻi ho feituʻú, pea fakahā ai ʻa e tohi ʻoku ʻi he sitoka ʻa e fakatahaʻangá ki he faʻahinga lea ko iá. Hangē ko ia ʻoku fakamatalaʻi ʻi he palakalafi 10, ʻai ha fakahāhā ki hono ngāueʻaki ʻa e kiʻi tohi Good News for All Nations.
Hiva 220 mo e lotu tuku.
Uike Kamata Fepueli 16
Hiva 48
5 min: Ngaahi fanongonongo fakalotofonua.
12 min: Ko e ʻUhinga ʻOku Fiemaʻu Ai Kiate Koe ke Ke Maʻu ʻa e Ngaahi Fakataha ʻa e Fakatahaʻangá. Fakamatalaʻi ʻe ha tokotaha mātuʻa ʻa e ngaahi poini tefito ʻi he Watchtower ʻo ʻAokosi 15, 1993, peesi 8-11, ʻo fakamamafaʻi ai ʻa e mahuʻinga ʻo e maʻu maʻu pē ʻa e ngaahi fakataha kotoa pē.
18 min: “Faifakamoʻoni ki he Kakai ʻo e Ngaahi Lea mo e Ngaahi Lotu Kotoa Pē.” (Palakalafi 11-28) Fehuʻi mo e tali. ʻAi ha lisi ʻo e ngaahi lotu ʻikai faka-Kalisitiane ʻoku ʻi ho feituʻú. ʻAi ha tokotaha malanga taukei ke ne fakahāhaaʻi ʻa e founga ke fai ai ha ʻuluaki fakamoʻoni ki ha tokotaha ʻoku lotu-Puta, Hinitū, Siu, pe Mosilemi—pe ko ha faʻahinga taha pē heni ʻoku lahi taha ʻi he koló.
10 min: “Ko Sihova ko Hoku Tokoni.” Ko ha malanga fakaloto-māfana fakalototoʻa ke fai ʻe ha tokotaha mātuʻa.
Hiva 222 mo e lotu tuku.
Uike Kamata Fepueli 23
Hiva 220
10 min: Ngaahi fanongonongo fakalotofonua. Fakamanatu ʻa e tohi ke tuʻuaki ʻi Maʻasí. Lave ki ha foʻi fakakaukau ʻe taha pe ua ʻo hono tuʻuaki atu ʻa e tohi ʻIlo, ʻo ngāueʻaki ʻa e ngaahi poini mei he peesi 4 ʻo ʻEtau Ngāue Fakafaifekau ʻo e Puleʻanga ʻo Nōvema 1996. Fakamamafaʻi ʻa e taumuʻa ʻo hono kamata ha ngaahi ako Tohitapu ʻi ʻapi.
15 min: “Kapau ʻOku Maʻu Ai ha Ngaahi Ola, Ngāueʻaki Ia!” Fehuʻi mo e tali. ʻAi ha tokotaha malanga taukei ʻe taha pe ua mei he kau fanongó ke na fakamatalaʻi nounou ʻa e ngaahi tuʻuaki ʻokú na hokohoko atu ke ngāueʻaki koeʻuhi ko e faingofua ʻa e ngaahi tuʻuakí pea mo e ngaahi ola ʻoku maʻu aí. Pea fakahā leva ha ngaahi lea kamata ʻe niʻihi ki muí ni ʻoku fokotuʻu mai ʻi he ʻEtau Ngāue Fakafaifekau ʻo e Puleʻanga pea kuo fakamoʻoniʻi ʻoku ola lelei.
20 min: ʻAhiʻahiʻi Hoʻo Ngaahi Tuʻuakí. Malanga nounou makatuʻunga ʻi he School Guidebook, peesi 98-99, palakalafi 8-9. Fakamamafaʻi ʻa e fiemaʻu ke sivisiviʻi ʻetau ngaahi tuʻuakí pea kumi ki ha ngaahi founga ke hoko ai ʻo ola lelei ange. ʻAi ha tuofefine ʻe toko ua ke na fakahāhaaʻi ʻa e founga ʻokú na sivisiviʻi ai ʻa e meʻa ʻokú na leaʻaki ʻi ha matapā, fakamatalaʻi ʻa e founga naʻá na malava ai ke fakaleleiʻí. ʻOku toe ʻi ai hona taimi ʻahiʻahi nounou ke ʻahiʻahiʻi ha tuʻuaki ʻokú na fokotuʻutuʻu ke na ngāueʻaki ʻi he taimi hoko maí, ʻo na taki taha maʻu ʻiate kinaua ʻa e ngaahi fokotuʻu ʻaonga. ʻOku fakaʻosi ʻe he tokotaha seá ʻaki hono fakalototoʻaʻi kotoa ke sivisiviʻi pea ʻahiʻahiʻi ʻena ngaahi tuʻuakí.
Hiva 212 mo e lotu tuku.