Ongoongo Fakateokalati

Laipīlia: Naʻe toe fakaava ʻa e ʻōfisi vaʻa ʻi Monrovia ʻi Sepitema 1, hili ia ʻa hono tāpuni ʻi he māhina ʻe 15 ko e tupu mei ha tau fakalotofonua. Naʻa nau līpooti ai ha tumutumu kāfakafa foʻou ko e kau malanga ʻe toko 1,977 ʻi Sepitema.

Mosemipīki: Ko ha tumutumu foʻou ʻo e kau malangá naʻe aʻu ki ai ʻi Sepitemá ko e toko 28,005. Ko e tumutumu motuʻá naʻe toko 25,790 ʻi Mē 1975, ko ia ko ha tuʻunga mahuʻinga ʻeni ʻo e hisitōlia fakateokalatí ʻi Mosemipīki.

Nepolo: Ko ha tumutumu foʻou ko e kau malanga ʻe toko 306 naʻe aʻu ki ai ʻi Sepitemá. ʻOku meimei ko e ngaahi ako Tohitapu ʻe 500 ʻoku fai ai he lolotongá ni.

St. Helena: Ko e ʻapi taki taha ʻi he motu ko ʻení naʻe ʻoange ki ai ha tatau ʻo e Ongoongo ʻo e Puleʻangá Fika 35.

Ko e ngaahi fonua ʻe niʻihi naʻe kamataʻaki ʻa e taʻu fakangāué ʻaki ha tumutumu foʻou ʻo e kau malangá ʻo feʻunga hono tupú mo e peseti ʻe 5 ʻo laka hake ʻaki ia ʻi he ʻavalisi ʻo e taʻu kuo ʻosí: Hongokongo, 4,230; Matakasikā, 8,749 (kau atu ki ai mo ha tumutumu ko e kau tāimuʻa tuʻumaʻu ʻe toko 912); Taiuani, 3,497.