Ngaahi Fakataha Ngāue ki Maʻasi

Uike Kamata Maʻasi 2

Hiva 27

8 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

15 min: “Mou Fai Pehe Mōku Fakamanatu.” Malanga ke fai ʻe ha tokotaha mātuʻa. Fakamatala nounou ʻi he tohi Our Ministry, peesi 80-81, ʻo fakamamafaʻi ai ʻa e mahuʻinga ʻo hono maʻu ʻo e Fakamanatú.

22 min: “Tō ki he Niʻihi Kehé ʻa e ʻAmanaki ko e Moʻui Taʻengatá.” Fetalanoaʻaki ʻi he kupú mo e kau fanongó. Fakamatalaʻi nounou ʻa e founga ʻe lava ke ngāueolaleleiʻaki ai ʻa e ngaahi fehuʻí ke hokohoko atu ha fetalanoaʻaki. ʻOmai ha fakatātā ʻe niʻihi ʻo e ngaahi fehuʻi taki mo e ngaahi fehuʻi fakatupunga fakakaukau fakatouʻosi ʻe ngāueʻaki nai ʻi ha tuʻuaki. (Sio ki he School Guidebook, peesi 51-52, palakalafi 10-12.) ʻAi ha tokotaha malanga taukei ke ne fakahāhaaʻi ha taha ʻo e ngaahi tuʻuaki kuo ʻosi fokotuʻu maí fakataha mo ha toe ʻaʻahi, ʻo fakahā ai hano kamata ʻo ha ako Tohitapu. Fakakau atu ki ai ha lave nounou ki he fokotuʻutuʻu ʻo hono fai ʻo e tokoní.

Hiva 212 mo e lotu tuku.

Uike Kamata Maʻasi 9

Hiva 168

8 min: Ngaahi fanongonongo fakalotofonua. Fakamatala paʻangá.

15 min: Maʻu ʻa e ʻAonga Kakato mei he 1998 Yearbook. Fakamanatu ʻe ha tamai ʻa e peesi 3-6, 31 fakataha mo hono fāmilí, ʻo fakaeʻa ai ʻa e ngaahi lavameʻa fakateokalati ʻi māmani lahi ʻi he taʻu kuohilí. Fakakaukau ki he ngaahi ʻaonga ʻoku maʻu ʻe he fāmilí mei hono lau mo fakamatalaʻi fakataha ʻa e konga tohi fakaʻahó pea mo e ngaahi konga ʻo e Yearbook ʻi he taimi kaí, ʻo fakapapauʻi ai ke hanganaki fai pehē ʻi he taʻú kotoa.

22 min: “Te Tau Toe Fai Ia?” (Palakalafi 1-11) Fehuʻi mo e tali. Lave ki he ngaahi meʻa lalahi ʻo e feingangāue ʻo e taʻu kuohilí ki he tāimuʻa tokoní, hangē ko ia ʻoku līpooti ʻi he 1998 Yearbook. Lave ki he fika naʻa nau tāimuʻa tokoni ʻi he feituʻú he lolotonga ʻo e vahaʻa taimi ko iá. Fakamatalaʻi leva ʻa e ngaahi ʻaonga fakafoʻituitui ʻoku tau maʻu mei he ngāue tāimuʻá, pea fakahāhā ʻa e founga ʻoku tokoni ai ʻa e feinga makehe ko ʻení ki he fakalakalaka ʻa e fakatahaʻangá. Fakamatalaʻi ʻa e ngaahi fokotuʻutuʻu ki he ngāue fakamalangá ʻa ia ʻoku lolotonga fokotuʻutuʻu fakalotofonua ki ʻEpeleli mo Meé ke tokoniʻi ha niʻihi tokolahi ange ke tāimuʻa. ʻE maʻu nai ʻe he kau malangá ʻa e ngaahi tohi kolé ʻi he hili ʻa e fakatahá.

Hiva 195 mo e lotu tuku.

Uike Kamata Maʻasi 16

Hiva 123

8 min: Ngaahi fanongonongo fakalotofonua. Fakaafeʻi ʻa e kau mahuʻingaʻia kotoa pē ke nau haʻu ki he malanga makehe maʻá e kakaí ʻi Maʻasi 29. ʻOku fakakaveinga ʻa e malangá ko e “ʻUhinga ʻOku Lava Ai ke Ke Falala ki he Tohitapú.”

15 min: Ngaahi fiemaʻu fakalotofonua.

22 min: “Te Tau Toe Fai Ia?” (Palakalafi 12-19) Fehuʻi mo e tali. Fakamanatu ʻa e ngaahi tuʻunga poto taau ʻoku fokotuʻu mai ʻi he tohi Our Ministry, peesi 113-114. Fakamatalaʻi ʻa e founga ʻoku teuteuʻi ai ʻe he ngāue tāimuʻá ha taha ki he ngāue tāimuʻa tuʻumaʻú. Fakaafeʻi ha niʻihi naʻa nau ngāue tāimuʻa ʻi he faʻahitaʻu fakamanatu fakamuimuí ke nau tala mai ʻa e founga naʻa nau fokotuʻutuʻu ai ʻenau taimi-tēpilé kae lava ke maʻu ʻa e houa ʻe 60. Ko fē ʻa e taimi-tēpile ʻahiʻahi ʻi he peesi fakamuimui ʻo e fakalahí naʻe ngāue lelei taha kiate kinautolú? Fakatatau ki he taimí, lave ki ha meʻa naʻe hokosia ʻi he 1987 Yearbook, peesi 48-49, 245-246. Fakalototoʻaʻi ʻa e kau malangá ke nau maʻu ha ngaahi tohi kole ʻi he hili ʻa e fakatahá.

Hiva 168 mo e lotu tuku.

Uike Kamata Maʻasi 23

Hiva 149

10 min: Ngaahi fanongonongo fakalotofonua. Fakalototoʻaʻi kotoa ke kamata hono fakaafeʻi ʻa e faʻahinga mahuʻingaʻiá ki he Fakamanatú, ʻi ʻEpeleli 11. Fakaʻaliʻali ha tatau ʻo e tohi fakaafé, pea fakaʻaiʻai kotoa ke maʻu ha tatau pea ke kamata hono tufa kinautolú ʻi he uiké ni. Fanongonongo ʻa e ngaahi hingoa ʻo e faʻahinga kotoa te nau ngāue tāimuʻa ʻi ʻEpelelí. Fakamatalaʻi ʻoku ʻikai ke fuʻu tōmui ke fakahū mai ha tohi kole. Fakamatalaʻi ʻa e taimi-tēpile fakalūkufua ʻo e ngaahi fakataha ki he ngāue fakamalangá ʻoku fokotuʻutuʻu ki ʻEpelelí.

20 min: Teuteuʻi ha Faʻahinga Foʻou ki he Ngāue Fakamalangá. Malanga mo e fetalanoaʻaki mo e kau fanongó. Ko kinautolu ʻoku nau fai ha ako ʻi he tohi ʻIlo ʻoku totonu ke nau fakakaukau ki hono teuteuʻi ʻenau kau akó ke kau ki he ngāue fakamalangá. Lave ki he meʻa ʻoku fakahaaʻi ʻi he tohi ʻIlo, peesi 105-106, palakalafi 14, mo e peesi 179, palakalafi 20. Fakamanatu ʻa e founga ʻi he Taua Leʻo ʻo Sune 1, 1989, peesi 16-17, palakalafi 7-10, ki he faʻahinga foʻoú ke hoko ʻo ʻiloʻi ko e kau malanga teʻeki papitaiso. Fakakaukau ki he ngaahi fokotuʻu ʻi he fakalahi ʻo ʻEtau Ngāue Fakafaifekau ʻo e Puleʻanga ʻo Sune 1996, palakalafi 19, ki hono tokoniʻi ha kau malanga foʻou teʻeki papitaiso ke nau kamata ʻi he ngāue fakamalangá.

15 min: Puha Fehuʻi. Fehuʻi mo e tali. Fakamanatu ʻe ha tokotaha mātuʻa ʻa e fakamatala ʻi he tohi Our Ministry, peesi 131, palakalafi 1 mo e 2.

Hiva 48 mo e lotu tuku.

Uike Kamata Maʻasi 30

Hiva 56

12 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻenau līpooti ngāue fakamalanga ki Maʻasí. Fakaʻaliʻali ʻa e ngaahi tatau lolotonga ʻo e ngaahi makasiní, fokotuʻu pe ko fē ʻa e ngaahi kupu te ke fakaeʻa nai ʻi hono tuʻuaki kinautolú, pea lave ki he ngaahi poini fakatupunga talanoa pau ʻe niʻihi. Fakamanatu ʻa e “Ngaahi Meʻa ke Manatuʻi ki he Fakamanatú,” pea fakamatalaʻi ʻa e ngaahi fokotuʻutuʻu fakalotofonua ki he Fakamanatú. ʻOku totonu ki he tokotaha kotoa pē ke ne fai ha fokotuʻutuʻu fakaʻosi ke tokoniʻi ʻa e kau ako Tohitapú mo e faʻahinga mahuʻingaʻia kehé ke nau haʻu ki ai. Fakamanatu ki he tokotaha kotoa pē ke nau fakapapauʻi ke muimui ʻi he taimi-tēpile lau Tohitapu ki he Fakamanatú ki ʻEpeleli 6-11, ʻa ia ʻoku hā ʻi he Ko Hono Vakaiʻi Fakaʻaho ʻa e Tohitapú.

13 min: “Fānau​—Ko Kimoutolu Homau Fiefiaʻangá!” Fehuʻi mo e tali. Lave ki he meʻa naʻe hokosia mei he Watchtower ʻo ʻAokosi 1, 1987, peesi 25.

20 min: Ngaahi Founga ke Tauʻi Ai ʻa e Ongosia Fakalaumālié. Fetalanoaʻaki ha ongo mātuʻa ʻe toko ua ʻi he puha ʻi he Watchtower ʻo Sanuali 15, 1986, peesi 19. Ko e “Ngaahi Fakaʻilonga ʻo e Ongosiá” taki taha, fakamatalaʻi Fakatohitapu ʻa e founga ʻe lava ai ʻe ha taha ke ne maʻu ʻa e ʻaonga mei he fetuʻuaki ʻi he “Ngaahi Tokoni ki he Kātakí.” Fakaʻekeʻeke leva ha ongo malanga ʻe toko ua ʻa ia te na fakamatala ki he founga naʻe tokoniʻi ai kinaua ʻe hono tali ʻa e ngaahi poini peheé ke tauhi maʻu ʻena mālohi fakalaumālié.

Hiva 212 mo e lotu tuku.