Taimi-Tēpile ki he Fakataha Ngāué
Uike Kamata ʻAokosi 14
Hiva 114
12 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamatala ki he līpooti ngāue fakamalanga ʻi Meé ki he fonuá pea mo e fakatahaʻanga fakalotofonuá. Ko e fakaʻosinga uike pē ʻe ua ʻoku toe ʻi ʻAokosí, ko ia fakalototoʻaʻi ʻa e tokotaha kotoa pē ke kau ki he ngāue fakafaifekaú ki muʻa ke ngata ʻa e māhiná. Fakamanatu ʻa e taimi-tēpile ki he ngaahi fakataha ʻi he fakaʻosinga ʻo e uiké ki he ngāue fakamalangá.
15 min: “Tau ʻa e Tau Lelei ʻo e Tui.” Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali. Tānaki mai mo ha ngaahi fakamatala mei he tohi Our Ministry, peesi 44-45, ʻi he founga ʻo e fokotuʻutuʻu ʻe he kau faiako ʻo e Ako Tohi ʻa e Fakatahaʻangá ʻa e ngāue fakamalanga ki heʻenau ngaahi kulupú pea fai ha tokanga ki ha faʻahinga pē ʻoku nau fiemaʻu ha tokoni fakafoʻituitui ke kau pea mo līpooti maʻu pē ʻenau ngāue fakafaifekaú.
18 min: Founga Te Ke Malava Ai ke Maʻu ha ʻAonga ʻi he ʻAlu ki he Akó. Ko ha tamai ʻokú ne talanoa ki haʻane fānau ke tokoniʻi kinautolu ke nau houngaʻia ʻi he ʻuhinga ʻoku ʻaonga ai ʻa e ako fakamāmaní. (Sio ki he tohi Young People Ask, peesi 133-139.) ʻOku ongoʻi ʻe he toʻutupu tokolahi ko e ʻalu ki he akó ko ha pole moʻoni ia ʻi he sōsaieti puleʻingataʻa ʻo e ʻaho ní. ʻOku nau toe ongoʻi pipikoʻia, ʻo fakaʻosi ʻaki ko e meʻa te nau akó ʻe ʻaonga siʻisiʻi pē ʻa hono mahuʻingá. ʻOku fakamanatu ʻe he tamaí ʻa e ngaahi tefitoʻi moʻoni Fakatohitapú pea mo e ngaahi ʻuhinga lelei ʻoku fakapotopoto ai ke nau maʻu ha ako fakamāmani lahi feʻungá. ʻOkú ne fakaʻaiʻai ʻene fānaú ke nau ako lelei pea tokanga ʻi he kalasí.
Hiva 113 mo e lotu tuku.
Uike Kamata ʻAokosi 21
Hiva 143
12 min: Ngaahi fanongonongo fakalotofonua. Fakamatala paʻangá. Fai hano fakahāhaaʻi ʻo ha ngāue fakamalanga ʻosi ʻahiʻahiʻi lelei ʻoku hā ai ʻa e founga ke tali ai ha fehuʻi: “Ko e hā ʻa e ʻuhinga ʻe fakaʻatā ai ʻe ha ʻOtua ʻofa ʻa e faingataʻá ke hokohoko atu ʻo fuʻu fuoloá?” (Tohi Reasoning, peesi 395-396) Fakalototoʻaʻi ʻa e tokotaha kotoa pē ke kau ki he ngāue fakafaifekaú ʻi he fakaʻosinga ʻo e uike ní.
8 min: “Polokalama ʻAho ʻAsemipilī Makehe Foʻou.” Ko ha malanga. Fanongonongo ʻa e ʻaho ʻo e ʻasemipilī makehe ka hoko maí, kapau ʻoku ʻiloʻi, pea fakaʻaiʻai ʻa e tokotaha kotoa pē ke ne maʻu ʻa e ʻahó kotoa. Fakalototoʻaʻi ʻa e kau malangá ke nau fakaafeʻi ʻa e faʻahinga mahuʻingaʻia foʻoú pea mo e kau ako Tohitapú.
25 min: “ʻOkú Ke Maʻu ha ʻAonga?” Fehuʻi mo e tali.
Hiva 98 mo e lotu tuku.
Uike Kamata ʻAokosi 28
Hiva 48
10 min: Ngaahi fanongonongo fakalotofonua. Fakamanatu ki he tokotaha kotoa pē ke ʻomai ʻenau ngaahi līpooti ngāue fakamalanga ki ʻAokosí. ʻOku totonu ke vakaiʻi ʻe he kau faiako ʻo e Ako tohi ʻa e Fakatahaʻangá ʻa e tokotaha kotoa pē ʻi heʻenau kulupú koeʻuhí ke malava ʻa e ngaahi līpooti kotoa pē ke kakato ki Sepitema 6.
15 min: Ngaahi fiemaʻu fakalotofonua.
20 min: “Ko e Ngaahi Fakatahá ʻOku ʻAonga Ia ki he Kau Talavoú.” Fetalanoaʻaki ʻi he fehuʻi mo e tali ke fai ʻe ha tokotaha mātuʻa. ʻI hono fakamatalaʻi ʻa e palakalafi 8, lāulea ki ha ngaahi meʻa ʻaonga ʻe niʻihi ʻokú ne poupouʻi ʻa e nōfoʻi mo e tokanga lelei he lolotonga ʻo e ngaahi fakatahá. (Sio ki he Awake! ʻo Sepitema 22, 1998, peesi 19-20.) Fakalototoʻaʻi ʻa e ngaahi mātuʻá ke nau tuʻumaʻu ʻi hono ʻai ʻenau fānaú ke nau maʻu maʻu pē ʻa e kotoa ʻo e ngaahi fakatahá.—Sio ki he meʻa naʻe hokosia ʻi he Watchtower ʻo Sepitema 1, 1997, peesi 25.
Hiva 135 mo e lotu tuku.
Uike Kamata Sepitema 4
Hiva 204
15 min: Ngaahi fanongonongo fakalotofonua. Puha Fehuʻi. ʻAi ha kau malanga ke nau lave ki ha ngaahi meʻa naʻa nau hokosia ʻi he faifakamoʻoni ʻi he founga ʻikai anga-mahení ʻi he ʻalu ki he fakataha-lahi fakavahé, ʻi he lolotonga iá, pe ko e foki mei aí.
10 min: ʻOku Makehe Hotau Taimí. Ko ha malanga ke fai ʻe ha tokotaha mātuʻa, ʻo makatuʻunga ʻi he Watchtower ʻo Nōvema 15, 1996, peesi 22-23.
20 min: “ʻOkú Ke Kātaki?” Malanga mo e fetalanoaʻaki mo e kau fanongó. Fakalototoʻaʻi ʻa e tokotaha kotoa pē ke nau fakakaukauloto ki heʻenau lavameʻa fakafoʻituitui ʻi hono fakahāhā ʻa e kātaki ʻi he ngāue fakafaifekau faka-Kalisitiané. Kapau ʻoku hoko ʻo hā mai ha ngaahi vaivaiʻanga, ʻoku ʻi ai ha fiemaʻu leva ke fakaivimālohiʻi fakalaumālie kitautolu. Fakakau atu ki ai mo e ngaahi fakamatala mei he Taua Leʻo ʻo ʻOkatopa 1, 1999, peesi 20-21, palakalafi 17-21. Fakaafeʻi ha kau malanga ʻe toko ua pe toko tolu naʻa nau kātaki anga-tonu ʻi he faai mai ʻa e ngaahi taʻú ke nau lave ki he meʻa ʻoku nau fai ke nau kītakí.
Hiva 98 mo e lotu tuku.