Fanongonongo

◼ Tohi ke tuʻuaki ʻi Siulai mo ʻAokosi: ʻE ngāueʻaki nai ha taha pē ʻo e ngaahi polosiua peesi ʻe 32 ʻoku hoko haké: Ko e Puleʻanga Te Ne ʻOmai ʻa e Palataisi, Laumālie ʻo e Kau Maté​—ʻOku Malava Ke Nau Tokoniʻi Koe pe Uesia Koe? ʻOku Nau ʻI Ai Moʻoni?, Moʻui Fiefia ʻi he Māmani ʻo Taʻengata!, “Vakai! ʻOku Ou Fakafoʻou ʻa e Meʻa Kotoa Pē,” ʻI he Mate ha Taha ʻOkú Ke ʻOfa Ai, mo e ʻOku Totonu Ke Ke Tui ki he Tolu-Tahaʻi-ʻOtuá? Sepitema: Ko ʻEku Tohi ʻo e Ngaahi Talanoa Faka-Tohitapú. ʻOkatopa: Ko e ongo makasini Ko e Taua Leʻo mo e Awake! ʻE tuʻuaki nai ʻa e ngaahi tukuhaú ʻi he hā mai ha mahuʻingaʻia ʻi he ngaahi toe ʻaʻahí. Nōvema: Ko e Hā ʻOku Fiemaʻu ʻe he ʻOtuá Meiate Kitautolú?, Te Ke Malava ʻo Moʻui Taʻengata he Palataisi ʻi he Māmaní, pe ko e ʻIlo ʻA Ia ʻOku Taki Atu ki he Moʻui Taʻengatá. Tīsema: Ko e Moʻungaʻi Tangata Lahi Taha Kuo Moʻui Maí. Sanuali: Ko ha ngaahi tohi, fanga kiʻi tohi pe ngaahi polosiua motuʻa ange he sitoka ʻi he fakatahaʻangá. Ko e ngaahi fakatahaʻanga ʻoku ʻikai te nau maʻu ha niʻihi ʻo e ngaahi tatau peheé te nau tuʻuaki nai ʻa e polosiua Fiemaʻu.

◼ ʻOku totonu ki he ʻovasia tauhí pe ko ha tokotaha kuó ne vaheʻi ke ne ʻaotitaʻi ʻa e paʻanga ʻa e fakatahaʻangá ʻi Sepitema 1 pe faingamālie vave taha hili pē iá. ʻI he ʻosi hono fai ʻení, fai ha fanongonongo ki he fakatahaʻangá ʻi he hili hono lau ʻa e fakamatala paʻanga hono hokó.

◼ ʻOku totonu ki he ngaahi fakatahaʻangá ke nau ʻave ʻenau ngaahi kole ki he 2001 Calendar of Jehovah’s Witnesses ke aʻu ki he ʻōfisi vaʻá ʻi ʻAokosi 20. ʻE ala maʻu ʻa e ngaahi tohimāhiná ʻi he lea faka-Falanisē, Finilani, Hinitī, Hōlani, Hungali, Kalisi, Kōlea, Kolotia, Lūsia, Pilitānia, Pōlani, Potukali, Sēpia, Siaina, Siamane, Siapani, Sipeini, Toake, ʻAimīnia, ʻAlepea, ʻInitonēsia, mo ʻĪtali. ʻOku fai ʻa e kole makehe ki he ngaahi tohimāhiná.

◼ Ko e fakamatala fakataʻu ʻo e ngaahi tohi pea mo e ngaahi makasini kotoa pē ʻoku kei maʻú ʻoku totonu ke ʻosi ki ʻAokosi 31, 2000, pe ofi ki ai ʻo kapau ʻe malava. Ko e fakamatala ko ʻení ʻoku meimei tatau ia mo e fakamatala paʻanga totonu ʻoku fai ʻi he māhina taki taha, pea ko e fakakātoá ʻoku totonu ke fakahū ki he foomu Literature Inventory (S-18). Ko e fika fakakātoa ʻo e ngaahi makasini ʻoku kei toé ʻoku lava ke maʻu ia mei he sevāniti ki he makasiní. ʻE maʻu ʻe he fakatahaʻanga taki taha ʻa e ngaahi foomu Literature Inventory (S-18) ʻe tolu. Kātaki ʻo meiliʻi ʻa e ʻuluaki tataú ki he Sōsaietí ʻo ʻoua ʻe toe tōmui ange ʻi Sepitema 6. Tauhi ʻa e tatau hono uá ki hoʻo ngaahi failé. ʻE ngāueʻaki nai ʻa e tatau hono tolú ko ha tatau ngāue. ʻOku totonu ki he sekelitalí ke ne vakaiʻi ʻa e fakamatalá, pea ʻe fakamoʻoni ʻi he fōmú ʻa e sekelitalí pea mo e ʻovasia tauhí.