Taimi-Tēpile ki he Fakataha Ngāué

Uike Kamata Nōvema 12

Hiva 11 (85)

8 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

15 min: “Falala kia Sihova ki ha Mālohi.”a Fakakau ai ha fakamatala nounou ʻi he Taua Leʻo ʻo ʻOkatopa 1, 1999, peesi 18-19, palakalafi 6-8.

22 min: “Ko e Ngaahi Tāpuaki mei Hono Fakahaaʻi ʻa e Houngaʻia ʻi he ʻOfa ʻa Sihová​—Konga 1.”b ʻI he fetalanoaʻaki he palakalafi 3-6, fakaafeʻi ʻa e fakatahaʻangá ke lave ki ha ngaahi meʻa fakalototoʻa naʻa nau hokosia ʻi he ngāue fale-ki-he-falé, faifakamoʻoni he halá pea mo e fai ʻo e toe ʻaʻahí mo e ako Tohitapú.

Hiva 21 (191) mo e lotu tuku.

Uike Kamata Nōvema 19

Hiva 6 (45)

8 min: Ngaahi fanongonongo fakalotofonua. Fakamatala paʻangá.

15 min: Ngaahi fiemaʻu fakalotofonua.

22 min: “Fakatupulekina Hoʻo Ngaahi Mafai Fakaefakakaukaú.”c Ko ha tokotaha mātuʻa ʻokú ne fakahoko ha fakamanatu longomoʻui ʻo e polokalama ʻaho ʻasemipilī makehe ʻa ia naʻe fai he lolotonga ʻo e taʻu fakangāue kuoʻosí.

Hiva 13 (124) mo e lotu tuku.

Uike Kamata Nōvema 26

Hiva 4 (43)

15 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki Nōvemá. ʻI hono ngāueʻaki ʻa e ngaahi fokotuʻu ʻi he “Meʻa ke Leaʻaki Fekauʻaki mo e Ngaahi Makasiní,” fakahāhaaʻi ha tuʻuaki makasini ʻosi teuteuʻi lelei ʻe ua​—ʻo ngāueʻaki ʻe ha tokotaha ʻa e Taua Leʻo ʻo Nōvema 15 pea ngāueʻaki ʻe ha tokotaha kehe ʻa e ʻĀ Hake! ʻo ʻOkatopa-Tīsema. Pea fakamatala leva ki he founga ke maʻu ai ha tuʻuaki ke ngāueʻaki ʻi hono tuʻuaki ʻa e tohi Moʻungaʻi Tangata Lahi Taha he lolotonga ʻo Tīsemá. Sio ki he Watch Tower Publications Index ʻi he “Presentations” pea mo e kaveinga tokoni tefito ko e “List by Publication.” Ngāueʻaki ha fakatātā ʻe taha pe ua.

15 min: “ʻE Lava Ke U Maʻu mei Fē ha Taimi?” Malanga mo e fetalanoaʻaki mo e kau fanongó. Fakakau ai ha ngaahi poini tefito mei he Taua Leʻo ʻo ʻOkatopa 1, 2000, peesi 20-21, palakalafi 9-10, ʻi he kaveinga tokoni, “Founga ʻo Hono Fakaʻatā ʻe he Niʻihi Kehé Kinautolu ki he Akó.” Fakaafeʻi ʻa e kau fanongó ke nau lave ki he ngaahi founga ʻaonga naʻa nau maʻu ai ha taimi ki he ngaahi meʻa ʻoku mahuʻinga lahi angé ʻaki ʻenau toʻo atu ʻa e ngaahi ngāue ʻoku ʻikai ke fiemaʻú. Fakamamafaʻi ʻa e fiemaʻu ke fakataimitēpileʻi ʻe ha taha ha taimi ki he ako fakafoʻituituí mo e fakafāmilí, ngaahi fakataha ʻa e fakatahaʻangá, malaʻe fakafaifekaú mo e lau Tohitapu fakaʻahó.

15 min: ʻOku Fakahīkihikiʻi ʻa Sihova ʻe he Kau Talavoú. Fetalanoaʻaki mo e kau fanongó. Ko e lahi taha ʻo e ngaahi fakatahaʻangá ʻoku ʻi ai ʻa e kau talavou tokolahi ʻoku nau kau ʻi he ngāue fakamalangá. ʻOku taau mo kinautolu ke nau fai pehē, neongo ʻoku ʻuhinga ʻa e faifakamoʻoní ʻi he lahi tahá ki he kakai lalahí. (Sāme 148:​12, 13; Mt. 21:​15, 16) ʻI he taimi ʻoku mahuʻingaʻia ai ʻa e ngaahi mātuʻá mo e kau malanga kehé ʻi hono fai ha ako mo ha fakalototoʻa, ʻoku maʻu ʻe he kau talavoú ha fiefia ʻi he malaʻe ngāué. Fakaafeʻi ʻa e kau fanongó ke nau fokotuʻu mai ha ngaahi founga ke fakakau ai ʻa e kau talavoú ʻi he ngāue matapā-ki-he-matapaá mo e toe ʻaʻahí. Kole ki he ngaahi mātuʻá ke nau lave ki ha meʻa kuo nau fai ke tokoniʻi ai ʻenau fānaú ke nau ako ki he founga ke tuʻuaki ai ʻa e ngaahi makasiní, ke ngāueʻaki ʻa e Tohitapú ʻi heʻenau ngaahi tuʻuakí pea ke lea ʻi he tuipau ʻi he ngaahi matapaá. Fakamamafaʻi ʻa e ngaahi ʻaonga ʻo hono fakaongoongoleleiʻi ʻo e fānaú. Fakaʻekeʻeke ha tokotaha malanga kei talavou ʻe toko taha pe ua, pea ʻai kinaua ke na lave ki ha meʻa naʻá na fiefia ai fekauʻaki mo e ngāue fakamalangá pea mo hono ʻuhingá.

Hiva 27 (221) mo e lotu tuku.

Uike Kamata Tīsema 3

Hiva 22 (130)

8 min: Ngaahi fanongonongo fakalotofonua. Fakamanatu “Te Tau Ako ʻa e Tohi Fāmili Fiefiá.”

12 min: Ngaahi Tafaʻaki ʻo e Tohi Reasoning. Fetalanoaʻaki mo e kau fanongó. Lāulea ki he ngaahi fakatātā ko ʻeni ʻo e anga ʻo e ʻaonga ʻaupito ʻa e ngaahi tafaʻaki kehekehe ʻi he tohí ki hono fakamatalaʻi ʻa e ngaahi akonaki ʻa e Tohitapú: Ngaahi ʻuhinga ʻo hangē ki he “Puleʻanga” (peesi 225-226); Ko hono tali ʻa e ngaahi fehuʻi hangē ko ení: Ko Sihova ʻi he “Fuakava Motuʻa” ko Sīsū Kalaisi ia ʻi he “Fuakava Foʻoú”? (peesi 197-198) pe ko e moʻoni fekauʻaki mo e helí (peesi 169-170); ngaahi lisi, ʻoku fakaikiiki ai ʻa e ngaahi tui tefito ʻokú ne fakamavaheʻi ai kitautolu mei he ngaahi lotu kehé (peesi 199-201) pe fakahaaʻi ʻa e founga ʻe lava ai ʻe ha taha ʻo ʻilo pe ko fē ʻa e lotu ʻoku tonú (peesi 328-330); pe fakahaaʻi ai ʻa e fakatuʻutāmaki ʻo hono ngāueʻaki ʻa e maliuaná mo e tapaká (peesi 108-111). Fakalototoʻaʻi ʻa e kau malangá ke ngāueʻaki ʻa e tokoni fakaeako lelei ko ʻení ʻi ha faingamālie pē ʻoku malanga hake ʻi he malaʻe fakafaifekaú.

25 min: “ʻOku Tau Maʻu ha Meʻangāue Foʻou ki Hono Kamata ha Ngaahi Ako!” Fetalanoaʻaki mo e kau fanongó ke fai ʻe he ʻovasia ngāué. ʻAi ʻa e kau fakanofonofó ke nau tufa ki he tokotaha kotoa pē ʻi he kau fanongó ha tatau ʻe taha ʻo e tuleki foʻou Te Ke Saiʻia ke ʻIlo Lahi Ange ki he Tohitapú? kapau ʻoku ala maʻu. Fakakau ai ʻa e ongo tuʻuaki ʻe ua ʻosi teuteuʻi lelei, ʻo ngāueʻaki ʻa e ngaahi fokotuʻu ʻi he kiʻi puha, “Meʻa ke Leaʻaki Fekauʻaki mo e Ngaahi Makasiní.” ʻE tuʻuaki ʻe ha tokotaha malanga ʻe taha ʻa e Taua Leʻo ʻo Nōvema 1, pea tuʻuaki ʻe ha tokotaha ʻa e Awake! ʻo Nōvema 8. ʻI he tuʻunga taki taha, ʻe fakaʻosi ʻe he tokotaha malangá ʻaki hono ʻoange ʻa e tuleki ko e ʻIlo ki he Tohitapú ki he tokotaha-ʻapí​—ki ha taha ʻoku ʻikai te ne tali ʻa e ongo makasiní pea ki ha taha ʻokú ne tali ia. Fakalototoʻaʻi ʻa e tokotaha kotoa pē ke ne ʻoange ha tuleki foʻou ki he faʻahinga kotoa ʻoku nau fetaulaki mo ia ʻi he ngāue fakafaifekaú.

Hiva 23 (200) mo e lotu tuku.

[Fakamatala ʻi lalo]