Taimi-Tēpile ki he Fakataha Ngāué

Uike Kamata Sanuali 14

Hiva 18 (162)

10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.

20 min: Maʻu ʻa e ʻAonga mei he Ngaahi Tokonaki Anga-ʻOfá. Malanga ke fai ʻe ha tokotaha mātuʻa taau, ʻo fakamatalaʻi ai ʻa e ngaahi tokonaki kuo faʻu ke tokoni ʻi hono fai ʻa e ngaahi fili fakafaitoʻo, hangē ko e ngaahi kaati Fakahinohino mo e Taua Leʻo, “Fehuʻi mei he Kau Lautohí” ʻo Sune 15, 2000 mo ʻOkatopa 15, 2000. ʻOku totonu ke maʻu ʻe he fakatahaʻangá ha ngaahi tatau lahi feʻunga ʻo e kaati Fakahinohino/Fakaʻatā Fakafaitoʻo Tokamuʻá. Ko e kaati ko ʻení ʻe ala maʻu ia ʻe he kau malanga ʻosi papitaisó hili ʻa e fakataha ʻo e pōní, ka ʻoku totonu ke ʻoua ʻe fakafonu kinautolu he poó ni. Ko e fakamoʻoni hingoá, fakamoʻoní, mo e tohi ʻo e ʻaho ʻo e kaati ko ʻení ʻe fai ia ʻi he Ako Tohi Fakaefakatahaʻanga hokó, fakataha mo ha tokoni ʻi hono fiemaʻú mei he faiako ʻo e ako tohí. Ko e faʻahinga ʻoku fakamoʻoni hingoa ko e kau fakamoʻoní ʻoku totonu ke nau sio tonu ʻi he fakamoʻoni hingoa ʻa e tokotahá ʻi he kātí. Ko e kau malanga teʻeki papitaisó te nau hiki nai haʻanau Fakahinohino pē ʻa kinautolu pea mo ʻenau fānaú ʻaki hono liliu ʻa e fakalea mei he kaati ko ʻení ʻo fakatatau ki honau ngaahi tuʻunga mo ʻenau ngaahi fakapapau pē ʻa kinautolu. Fakamamafaʻi ʻa e fakapotopoto ʻo hono fai tokamuʻa ʻo e ngaahi fili fakafaitoʻó ʻo makatuʻunga ia ʻi honau konisēnisi kuo akoʻi mei he Tohitapú. (Pal. 27:12; 14:15) Ko e fetalanoaʻaki ki muʻa mo e kau ngāue fakafaitoʻó ʻo fakahaaʻi mahino ai ʻa e meʻa ʻoku tali ʻi he founga ngāue fakafaitoʻó mo e faitoʻó ʻoku mātuʻaki mahuʻinga. ʻOku fiemaʻu ʻa e ako fakafoʻituitui lelei koeʻuhi ke lava ʻo fai ha ngaahi fili feʻungamālie. Lau ʻa e ngaahi palakalafi feʻungamālie mei he ongo kupu ʻo e Taua Leʻo ʻoku lave ki ai ʻi ʻolungá. ʻOku loto-lelei ʻa e kau mātuʻá ke tokoni, ka heʻikai ke nau fai ha ngaahi fili maʻá e niʻihi kehé. Fakamatalaʻi ʻa e ngaahi founga ke maʻu ai ha fakamatala kuo ʻosi hiki ʻo ʻenau ngaahi filí.

15 min: “Meʻa ke Leaʻaki Fekauʻaki mo e Ngaahi Makasiní.” Ongo fakahāhā ki he anga ʻo hono tuʻuaki ʻa e Taua Leʻo ʻo Sanuali 1 pea mo e Awake! ʻo Sanuali 8. Fakalototoʻaʻi ʻa e kau malangá kotoa ke poupouʻi ʻa e ʻAho Makasiní.

Hiva 16 (143) mo e lotu tuku.

Uike Kamata Sanuali 21

Hiva 8 (53)

10 min: Ngaahi fanongonongo fakalotofonua. Fakamatala paʻangá. Fakamatalaʻi ʻa e kiʻi puha “Tuku Mavahe ha Meʻa.”

13 min: ʻOkú Ke Vakaiʻi Fakaʻaho ʻa e Tohitapú? Ko ha fetalanoaʻaki fakafāmili. Ke fakatupulekina ʻa e ngaahi ʻaonga ʻo ʻenau fetalanoaʻaki fakaʻaho he konga tohí, ʻoku nau lāulea ai ki he Taua Leʻo ʻo Sanuali 1, 1997, peesi 16, palakalafi 13-14. Fakamanatu nounou ha konga tohi fakaʻaho ʻe ua pe tolu naʻe toki fai ha lāulea ki ai, pea fakamatalaʻi ʻa e founga naʻe fakamoʻoniʻi ai ʻa e hoko ʻo ʻaonga tefito ʻa e fakamatalá. Fakamamafaʻi ko e tokonaki ko ʻení ʻoku totonu ke hoko ia ko ha konga ʻo ha polokalama ʻo e ako Tohitapu fakafāmili tuʻumaʻu kuo fokotuʻutuʻu ke hanganaki tauhi kinautolu ke longomoʻui fakalaumālie.

22 min: “Hanganaki Fakamuʻomuʻa ʻa e Puleʻangá.”a Fakakau ha ngaahi fehuʻi ʻi he ngaahi poini tefito ʻo e Taua Leʻo ʻo Sepitema 1, 1998, peesi 19-21.

Hiva 4 (43) mo e lotu tuku.

Uike Kamata Sanuali 28

Hiva 23 (200)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti malaʻe ngāue ki Sanualí. ʻI hono ngāueʻaki ʻa e ngaahi fokotuʻu ʻi he peesi 8, fakahāhaaʻi ha tuʻuaki makasini nounou ʻe ua, ʻo ngāueʻaki ʻe ha taha ʻa e Taua Leʻo ʻo Sanuali 15 pea ngāueʻaki ʻe ha taha kehe ʻa e ʻĀ Hake! ʻo Sanuali-Maʻasi. Lave ki he tohi ʻoku tuʻuaki ʻi Fepuelí.

20 min: “Ngaahi Mātuʻa​—Akoʻi Hoʻomou Fānaú mei he Kei Valevalé.”b Fakakau ha fakamatala mei he Taua Leʻo ʻo ʻEpeleli 15, 1998, peesi 32. Fakaafeʻi ʻa e ngaahi mātuʻá ke lave ki ha ngaahi ola lelei naʻa nau maʻu ʻi hono kamata ʻa e akoʻi fakalaumālie ʻo ʻenau fānaú mei he kei valevalé.

15 min: Ngaahi fiemaʻu fakalotofonua. Fakaafeʻi ʻa e kau malangá ke lave ki ha ngaahi meʻa naʻa nau hokosia ʻi hono tuʻuaki ʻa e ngaahi tohi motuʻá pe ko hono fai ha fakafiemālie Fakatohitapu mei he tuleki, Fakafiemālie ki he Kau Loto-Mafasiá. Toe fakatātaaʻi nai ha meʻa naʻe hokosia ʻe taha pe ua.

Hiva 19 (164) mo e lotu tuku.

Uike Kamata Fepueli 4

Hiva 25 (204)

8 min: Ngaahi fanongonongo fakalotofonua.

17 min: “ʻE Fēfē Haʻanau Fanongo?”c Langaʻi ha fakamatala mei he kau fanongó ki he anga ʻo hono ngāueʻaki ʻa e ngaahi konga Tohitapú. Fakakau ai ʻa e ongo fehuʻi ki he palakalafi 17-18 ʻi he peesi 20 ʻo e Taua Leʻo ʻo ʻAokosi 15, 1998.

20 min: “Ngaahi Tuʻuaki Malaʻe Ngāue ʻOku Fokotuʻu Mai.” Fetalanoaʻaki mo e kau fanongó ke fai ʻe he ʻovasia ngāué. ʻOku ʻi he fakalahi ko ʻení ha ngaahi tuʻuaki kuo ʻosi fokotuʻu mai, ʻa ia naʻe hā ia ʻi he ngaahi ʻīsiu ki muʻa ʻo ʻEtau Ngāue Fakafaifekau ʻo e Puleʻanga, fakataha mo ha niʻihi ai ʻoku foʻou. ʻE ngāueʻaki nai ʻa e ngaahi laine ʻoku ʻataá ke hiki ai ʻa e ngaahi fokotuʻu kehe ʻe malanga hake ʻi he kahaʻú pea ʻe ola lelei ʻi he feituʻu ngāue fakalotofonuá. Fakaafeʻi ʻa e kau fanongó ke nau talamai ʻa e ngaahi tuʻuaki ʻoku nau saiʻia taha aí pea ko e hā hono ʻuhingá. Fakahāhaaʻi ha taha pe ua ʻa ia ʻe lava ke ngāueʻaki fakataha mo e tohi ʻoku tuʻuaki ʻi Fepuelí. Fakalototoʻaʻi ʻa e kau malangá kotoa ke tauhi ʻa e fakalahi ko ʻení pea toutou vakai ki ai ʻi he teuteu ki he ngāue fakafaifekaú.

Hiva 28 (224) mo e lotu tuku.

[Fakamatala ʻi lalo]