Taimi-Tēpile ki he Fakataha Ngāué

Uike Kamata ʻEpeleli 8

Hiva 4 (43)

13 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakalototoʻaʻi ʻa e tokotaha kotoa pē ke sio ʻi he foʻi vitiō Young People Ask​—How Can I Make Real Friends? ʻi he teuteu atu ki he fetalanoaʻaki ʻi he Fakataha Ngāue ʻo e uike ʻo ʻEpeleli 22. ʻI hono ngāueʻaki ʻa e ngaahi fokotuʻu ʻi he peesi 8, ʻai ha fakahāhā kehekehe ʻe ua ʻo e founga ke tuʻuaki ai ʻa e Taua Leʻo ʻo ʻEpeleli 15 mo e Awake! ʻo ʻEpeleli 22. ʻI he fakahāhā taki taha, fakahaaʻi ha founga kehekehe ke fakaleleiʻi ai ʻa e taʻofiʻanga ʻo e fetalanoaʻaki “ʻOku ʻi ai pē ʻeku lotu.”​—Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, peesi 10-​11.

12 min: Ngaahi fiemaʻu fakalotofonua.

20 min: “Ngāue ki he Meʻa ʻOku Lelei ki he Kakai Kotoa Pē.”a Hili ʻa e fetalanoaʻaki ʻi he fehuʻi mo e talí, fakaʻekeʻeke ha tokotaha malanga ʻe toko taha pe toko ua ke na tala mai ʻa e founga ʻokú na fakalahi atu ai ʻena ngāue fakafaifekaú.

Hiva 8 (53) mo e lotu tuku.

Uike Kamata ʻEpeleli 15

Hiva 18 (162)

10 min: Ngaahi fanongonongo fakalotofonua. Fakamatala paʻangá.

15 min: Hanganaki Tokoniʻi ʻe he Kau Tāimuʻá ʻa e Niʻihi Kehé. Ko ha fetalanoaʻaki fakakulupu ʻa e ʻovasia ngāué mo ha ʻovasia ʻo e Ako Tohi ʻa e Fakatahaʻangá, ko ha tāimuʻa, pea mo ha tokotaha malanga. ʻOku fakamanatu ʻe he ʻovasia ngāué ʻa e polokalama Tokoniʻi ʻe he Kau Tāimuʻá ʻa e Niʻihi Kehé ʻa ia naʻe fokotuʻu mai ʻi he ʻEtau Ngāue Fakafaifekau ʻo e Puleʻanga ʻo Sepitema 1998, peesi 4. ʻOkú ne fetalanoaʻaki leva mo e tokotaha taki taha ʻi he kulupú ki he ngafa ʻo kinautolu ko ia ʻi he polokalamá pea mo e founga ke fakahoko ai ʻa hono taumuʻá. Ko e hā kuo fai ke ʻai ai ia ke lavameʻá? ʻOku fakaafeʻi ʻe he ʻovasia ngāué ʻa e kau malangá kotoa ke fakahā ange kiate ia ke ne ʻilo kapau ʻoku nau loto ke maʻu ha tokoni ʻi he ngāue fakafaifekaú. ʻE toe fakakau nai ʻa e faʻahinga naʻe tokoniʻi ʻi he kuohilí ke maʻu ha tokoni lahi ange ʻi ha tafaʻaki kehe ʻo e ngāue fakafaifekaú.

20 min: “Ko e Fakafiefia ʻo e Ngāue Taimi-Kakató.”b Fakalototoʻaʻi ʻa e kau talavoú ke nau kole ki he ngāue tāimuʻa tokoní ʻi he ngaahi māhina kotoa ka hoko maí.

Hiva 25 (204) mo e lotu tuku.

Uike Kamata ʻEpeleli 22

Hiva 16 (143)

10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 8, ʻai ha sevāniti fakafaifekau ke ne fakahāhaaʻi ʻa e founga ke tuʻuaki ai ʻa e Taua Leʻo ʻo Mē 1 pea ʻai ha tuofefine ke ne fakahāhaaʻi ʻa e founga ke tuʻuaki ai ʻa e Awake! ʻo Mē 8. Hili ʻa e fakahāhā taki taha, toe fakahaaʻi ʻa e sētesi ʻuluakí pe uá ʻa ia naʻe ngāueʻaki ke langaʻi ʻa e mahuʻingaʻia ʻa e tokotaha-ʻapí.

10 min: Tauhi e Taimí! Ko ha malanga. Ko e ngaahi ngāue ʻoku fekauʻaki mo ʻetau lotú mo e ngāué ko e ngaahi meʻa mahuʻingá ia, ʻa ia ʻoku fiemaʻu ki ai ha “taimi kotofa.” (Koh. 3:1) ʻOku tau loto ke maʻu ʻa e ʻaonga kakato taha mei he ngaahi tokonaki fakateokalatí. Ko e ngaahi fakataha ʻa e fakatahaʻangá mo e ngaahi fakataha ki he malaʻe ngāué ʻoku totonu ke kamata leva ia ʻi he taimi kuo vaheʻí. ʻOku ʻikai ʻaupito ke faituai ʻa Sihova ʻi hono fakahoko ʻa ʻene ngaahi ngāué. (Hap. 2:3) ʻOku fiemaʻu ke tau fakaleleiʻi ʻa e meʻá ni? ʻE ʻi ai ha taimi, ʻe tōmui taʻealataʻofi nai ha faʻahinga. Ka ʻi he fokotuʻutuʻu maau leleí, ʻoku fiemaʻu ke ʻoua te tau angaʻaki ʻa e tōmuí, ʻo aʻu ki ai ʻi he ʻosi ʻa e hiva kamatá mo e lotu ʻo ha fakatahá pe ko e hili ʻa hono fai ʻa e ngaahi fokotuʻutuʻu ʻi he malaʻe ngāué. Fakamatalaʻi ha ngaahi founga ʻaonga ke fakatupulekina ai ha ngaahi tōʻonga lelei ange ʻe fakapapauʻi ai haʻatau vave ki he ngaahi ngāue fakalaumālie kotoa.​—Sio ki he Taua Leʻo ʻo Sanuali 1, 1991, peesi 31.

25 min: “Ko ha Tali Loto-Māfana!”c ʻI he palakalafi 1, fakaʻatā ʻa e fakatahaʻangá ke nau tānaki mai nai ha ngaahi fakamatala nounou fekauʻaki mo e foʻi vitiō Young People Ask​​—How Can I Make Real Friends? Pea kamata leva ʻa e fetalanoaʻaki mo e kau fanongó ʻi he fehuʻi taki taha ʻoku ʻomai ʻi he palakalafi 2-7. ʻI Sune te tau fakamanatu ai ʻa e foʻi vitiō Our Whole Association of Brothers.

Hiva 27 (221) mo e lotu tuku.

Uike Kamata ʻEpeleli 29

Hiva 3 (32)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ʻi he malaʻe ngāue ki ʻEpelelí.

15 min: “Ko Hono Malangaʻi ʻa e Puleʻangá ʻOku Tokoni Ia ke Fakahaofi Ai ha Moʻui!”d ʻOmai ha ngaahi fakamatala mei he kau fanongó ki he founga hono ngāueʻaki ʻa e ngaahi konga Tohitapú.

20 min: Fekumi ʻo Ngāueʻaki ʻa e Tohi Reasoning. Fetalanoaʻaki mo e kau fanongó. ʻOku faʻa malanga hake ʻa e ngaahi fehuʻi ʻi he ngāue fakafaifekaú ʻo fekauʻaki mo e ngaahi tuʻunga-lea ʻa ia ʻoku ʻikai ke fakahokohoko ʻi he “Ngaahi Tuʻunga-Lea Tefito” (he peesi 5-6) ʻi he tohi Reasoning. Ko e “ʻIniteki” (he peesi 439-​45) ʻoku ʻaonga ʻaupito ia ki hono maʻu ha poupou Fakatohitapu ki heʻetau ngaahi tuí. Fakaafeʻi ʻa e kau fanongó ke nau kau ki hono kumi ʻa e tali ki he ngaahi fehuʻi hoko haké ʻaki ʻa e sio ki he ʻinitekí ʻi he foʻi lea fakaʻītali taki taha: Ko e hā ʻa e vakai faka-Kalisitiane ki he fasi fakafonuá mo e fuká? Ko e hā hono ʻuhinga ʻoku fakaʻatā ai ʻe he ʻOtuá ʻa e ngaahi fakatamakí? ʻE lava fēfē ke ke fakamatalaʻi ʻa e vakai ʻa e Tohitapú ki he vete malí? Ko e hā pea ko e taimi fē ʻoku fiemaʻu ai ʻi ha taimi ki he fanga tuofāfiné ke nau tui ha pūloú? Ko e hā ʻa e tupuʻanga ʻo e ʻAho ʻo e Faʻeé? ʻOku anga-fēfē ʻetau ʻilo ko e toko 144,000 ko ha fika moʻoni ia ʻi he Tohitapú? Ko e hā ʻa e ʻuhinga ʻo e pealapeli fekauʻaki mo e tangata koloaʻiá mo Lasalosí? Fakalototoʻaʻi ʻa e tokotaha kotoa ke ne ngāueʻaki ʻa e tohi Reasoning ʻi he ngāue fakafaifekaú.

Hiva 11 (85) mo e lotu tuku.

Uike Kamata Mē 6

Hiva 23 (200)

10 min: Ngaahi fanongonongo fakalotofonua. Fakamatalaʻi ʻa e “Maʻu ʻAonga Hokohoko mei he Taua Leʻo mo e ʻĀ Hake!”

10 min: Fakamatalaʻi ʻa e “Polokalama ʻAho ʻAsemipilī Makehe Foʻou.” Kapau ko homou ʻaho ʻasemipilī makehé ʻoku kei tuʻu mai mei muʻa, fanongonongo ʻa e ʻahó pea fakaʻaiʻai ʻa e tokotaha kotoa ke maʻu ʻa e polokalamá fakakātoa. Fakalototoʻaʻi ʻa e kau malangá ke nau fakaafeʻi ʻa e faʻahinga mahuʻingaʻia foʻoú mo e kau ako Tohitapú. Kapau kuo ʻosi fai hoʻomou polokalama ʻaho ʻasemipilī makehé, kātaki ʻo fakamanatu ʻa e ngaahi fakamatala ʻe niʻihi he lolotonga ʻo hono fai ʻa e fakamatala ko ʻení.

25 min: “Ngaahi Fāmili Mālohi Fakalaumālie​—Anga-Fēfē?”e Hili ʻa hono fakamatalaʻi ʻa e kupú, lave ki ha ngaahi meʻa ʻaonga naʻe hokosia mei he Taua Leʻo ʻo Fepueli 15, 1999, peesi 9-12.

Hiva 19 (164) mo e lotu tuku.

[Fakamatala ʻi Lalo]