Taimi-Tēpile ki he Fakataha Ngāué

Uike Kamata Siulai 8

Hiva 12 (113)

15 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ngaahi fokotuʻu ʻi he peesi 4, ʻai ha ongo fakahāhā kehekehe ʻe ua ki he founga ke tuʻuaki ai ʻa e Taua Leʻo ʻo Siulai 15 mo e Awake! ʻo Siulai 22. ʻI he fakahāhā taki taha, fakahaaʻi ha founga kehekehe ke fakaleleiʻi ai ʻa e taʻofiʻanga ʻo e fetalanoaʻakí, “Kuo mau ʻosi Kalisitiane pē kimautolu.”​—Sio ki he kiʻi tohi Founga ke Kamata mo Hoko Atu ʻa e Fetalanoaʻaki Fakatohitapú, peesi 11.

10 min: Puha Fehuʻi. Malanga ke fai ʻe ha mātuʻa, ʻo ngāueʻaki fakalotofonua ʻa e fakamatalá.

20 min: Fokotuʻutuʻu Maau ke Faifakamoʻoni ʻi he Founga ʻIkai Anga-Mahení. Fetalanoaʻaki mo e kau fanongó ʻi he tohi Our Ministry, peesi 93-4. ʻI hono ngāueʻaki ʻa e ngaahi fokotuʻu ʻi he peesi ʻuluaki ʻo e fakalahi ʻo ʻEtau Ngāue Fakafaifekau ʻo e Puleʻanga ʻo Sanuali 2002, fakahāhā nounou ʻa e founga ʻe ua pe tolu ke faifakamoʻoni ai ʻi he founga ʻikai anga-mahení ki ha sola, ko ha kaungāʻapi, ko ha kāinga, pe ko ha maheni.

Hiva 20 (93) mo e lotu tuku.

Uike Kamata Siulai 15

Hiva 1 (13)

10 min: Ngaahi fanongonongo fakalotofonua. Fakamatala paʻanga.

15 min: Ngaahi fiemaʻu fakalotofonua.

20 min: Ko e Ngaahi ʻUhinga Lelei ke Ngāueʻaki Ai ʻa e Tohitapú ʻi Heʻetau Ngāue Fakafaifekaú. Malanga pea fetalanoaʻaki mo e kau fanongó. Naʻe ʻiloʻi ʻe Sīsū ʻa e ngaahi Konga Tohitapú pea naʻá ne toutou lave ki ai ʻi heʻene faiakó. (Luke 24:​27, 44-​47) Ko e meʻa naʻá ne akoʻí naʻe ʻikai tupu ia meiate ia pē. (Sione 7:​16-​18) ʻOku mahuʻinga ke tau ngāueʻaki ʻe kitautolu foki ʻa e Folofola ʻa e ʻOtuá. ʻOku lahi ange hono mālohí ʻi ha meʻa pē nai te tau lea fakafoʻituitui ʻaki. (Sione 12:​49, 50; Hep. 4:​12) ʻOku tohoakiʻi ʻa e faʻahinga loto-moʻoní ʻe he fakafiemālie mo e ʻamanaki ʻoku ʻomai ʻe he ngaahi Konga Tohitapú. ʻAi ko hoʻo taumuʻá ia ke lau ʻo ʻikai siʻi hifo ʻi he konga Tohitapu ʻe taha ʻi hoʻo ngaahi tuʻuakí. Fakahaaʻi ko e ngaahi konga Tohitapú ʻoku kau ia ʻi he ngaahi tuʻuaki ʻo e makasiní ʻoku fokotuʻu mai ki he māhina ní. Kole ki ha fakamatala mei he kau fanongó ki he founga kuo nau ngāueʻaki ai ʻa e Tohitapú ʻi he ngāue fakafaifekaú pea mo e ola kuo hoko kia kinautolu ʻi he meʻá ni pea mo e faʻahinga naʻa nau malanga ki aí.

Hiva 5 (46) mo e lotu tuku.

Uike Kamata Siulai 22

Hiva 13 (124)

10 min: Ngaahi fanongonongo fakalotofonua. Fakahāhā ʻe ha mātuʻa tauhi fānau mo ha kiʻi tama ʻokú na ngāue fakataha ʻi he ngāué ʻa e founga ke ngāueʻaki ai ʻa e ongo fokotuʻu ʻi he peesi 4 ke tuʻuaki ʻaki ʻa e ongo makasini ʻo ʻAokosi 1 mo ʻAokosi 8. Fakaʻaliʻali ʻe ha taha ʻa e Taua Leʻo, pea ko e tokotaha ʻe tahá ʻa e Awake! Fakalotolahiʻi ʻa e ngaahi mātuʻá ke akoʻi fakalakalaka ʻenau fānaú ʻi he ngāue fakafaifekaú.

17 min: Ko e Hā Te Ke Leaʻaki ki ha Tokotaha ʻA Ia ʻOku Fehuʻi Fekauʻaki mo e Soulú? Malanga mo e fakahāhā. ʻI hono ngāueʻaki ʻa e fakamatala mei he Taua Leʻo ʻo ʻEpeleli 1, 1999, peesi 9-19 fakahāhā ʻa e founga ke fakamatalaʻi ai ki ha tokotaha mahuʻingaʻia foʻou ʻa e faikehekehe ʻi he vahaʻa ʻo e tui anga-mahení mo e meʻa ʻoku leaʻaki ʻe he Tohitapú fekauʻaki mo e soulú. (Toe sio foki ki he Reasoning From the Scriptures, peesi 375-80.)

18 min: ʻE Lava Fēfē Ke U Fakaʻehiʻehi mei he Ngaahi Fakatuʻutāmaki ʻi he ʻInitanetí? Malanga mo e fetalanoaʻaki mo e kau fanongó ʻo makatuʻunga ʻi he Awake! ʻo Sanuali 22, 2000, peesi 19-​21. Fakahaaʻi ʻa e ngaahi tōʻanga ʻo hono ngāueʻaki taʻefakangatangata ʻo e ʻInitanetí, pea fakamatalaʻi ʻa e founga ke fakaʻehiʻehi ai mei he hoko ʻo tauheleʻí. Fakaafeʻi ʻa e kau fanongó ke nau fakamatala ki he founga kuo nau maʻu ʻaonga ai mei hono ngāueʻaki ʻa e akonaki ko ení.

Hiva 15 (127) mo e lotu tuku.

Uike Kamata Siulai 29

Hiva 8 (53)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti malaʻe ngāue ki Siulaí.

10 min: “Polokalama ʻAsemipilī Fakasēketi Foʻou.” Ko ha malanga. Fakahaaʻi ʻa e ʻaho ʻo e ʻasemipilī fakasēketi hoko maí. Fakaʻaiʻai ʻa e tokotaha kotoa ke ʻi ai pea tokanga ki he polokalamá. Fakalotolahiʻi ʻa e kau malanga teʻeki papitaisó ke nau fakakaukau fekauʻaki mo e taau ke papitaisó. Fai ha feinga makehe ke fakaafeʻi ʻa e kau ako Tohitapú.

25 min: “Fakatahatahaʻi Fāitaha Fakataha.”a ʻI he lāulea ʻi he palakalafi 3, fakakau ai ʻa e fakamatala mei he Awake! ʻo ʻEpeleli 22, 2000, peesi 9-​10. ʻI he palakalafi 4, fakakau ai ha fakamatala mei he Taua Leʻo ʻo ʻAokosi 1, 1995, peesi 15, palakalafi 4-6.

Hiva 2 (15) mo e lotu tuku.

Uike Kamata ʻAokosi 5

Hiva 10 (82)

10 min: Ngaahi fanongonongo fakalotofonua. Fakamamafaʻi ʻa e puha “Ngaahi Faingamālie ke Tufaki Ai ʻa e Ngaahi Makasiní.” Ngāueʻaki fakalotofonua pea fakalototoʻaʻi ʻa e kau malangá ke nau tuʻuaki ʻa e ngaahi makasiní ʻi he faingamālie kotoa pē.

20 min: “Fakatahatahaʻi ʻa e Kakai mei he Lea Kotoa Pē.”b Fakakau ai ʻa e fakamatala mei he Taua Leʻo ʻo ʻEpeleli 1, 2002, peesi 24. Kapau ʻoku feʻungamālie, fakamatalaʻi nounou ʻa e meʻa kuo fai ke tokoniʻi ʻaki ʻa e faʻahinga ʻi he feituʻu fakalotofonuá ʻa ia ʻoku nau lea ʻi ha ngaahi lea mulí, pea fakahāhā ʻa e tuʻuaki ʻi he palakalafi 4.

15 min: Ngaahi meʻa naʻe hokosia fakalotofonua. Fakaafeʻi ʻa e kau fanongó ke nau fakamatala ki ha ngaahi meʻa fakatupu langa hake naʻe hokosia ʻi he fekauʻaki mo e tāimuʻa tokoní, pe ko e kau ʻi he ngaahi ngāue kehe fakalaumālié ʻo aʻu mai ki he mōmeniti ko ení ʻi he lolotonga ʻo e taʻú.

Hiva 16 (143) mo e lotu tuku.

[Fakamatala ʻi lalo]