Taimi-Tēpile ki he Fakataha Ngāué
Uike Kamata Mē 8
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. ʻI hono ngāueʻaki ʻa e ngaahi fokotuʻu ʻi he peesi 6 pe ko ha ngaahi tuʻuaki kehe pē ʻoku feʻungamālie ki homou feituʻú, fakahāhaaʻi ʻa e founga ke tuʻuaki ai ʻa e Taua Leʻo ʻo Mē 15 mo e Awake! ʻo Meé. ʻI he taha ʻo e ongo tuʻuakí, ʻai ʻa e tokotaha malangá ke ne tuʻuaki ʻa e ongo ʻīsiu ʻo Mē 1 mo Mē 15 ʻo e Taua Leʻo pea mo e Awake! ʻo Meé ki ha tokotaha ʻi haʻane tukuʻanga makasini pau ʻa ia naʻe teʻeki ai te ne maʻu ʻa e Taua Leʻo ʻo Mē 1. ʻI hono tuʻuaki ʻa e makasini ʻe tolú, fakaʻaliʻali pē ʻa e ʻīsiu ʻe taha. ʻE ʻaʻahi tuʻo taha pe tuʻo ua nai he māhina ʻa e kau malangá ki he faʻahinga ʻi he ngaahi tukuʻanga makasini paú.
20 min: “Muimui Iate Au.”a Fakaʻekeʻeke nounou ha tokotaha malanga alafaʻifaʻitakiʻanga ʻa ia ʻokú ne feinga ke tauhi ʻene moʻuí ke faingofua pea fakangatangata ʻa e tuli ki he ngaahi meʻa fakafoʻituituí koeʻuhi ke fai ai ha meʻa lahi ange ʻi hono fakalahi atu ʻa e ngaahi meʻa ʻo e Puleʻangá pea tokoniʻi ʻa e niʻihi kehé. Fakamamafaʻi ʻa e ngaahi tāpuaki naʻá ne maʻu mei hono fai iá.
15 min: Ngaahi hokosia fakalotofonua. Fakaafeʻi ʻa e kau fanongó ke nau fakamatala ki he ngaahi tāpuaki naʻa nau maʻu lolotonga ʻenau feinga mālohi ʻi he ngāue fakafaifekaú lolotonga ʻa Maʻasi mo ʻEpelelí. Fakahaaʻi ʻa e ngaahi ola naʻa nau aʻusia ʻi hono kamataʻi ʻa e ngaahi ako Tohi Tapú pea mo hono tokoniʻi ʻa e faʻahinga foʻoú ke nau maʻu ʻa e Fakamanatú. ʻE fakatātaaʻi nai ha hokosia tuʻu-ki-muʻa ʻe taha pe ua.
Hiva 91 mo e lotu tuku.
Uike Kamata Mē 15
10 min: Ngaahi fanongonongo fakalotofonua. Fakalototoʻaʻi ʻa e tokotaha kotoa ke nau sio he vitiō Noah—He Walked With God ʻi he teuteu ki he Fakataha Ngāue ʻi he uike ʻo Mē 29.
17 min: Ngaahi fiemaʻu fakalotofonua.
18 min: “Feingangāue ʻi Māmani Lahi ke Tuʻuaki ʻa e Fakataha-Lahi Fakavahe ‘ʻOku Ofi ʻa e Fakahaofí!’”b Fakapapauʻi ke lau ʻa e ngaahi palakalafí kotoa.
Hiva 33 mo e lotu tuku.
Uike Kamata Mē 22
12 min: Ngaahi fanongonongo fakalotofonua. Lau ʻa e ngaahi fakamatala paʻangá pea fakamālōʻiaʻi ʻa e tokoní. ʻI hono ngāueʻaki ʻa e ngaahi fokotuʻu ʻi he peesi 6 pe ko ha toe ngaahi tuʻuaki pē ʻoku feʻungamālie ki homou feituʻú, fakahāhaaʻi ʻa e founga ke tuʻuaki ai ʻa e Taua Leʻo ʻo Sune 1 mo e Awake! ʻo Suné. Fakahaaʻi ʻa e fokotuʻutuʻu ʻo e ongo fakahāhaá ko ha fāmili ʻoku fai ʻenau ʻahiʻahi.
15 min: “Fakahaaʻi e Mahuʻingaʻia Fakafoʻituitui—ʻAki ʻa e Hoko ʻo Anga-Lelei.”c ʻI he lāulea ki he palakalafi 4, fakamanatu nounou ʻa e puha “Ko e Hā Te Ke Leaʻaki ki ha Mīsini Tali?” ʻi he peesi 2 ʻo ʻEtau Ngāue Fakafaifekau ʻo e Puleʻanga ʻo Nōvema 2000.
18 min: Lelei ʻa e Fōtunga Fakafoʻituituí. Fetalanoaʻaki mo e kau fanongó ʻo makatuʻunga ʻi he tohi Ako Fakafaifekau, peesi 131-3. Lāulea ki he ngaahi tefitoʻi moʻoni ʻe nima ʻoku fakahokohoko ai ʻa ia ʻoku felāveʻi mo hotau valá mo e teuteú. Fakahaaʻi ʻe lava ke tau ngāueʻaki fakapotopoto ʻa e fakamatala ko ení ke tokoniʻiʻaki ʻa e kau ako Tohi Tapú ke nau mahinoʻi ʻa e founga ke ʻai vala taau ai ki he ngaahi fakataha ʻa e fakatahaʻangá.
Hiva 215 mo e lotu tuku.
Uike Kamata Mē 29
10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Meé.
10 min: Fakaʻaliʻali ʻa e tohi Faiako ʻi Sune. ʻI hono ngāueʻaki ʻa e ngaahi fokotuʻu ʻi he peesi 3-4 ʻo ʻEtau Ngāue Fakafaifekau ʻo e Puleʻanga ʻo Sanuali 2005 pe ko ha ngaahi tuʻuaki kehe pē ʻoku feʻungamālie ki homou feituʻú, fakahāhaaʻi ʻa e founga ke tuʻuaki ai ʻa e tohi Ako mei he Faiako Lahí. Fakatatau ki he taimí, fakaafeʻi ʻa e kau fanongó ke nau fakamatala ki he ngaahi ola lelei ne nau maʻu mei hono ngāueʻaki ʻa e tohí ʻi he malangá pe ʻi honau fāmilí tonu.
25 min: “Ko ha Faʻifaʻitakiʻanga ki he Iiki mo e Lalahi.” Hili ha talateu siʻi hifo he miniti ʻe tahá, kamataʻi ha fetalanoaʻaki mo e kau fanongó ki he ngaahi fehuʻi ʻo e vitiō Noah, ʻo ngāueʻaki ʻa e ngaahi fehuʻi kotoa ʻoku fakahokohoko ʻi he palakalafi hono uá. Kole leva ki he ngaahi fāmilí ke nau fakamatala ki he founga naʻa nau maʻu ʻaonga ai mei heʻenau kau he “Learning Activities” (Ngaahi Meʻa ke Ako mei Ai) ʻi he DVD. Hili iá, lāulea ki he fehuʻi mo e ngaahi konga Tohi Tapu ʻi he palakalafi hono tolú.
Hiva 9 mo e lotu tuku.
Uike Kamata Sune 5
5 min: Ngaahi fanongonongo fakalotofonua.
10 min: Ngāue Fāʻūtaha Fakataha he Malumalu ʻo e Takimuʻa ʻa Kalaisí. Ko ha malanga makatuʻunga ʻi he fakamatala he kaveinga tokoni “Meʻa ʻOku ʻUhinga ki Ai ʻa e Lāuʻilo ki Hono Ngafá” ʻi he peesi 13-15 ʻo e Organized to Do Jehovah’s Will.
30 min: “Hanganaki Tatali kia Sihova.”d Ke fai ʻe he sekelitali ʻa e fakatahaʻangá. Lave ki he fakataha-lahi ʻa ia ʻoku vaheʻi ki ai ʻa e fakatahaʻangá. Fakaafeʻi ʻa e kau fanongó ke nau fakamatala ki he founga ʻe lava ke iku ai ki ha faifakamoʻoni ʻa ʻetau tui ko ia hotau kaati fakaʻilongá ʻi he taimi kotoa pē lolotonga ʻetau ʻi he kolo faiʻanga fakataha-lahí. Fakalototoʻaʻi ʻa e kau fanongó ke nau ngāueʻaongaʻaki ʻa e ngaahi faingamālie ke fai ai ha fakamoʻoni ʻikai he founga anga-mahení pea ke ngāueʻaki ʻa e foomu Please Follow Up (S-43) ke līpootiʻaki ha mahuʻingaʻia pē naʻe maʻu.
Hiva 57 mo e lotu tuku.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
c Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
d Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.