Taimi-Tēpile ki he Fakataha Ngāué
Uike Kamata Tīsema 11
10 min: Ngaahi fanongonongo fakalotofonua. ʻI hono ngāueʻaki ʻa e fokotuʻu ʻi he peesi 8 pe ko ha tuʻuaki kehe pē ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Tīsema 15 mo e Awake! ʻo Tīsemá. ʻI ha taha ʻo e ongo fakahāhaá, fakahāhaaʻi ʻa e founga ke fai ai ha tali ki he taʻofiʻanga ʻo e fetalanoaʻakí ʻi ha pehē mai, “ʻOku ʻikai ke u mahuʻingaʻia.”—Sio ki he kiʻi tohi ko e Founga ke Kamata mo Hoko Atu ʻa e Fetalanoaʻaki Fakatohitapú, p. 8.
15 min: Ko e Ako Fakafaifekau Fakateokalati ki he 2007. Malanga mo e fakaʻekeʻeke ke fai ʻe he ʻovasia akó. Lāulea ki he ngaahi poini ʻoku fiemaʻu ke fakamamafaʻi fakalotofonua mei he fakalahi ʻo ʻEtau Ngāue Fakafaifekau ʻo e Puleʻanga ʻo ʻOkatopa 2006. Fakamatalaʻi ʻoku ʻikai ke fanongonongo ki muʻa ʻe he ʻovasia akó ʻa e tuʻunga ʻo e lea ʻa ia ʻoku ngāue ki ai ʻa e tokotaha akó. Koeʻuhi ʻe ʻosi ʻa ʻetau lau ʻa e Ngaahi Konga Tohi Tapu Faka-Hepeluú mei he Aisea 24 ki he ngataʻanga ʻo e Malakaí lolotonga ʻa e 2007, ʻe hoko ai ia ko ha faingamālie ki he fanga tokoua kuo vaheʻi ke nau teuteu ʻa e ngaahi meʻa mahuʻinga mei he Tohi Tapú pea mo e niʻihi ʻoku nau fai ʻa e ngaahi talí ke ngāueleleiʻaki ʻa ʻetau ngaahi tohi ʻokú ne ʻomai ʻa e fakamaama ki he ngaahi tohi fakaekikite ko ʻení. Fakaʻekeʻeke ha kau malanga ʻe toko ua pe toko tolu mei he faʻahinga ko ʻení: ko ha tokotaha ako foʻou, ko ha tokotaha ako kei siʻi ʻokú ne fakalakalaka lelei mo ha tokotaha ako taukei. ʻAi ke nau fakamatala ki he ngaahi ʻaonga ʻo e akó ki heʻenau ngāue fakafaifekaú pea ki honau tuʻunga fakalaumālié. Fakaʻaiʻai ʻa e tokotaha kotoa ke fakahoko tōtōivi ʻa ʻenau ngaahi konga ʻoku vaheʻi atú, ʻi he tali ki he ngaahi meʻa mahuʻinga mei he Tohi Tapú, pea ʻi hono ngāueʻaki ʻa e ngaahi fokotuʻu ʻoku ʻomai fakauike mei he Maʻu ʻAonga mei he Ako Fakafaifekau Fakateokalatí.
20 min: “ʻOua ʻe Tuku ke Mole ʻa Hoʻo ʻUluaki ʻOfá.”a Fakatatau ki he taimí, fakaafeʻi ʻa e kau fanongó ke nau tali ʻi he ngaahi konga Tohi Tapu ʻoku haá.
Hiva 193 mo e lotu tuku.
Uike Kamata Tīsema 18
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamatala nounou ki he Puha Fehuʻí. Lave ki he ngāue fakamalanga makehe ʻoku fokotuʻutuʻu ki Tīsema 25 mo Sanuali 1.
15 min: “Toe Foki ki he Faʻahinga Kotoa ʻOku Hā Nai mei Ai ha Mahuʻingaʻia.”b Fakaafeʻi ʻa e kau fanongó ke nau lave ki he founga kuo nau malava ai ke maʻu ha fetuʻutakiʻanga ki he faʻahinga mahuʻingaʻia naʻa nau fetaulaki mo ia ʻi he faifakamoʻoni ʻikai ʻi he founga anga-mahení pe ko e ngāue he halá pea lave ki ha hokosia tuʻu-ki-muʻa pē mei hono fai ha ngaahi toe ʻaʻahi ki he faʻahinga peheé. ʻE fokotuʻutuʻu nai ki muʻa ha fakamatala ʻe taha pe ua.
20 min: “Ko ha Laumālie Loto-Lelei ʻOku ʻOmai Ai ʻa e Ngaahi Tāpuaki.”c Fakaʻekeʻeke ha toko taha pe toko ua ʻo e kau malangá ʻoku ʻiloʻi ʻokú na maʻu ʻa e laumālie loto-leleí. Kuo anga-fēfē ʻena fakahāhā ʻa e laumālie loto-leleí? Ko e hā ʻa e feʻunuʻaki naʻe fiemaʻú, pea naʻe anga-fēfē ʻena malava ke fai ʻa e ngaahi feʻunuʻaki ko iá? Ko e hā ʻa e ngaahi tāpuaki kuó na maʻu aí?
Hiva 108 mo e lotu tuku.
Uike Kamata Tīsema 25
10 min: Ngaahi fanongonongo fakalotofonua. Lau ʻa e fakamatala paʻangá pea fakamālōʻia ʻa e tokoni kuo faí. ʻI hono ngāueʻaki ʻa e fokotuʻu ʻi he peesi 8 pe ko ha tuʻuaki kehe pē ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Sanuali 1 mo e Awake! ʻo Sanualí. ʻI he ngataʻanga ʻo e fakahāhā taki taha, ʻohake ha fehuʻi fakatupunga-fakakaukau ʻe lava ke tali ia ʻi he ʻaʻahi hokó ʻo ngāueʻaki ʻa e tohi Akoʻi ʻe he Tohi Tapú.
15 min: Fakamatala Fekauʻaki mo e Fakalakalaka ʻi he Ngāue Fakafaifekaú. Malanga mo e fetalanoaʻaki mo e kau fanongó ʻo makatuʻunga ʻi he Organized to Do Jehovah’s Will, mei he kaveinga tokoni ʻi he peesi 83 ki he ngataʻanga ʻo e vahé.
20 min: “ʻOku ʻI Ai Hao Feituʻu Ngāue Fakafoʻituitui?”d Fakakau ai ha fakamatala nounou mei he ʻovasia ngāué fekauʻaki mo e lahi ʻo e feituʻu ngāue kuo vaheʻi ki he fakatahaʻangá, ko e lahi ʻo hono toutou ngāueʻi ʻa e feituʻú, pea mo e feituʻu ngāue fakafoʻituitui ʻoku kei ala maʻú.
Hiva 219 mo e lotu tuku.
Uike Kamata Sanuali 1
5 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau ngaahi līpooti ngāue fakamalanga ki Tīsemá.
20 min: “Toʻutupu ʻOku Nau Ulo Atu ko e Ngaahi Maamaʻanga.”e Fakaafeʻi ʻa e toʻutupú ke nau fakamatala ki he founga kuo malava ai ke nau faifakamoʻoni he ʻapiakó. ʻE fokotuʻutuʻu nai ki muʻa ha fakamatala ʻe taha pe ua.
20 min: “Fakataha-Lahi Fakavahe 2007 ‘Muimui ʻia Kalaisi!’ ʻa e Kau Fakamoʻoni ʻa Sihová.”f Ke fai ʻe he sekelitali ʻa e fakatahaʻangá. Ki muʻa ke lāulea ki he fakalahí, lau ʻa e tohi ʻo Nōvema 30, 2006 fekauʻaki mo e fakataha-lahí. Fakaʻaiʻai ʻa e tokotaha kotoa ke fai leva ʻenau ngaahi fokotuʻutuʻu ki he fakataha-lahí ʻi he vave taha ʻe malavá.
Hiva 65 mo e lotu tuku.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
c Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
d Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
e Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
f Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.