Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻi Fepueli 26, 2007. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he uike ʻo Sanuali 1 ki Fepueli 26, 2007. [Fakatokanga: ʻI he ʻikai ʻi ai ha ngaahi maʻuʻanga fakamatala hili ʻa e fehuʻí, ʻe fiemaʻu ke ke fai hoʻo fekumi pē ʻaʻau ke maʻu ai ʻa e ngaahi talí.—Sio ki he Ako Fakafaifekau, p. 36-7.]
TUʻUNGA ʻO E LEÁ
1. Ko fē taimi ʻoku totonu ke tau lave ai ki hono ngāueʻaki ʻaonga ʻo ʻetau fakamatalá, pea ʻoku totonu ke fai eni ʻi he founga fē? [be p. 158 pal. 2-4]
2. Ko e hā ʻoku mahuʻinga ai ke tokoniʻi ʻa e niʻihi kehé ke nau mahinoʻi ʻa e ʻaonga moʻoni ʻo e fakamatala ʻoku tau ʻoatú, pea ʻe lava fēfē ke tau fai eni? [be p. 159 pal. 3-4]
3. Ko e hā ʻoku mahuʻinga ai ʻetau filifili ʻo e ngaahi foʻi leá? [be p. 160]
4. Ko e hā te ne tokoniʻi kitautolu ke tau ngāuetotonuʻaki ʻa e ngaahi foʻi lea kehekehé? [be p. 161 pal. 5-6; p. 162 pal. 1, 4]
5. Ko e hā ʻa e ngaahi ʻaonga ʻe niʻihi ʻo e malanga mei ha ʻautilaine ʻi he ʻatamaí pe ko ha ʻautilaine kuo hiki? [be p. 166 pal. 1-3]
KONGA FIKA 1
6. Ko e hā ʻoku kau ki hono teuteuʻi ha konga lautohi? [be p. 43 pal. 2, 4]
7. Ko e hā ʻoku mātuʻaki fiemaʻu ka tau fakatupulekina ai ʻa e ʻofa ʻa Sihova ki he meʻa ʻoku tonú pea fehiʻa ki he meʻa ʻoku halá? (Hep. 5:14) [w05 1/1 p. 9 pal. 11]
8. Ko e hā ʻoku totonu ke tau manatuʻí kapau ʻoku tau lau ha meʻa ʻi he Tohi Tapú ʻokú ne fakatupunga ke tau fifili ai pe naʻe ngāue ʻa e ʻOtuá ʻi ha founga faitotonu pe totonu? [w05 2/1 p. 24 pal. 7]
9. ʻOku totonu ke fēfē ʻetau talí ʻi he taimi ʻoku fepaki ai ʻa e lao ʻa e ʻOtuá mo e ngaahi tuʻutuʻuni fakaetangatá? [w05 4/15 p. 12 pal. 9]
10. ʻOku anga-fēfē hono fakahanga ʻe ʻAisea ʻa e tokangá ki he Puleʻanga ʻi he Mīsaiá, pea ki he fakamelomeló, ʻa Sione Papitaiso? [bsi06 p. 31 pal. 35]
LAU TOHI TAPU FAKAUIKE
11. Ko e hā ʻa e “pulou” mo e “ʻufiʻufi” ʻoku lave ki ai ʻi he Aisea 25:7?
12. ʻE lava fēfē ke “sio” mo “fanongo” ʻa e kakaí kia Sihova? (Ai. 30:20, 21)
13. Moʻoni pe Loi: Ko e lotu ko ia ʻa Hesekaia ʻoku hiki ʻi he Aisea 38:3 naʻe ueʻi ia ʻe heʻene holi fakaʻaufuli ke moʻui fuoloa ange.
14. Naʻe lava fēfē ke hoko ʻa e kau ʻIsilelí ko e kau fakamoʻoni ʻa Sihova, pea ʻe lava fēfē ke tau faʻifaʻitaki kia kinautolu? (Ai. 43:10)
15. ʻI he fehoanaki mo e sīpinga fakaekikite ʻoku ʻomai ʻi he Aisea 52:11, 12, ko e hā ʻa e meʻa ʻoku fiemaʻú ka te ‘fua ʻa e nāunau ʻa Sihová’?