Taimi-Tēpile ki he Fakataha Ngāué
Uike Kamata ʻOkatopa 8
10 min: Ngaahi fanongonongo fakalotofonua. ʻI hono ngāueʻaki ʻa e ngaahi fokotuʻu ʻi he peesi 8 pe ko e ngaahi tuʻuaki kehe ʻoku feʻungamālie ki ho feituʻu ngāué, fakahāhā ʻa e founga ke tuʻuaki ai ʻa e Taua Leʻo ʻo ʻOkatopa 15 mo e Awake! ʻo ʻOkatopá. ʻI he tuʻunga taki taha ʻoku totonu ke tuʻuaki fakatouʻosi ʻa e ongo makasiní ko ha seti, neongo ko e taha pē ʻe fakaʻaliʻalí.
20 min: Nofo Ofi ki he Kautaha ʻa Sihová. Malanga mo e fetalanoaʻaki mo e kau fanongó makatuʻunga ʻi he vahe 17 ʻo e Organized to Do Jehovah’s Will.
15 min: Ngaahi fiemaʻu fakalotofonua.
Uike Kamata ʻOkatopa 15
10 min: Ngaahi fanongonongo fakalotofonua. Fanongonongo kuo filifili mei he ʻEtau Ngāue Fakafaifekau ʻo e Puleʻanga.
20 min: ʻOku Fua ʻa e Moʻoní ʻi he Faʻahinga ʻOkú Ke Akoʻí? Malanga mo e fetalanoaʻaki mo e kau fanongó makatuʻunga ʻi he Taua Leʻo ʻo Fepueli 1, 2005, peesi 28-30. Fakakau ai ʻa e fakamatala ki he anga hono faʻufaʻu ʻo e ngaahi fehuʻi ʻi he tohi Akoʻi ʻe he Tohi Tapú ke tokoniʻi kitautolu ke tau ʻiloʻi ʻa e meʻa ʻoku ʻi he loto ʻo ha tokotaha ako. Lāulea ki ha ngaahi fakatātā, hangē ko e vahe 1, palakalafi 19; vahe 2, palakalafi 4; vahe 3, palakalafi 24; mo e vahe 4, palakalafi 18. Fakalototoʻaʻi ʻa e kau malangá ke nau ngāueleleiʻaki ʻa e ngaahi tafaʻaki kehekehe ʻo e tohí.
15 min: ʻOkú ke Manatuʻi? Fetalanoaʻaki mo e kau fanongó makatuʻunga ʻi he Taua Leʻo ʻo ʻAokosi 15, 2007, peesi 19.
Uike Kamata ʻOkatopa 22
10 min: Ngaahi fanongonongo fakalotofonua. Lau ʻa e fakamatala paʻangá pea fakamālōʻia ʻa e tokoni kuo faí. ʻI hono ngāueʻaki ʻa e fokotuʻu ʻi he peesi 8 pe ko ha tuʻuaki kehe pē ʻoku feʻungamālie ki ho feituʻú, fakahāhā ʻa e founga ke tuʻuaki ai ʻa e Taua Leʻo ʻo Nōvema 1 mo e Awake! ʻo Nōvemá.
15 min: Founga ke Maluʻi Ai Hoʻo Fānaú Fakafou ʻi he Poto Fakaʻotuá. Malanga makatuʻunga ʻi he Taua Leʻo ʻo Sanuali 1, 2005, peesi 23-7.
20 min: ʻAʻeva ʻo Taau mo e Fānau ʻa e Māmá. Malanga mo e fakaʻekeʻeke. Kuo tau mavahe mei he fakapoʻuli ʻo e māmani ko ení pea kuo tau fakaʻatā ke tataki kitautolu ʻe he maama ʻa Sihová. (Ef. 5:8, 9) Kuo ʻai ʻe he meʻá ni ke lelei ange ʻetau moʻuí, ʻo ʻoange ki ai ha taumuʻa. (1 Tim. 4:8) ʻOku toe ʻomai ʻe he maama ko ení kia kitautolu ʻa e ʻamanaki. (Loma 15:4) Fakaʻekeʻeke ʻa e kau malanga ʻe toko ua pe toko tolu kuo nau fetaulaki pea ikuʻi ʻa e ngaahi fakafaingataʻaʻiaʻanga lalahi koeʻuhi ke maʻu mo tauhi maʻu ai ha vahaʻangatae lelei mo Sihova. Ko e hā ʻa e ngaahi faingataʻa ne nau fetaulaki mo ia ʻi heʻenau haʻu ki he moʻoní? Ne nau malava fēfē ke ikuʻi iá? ʻI he founga fē ʻoku lelei ange ai ʻenau moʻuí he taimi ní? Ko e hā ʻokú ne tokoniʻi kinautolu ke nau tuʻumaʻu ai pē ʻi he moʻoní? Fakaʻosi ʻaki hono fakalototoʻaʻi ʻa e tokotaha kotoa ke hokohoko atu ʻenau fakalakalaka fakalaumālié pea fakahāhā ʻa e houngaʻia lahi ki he moʻoni kuo fakaeʻa mai ʻe Sihová.—2 Pita 1:5-8.
Uike Kamata ʻOkatopa 29
10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti ngāue fakamalanga ki ʻOkatopá. Lave ki he tohi ʻoku tuʻuaki ʻi Nōvemá, pea fakahāhā ha tuʻuaki ʻe taha.
15 min: Fokotuʻu ʻa e Ngaahi Taumuʻa Fakalaumālié ke Fakalāngilangiʻi ʻa Ho Tokotaha-Fakatupú. Malanga mo e fetalanoaʻaki mo e kau fanongó makatuʻunga ʻi he Taua Leʻo ʻo Siulai 15, 2004, peesi 21-3. Fakaafeʻi ʻa e kau fanongó ke nau fakamatala ki he ngaahi taumuʻa fakalaumālie kuo nau fokotuʻú mo e meʻa ʻoku nau fai ke aʻusia aí. ʻE lava ke fokotuʻutuʻu ki muʻa ha fakamatala ʻe taha pe ua.
20 min: “ʻOatu ʻa e ʻAmanaki ki he Masivá.”a ʻI he lāulea ki he palakalafi 2, fakakau ai ʻa e fakamatala ʻi he Awake! ʻo Sepitema 8, 2003, peesi 26-7.
Uike Kamata Nōvema 5
10 min: Ngaahi fanongonongo fakalotofonua.
15 min: Ngaahi fiemaʻu fakalotofonua.
20 min: “Ko ha Fefakalototoʻaʻaki ki he Tokotaha Kotoa.”b Fakaafeʻi a e kau fanongó ke nau fai ha fakamatala pau ki he anga hono fakalototoʻaʻi kinautolu ʻe ha ʻovasia fefonongaʻaki lolotonga ʻa ʻene ʻaʻahi ki he fakatahaʻangá. ʻE lava ke fokotuʻutuʻu ki muʻa ha fakamatala ʻe taha pe ua.
[Fakamatala ʻi lalo]
a Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.
b Fakangatangata ʻa e fakamatala talateú ke siʻi hifo ʻi he miniti ʻe tahá, pea hoko atu ʻaki ha fetalanoaʻaki ʻi he fehuʻi mo e tali.