Fakamanatu Ako Fakafaifekau Fakateokalati
Ko e ngaahi fehuʻi ko ení ʻe lāulea ki ai ʻi he Ako Fakafaifekau Fakateokalatí lolotonga ʻa e uike kamata ʻi ʻOkatopa 27, 2008. ʻE fai ʻe he ʻovasia akó ha fakamanatu miniti ʻe 30 ʻo makatuʻunga he fakamatala naʻe kāpui ʻi he ngaahi konga ki he uike ʻo Sepitema 1 ki ʻOkatopa 27, 2008.
TUʻUNGA ʻO E LEÁ
1. ʻE lava fēfē ke tau ʻiloʻi ʻa e ʻuhinga ʻoku tui ai ʻa e kakai kehé ki he meʻa ʻoku nau tui ki aí? [be p. 259 pal. 1, 2]
2. ʻE anga-fēfē nai haʻatau tokoniʻi ha taha ke toʻo mei hono lotó ʻa e tomuʻa fehiʻá mo e tāufehiʻá? [be p. 260 pal. 2]
3. ʻE anga-fēfē nai haʻatau tokoniʻi ʻetau kau akó ke nau sivisiviʻi honau lotó tonu fakataha mo e fakakaukau ke hokohoko atu ʻenau tupu fakalaumālié? [be p. 261 pal. 3]
4. Ko e hā ʻoku totonu ke tau hanganaki fakakaukau ki ai ʻi heʻetau feinga ke aʻu ki he loto ʻo ʻetau kau fanongó? [be p. 262 pal. 5]
5. Ko e hā ʻoku totonu ai ke tau tokanga ki he taimí ʻi he ngaahi fakataha ʻa e fakatahaʻangá? [be p. 263 pal. 1, 3, puha]
KONGA FIKA 1
6. Ko e hā naʻá ne ueʻi ʻa Paula ke hiki ʻene ʻuluaki tohí ki he kau Kolinitoó? [bsi08-1 p. 20 pal. 3]
7. Ko e hā ʻa e ngaahi ʻuhinga ʻe niʻihi naʻe tohi ai ʻe Paula ʻa ʻene tohi hono ua ki he kau Kolinitoó? [bsi08-1 p. 22 pal. 1-2]
8. ʻOku totonu ke fēfē ʻa e vakai ʻa e kau Kalisitiané ki he ngāue fakafaifekaú? [bsi08-1 p. 23 pal. 18]
9. ʻE lava fēfē ʻe kitautolu he ʻaho ní, ke tau hangē ko e fanga tokoua ʻi Filipaí, ʻo maʻu ʻa e hōifua ʻa e ʻOtuá pea hoko ko e fiefiaʻanga ʻo hotau fanga tokouá? [bsi08-1 p. 29 pal. 12]
10. Ko e hā ʻa e ngaahi tākiekina lelei naʻe fai ʻe Paula mo hono ngaahi takangá ʻi he fakatahaʻanga ʻi Tesalonaiká? [bsi08-2 p. 4 pal. 13]
LAU TOHI TAPU FAKAUIKE
11. ʻOku ʻuhinga ki he hā ʻa e “tukuange ʻa e tokotaha [koví] kia Setane; koeʻuhi ke fakaʻauha hono anga kakano, heiʻilo ʻe haofaki hono anga laumalie”? (1 Kol. 5:5) [w08 7/15 “ʻOku Moʻui ʻa e Folofola ʻa Sihová—Ngaahi Meʻa Mahuʻinga mei he Tohi ʻe Ua ki he Kau Kolinitoó”]
12. ʻOku totonu ke fakamanatu “maʻu pē” ʻa e pekia ʻa Sīsuú ʻo tuʻo fiha, pea ʻe fai ia “kaeʻoua” ke aʻu ki he taimi fē? (1 Kol. 11:26, Ko e Taulua) [w08 7/15 “ʻOku Moʻui ʻa e Folofola ʻa Sihová—Ngaahi Meʻa Mahuʻinga mei he Tohi ʻe Ua ki he Kau Kolinitoó”]
13. Ko e hā ʻa e vīsone ʻoku lave ki ai ʻa e 2 Kolinito 12:2-4, pea ko hai ʻoku ngalingali naʻá ne maʻu iá? [w04 10/15 p. 8 pal. 4; p. 10 pal. 9]
14. Ko e hā e ʻuhinga naʻe fakatatau ai ʻe Paula ʻa e Lao ʻa Mōsesé ki ha “fakaleʻo [pe tiuta] maʻa Kalaisi”? (Kal. 3:24) [w08-E 3/1 p. 18-21]
15. Ko e hā naʻe ʻuhinga ki ai ʻa Paula ʻi heʻene lotu ʻo pehē “kuo haofaki homou laumalie, mo e loto, mo e sino”? (1 Tes. 5:23) [w08 9/15 “ʻOku Moʻui ʻa e Folofola ʻa Sihová—Ngaahi Meʻa Mahuʻinga mei he Tohi ʻe Ua ki he Kau Tesalonaiká mo e Tohi kia Tīmoté”]