Faivelenga ʻi Hono Fanongonongo ʻa e Moʻoni Fekauʻaki mo Sīsuú

ʻOku tupulaki ʻetau faivelengá ʻi he taimi ʻoku tau ʻiloʻi ai ʻa e founga ke vahevahe ki he niʻihi kehé ʻa e moʻoni fekauʻaki mo Sīsuú. Ko Sīsū ʻa e maka tuliki ʻo e makatuʻungá ʻa ia ʻoku langa ai ʻa e tui moʻoní. (ʻEf. 2:20) ʻI he taʻekau ai ʻa Sīsuú ʻe ʻikai haʻatau ʻamanaki ki he moʻuí. (Ngā. 4:12) Ko ia, ʻoku mahuʻinga ki he tokotaha kotoa ke ʻiloʻi ʻa e tuʻunga ʻo Sīsuú ʻi he taumuʻa ʻa e ʻOtuá. Kuo takihalaʻi ʻa e tokolahi ʻe he ngaahi tokāteline taʻefakatohitapú. Ko e meʻa fakamamahí, ʻoku lava ke mole nai meiate kinautolu ʻa e ngaahi talaʻofa ʻi he Folofola ʻa e ʻOtuá maʻá e faʻahinga ʻoku nau ngāueʻi ʻa e tui kia Sīsuú. Ko ʻetau faivelenga ki he moʻoní te ne ueʻi ai kitautolu ke tokoniʻi ʻa e faʻahinga loto-totonú ke nau maʻu ʻa e ʻilo totonu fekauʻaki mo Sīsuú, ko hono vahaʻangatae mo e ʻOtuá pea mo hono ngafa ʻi he taumuʻa ʻa e ʻOtuá. Te ke faivelenga ʻi hono fanongonongo ʻa e moʻoni fekauʻaki mo Sīsuú lolotonga ʻa e faʻahitaʻu Fakamanatu ko ení?