KONGA 9

ʻE Hoko Mai ʻa e Palataisí ʻAfē?

Ko e ngaahi faingataʻa ʻi he māmaní ʻoku fakamoʻoniʻi ai ko e Puleʻanga ʻo e ʻOtuá ʻe vavé ni ke ngāue mai. Luke 21:10, 11; 2 Tīmote 3:1-5

Ngaahi palopalema ‘oku failahia ‘i he ngaahi ‘aho faka‘osí—pele pa‘anga, tau, mahamahaki, nounou fakame‘atokoni, talangata‘a ki he mātu‘á, mo e fakamālohi ‘i ‘apí

Naʻe tomuʻa tala ʻe he Tohi Tapú ʻa e konga lahi ʻo e ngaahi meʻa ʻoku hoko ʻi he ʻaho ní. Naʻe pehē ai ko e kakaí te nau hoko ko e kau ʻofa ki he paʻangá, talangataʻa ki he mātuʻá, anga-kakaha, pea mo e kau ʻofa ki he mālié.

ʻE ʻi ai ʻa e ngaahi fuʻu mofuike, ngaahi tau, ngaahi nounou fakameʻatokoni, mo e mafolalahia ʻa e mahakí. Ko e ngaahi meʻá ni ʻoku lolotonga hoko he taimí ni.

Malanga‘i ‘e he taha ‘o e Kau Fakamo‘oni ‘a Sihová ‘a e ongoongo lelei ‘o e Pule‘angá ki ha tangata

Naʻe toe pehē ʻe Sīsū ko e ongoongo lelei fekauʻaki mo e Puleʻangá ʻe malangaʻi ia ʻi he kotoa ʻo e māmaní.—Mātiu 24:14.

ʻE toʻo atu ʻe he Puleʻangá ʻa e fulikivanu kotoa pē. 2 Pita 3:13

‘E faka‘auha ‘a e fulikivanú ‘i ‘Āmaketone, pea ‘e toki tautea leva ‘a Sētane mo ‘ene fanga tēmenioó

ʻE vavé ni ke fakaʻauha ʻe Sihova ʻa e kotoa ʻo e fulikivanú.

Ko Sētane mo e fanga tēmenioó ʻe tauteaʻi.

Tangutu ‘a Sīsū ‘i hono taloni fakahēvaní pea ‘oku fiefia ‘a e kakai ‘o e matakali kehekehe

Ko e faʻahinga ʻoku fanongo ki he ʻOtuá te nau hao moʻui atu ki ha māmani foʻou māʻoniʻoni, ʻa ia ʻe ʻikai toe ʻi ai ha manavahē, ko ha māmani ʻa ia ʻoku fefalalaʻaki mo feʻofaʻaki ai ʻa e kakaí.