Manatuʻi ke Ngāueʻaki ʻa e Ngaahi Polosiuá
ʻI he ngāue fakaefakamoʻoni mei he fale ki he falé pe ʻikai ʻi he founga anga-mahení, ʻoku faʻa iku ʻa e fetalanoaʻakí ki ha kaveinga ʻoku lave ki ai ha taha ʻo ʻetau ngaahi polosiua fakatupu tokangá. ʻOku totonu ke tautefito ʻa e tokanga ʻa e tokotaha kotoa ki he meʻá ni ʻi heʻenau tuʻuaki atu ʻa e Ko e Taua Leʻo mo e Awake! he lolotonga ʻo ʻEpeleli mo Mē. ʻI hono ʻave maʻu pē ha ngaahi polosiua kehekehe fakataha mo e ngaahi makasini te ke tuʻuaki ʻi he ngāue fakamalangá, te ke mateuteu ai ke tuʻuaki atu ʻa e meʻa tofu pē ko ia ʻoku fiemaʻu ki hono fai ha fakamoʻoni ola lelei. ʻI he lolotonga ʻo ʻEpeleli mo Mē, ongoʻi tauʻatāina ke ngāueʻaki ha taha ʻo e ngaahi polosiuá (tukukehe ʻa e polosiua School) pe fakataha mo e ngaahi makasini te ke tuʻuakí.—Fehoanaki mo Palōvepi 15:23.