ʻE Lava ke Ako ʻa e Tokotaha Kotoa Pē mei he Noah—He Walked With God
Lau pe fakamanatu ʻa e Senesi 6:1 ki he 9:19. Sio leva ʻi he foʻi vitiō Noah, pea fakakaukau ki he founga te ke tali ai ʻa e ngaahi fehuʻi ko ʻení: (1) Naʻe anga-fēfē ʻa e māmaní ʻi he ʻaho ʻo Noá, pea naʻe anga-fēfē ʻa ʻene hoko ki he tuʻunga peheé? (2) Ko e hā naʻá ne ʻai ʻa Noa ke makehe ʻaupitó, ko e hā ʻa e ngāue naʻe ʻoange ʻe he ʻOtuá kiate ia ke ne faí, pea ko e hā hono ʻuhingá? (3) Naʻe faʻu nai ʻa e ʻaʻaké ʻi fē, ko e hā hono fuoloá, pea ko e hā hono lahí? (4) Tuku kehe ʻa hono faʻu ʻo e ʻaʻaké, ko e hā mo e toe meʻa naʻe pau ke fai ʻe Noa pea mo hono fāmilí? (5) ʻOkú ke fakakaukau naʻe fēfē ʻa e tuʻunga ʻi he ʻaʻaké ʻi hono tāpuniʻi pē ʻa e matapaá? (6) Naʻá ke mei ongoʻi fēfē hili ʻa e hao moʻui ʻi he Lōmakí? (7) Ko e hā ʻa e fakamanatu fekauʻaki mo e Lōmakí ʻoku tau toutou sio ki aí, pea ko e hā ʻa hono ʻuhingá? (8) Ko e hā kuo akoʻi atu kia koe ʻe he fakamatala ʻa e Tohitapú fekauʻaki mo Noá ʻo kau kiate koe tonu, ko ho fāmilí pea mo e ngāue kuo vaheʻi mai ʻe he ʻOtuá kia kitautolu ke faí? (9) Ko e hā ʻa e ngaahi fehuʻi ʻokú ke loto ke ʻeke kia Noa pea mo hono fāmilí ʻi he taimi te ke fetaulaki ai mo kinautolu ʻi Palataisí? (10) ʻOku anga-fēfē hoʻo palani ke ngāueʻaki ʻa e foʻi vitiō Noah he taimí ni?