Meʻa ke Leaʻaki Fekauʻaki mo e Ngaahi Makasiní
Ko e Taua Leʻo Sune 15
“ʻOkú ke fakakaukau ʻe faifai ange pea tau sio ki ha ngata ʻa e ngaahi palopalema hangē ko ení? [Lau ʻa e fakamatala kamata ʻo e ʻuluaki kupú, pea tuku ke ne tali.] ʻOku fakapapauʻi mai kia kitautolu ʻe he Folofola fakamānavaʻi ʻa e ʻOtuá ko e ngaahi palopalema peheé ʻe vave ke ngata. [Lau ʻa e Sāme 72:12-14.] Ko e ʻīsiu ko eni ʻo e Taua Leʻo ʻoku fakamatalaʻi ai ʻa e founga ʻe fakahoko ai ení.”
Awake! Sune 22
“ʻOkú ke fakakaukau ʻe faifai pea malava ʻo ʻi ai ha tauʻatāina moʻoni maʻá e tokotaha kotoa pē ʻi he māmaní? [Tuku ke ne tali.] Fakatokangaʻi ange ʻa e talaʻofa fakaʻofoʻofa ko eni ʻa e ʻOtuá. [Lau ʻa e Loma 8:21.] Ke hoko moʻoni ʻa e talaʻofa ko iá, ko e nofo pōpula kotoa pē kuo pau ke ngata, ʻikai ko ia? Ko e ʻīsiu ʻo e Awake! ko ení ʻoku fakahaaʻi ai ʻa e founga ʻe hoko ai ʻa e meʻa ko iá.”
Ko e Taua Leʻo Siu. 1
“ʻOku ngāueʻaki ʻe he kakai ʻe laui miliona ʻa e ngaahi ʻīmisí pe ko e ngaahi fakatātā fakalotu ʻi heʻenau lotú, lolotonga ia ko e laui miliona ʻo e niʻihi kehé ʻoku nau fakakaukau ʻoku hala ʻa hono fai iá. Kuó ke fifili ʻi ha taimi pe ko e hā ʻa e fakakaukau ki ai ʻa e ʻOtuá? [Tuku ke ne tali. Lau leva ʻa e Sione 4:24.] ʻOku fakahaaʻi ʻe he ngaahi kupú ni ʻa e founga naʻe kamata ai hono ngāueʻaki ʻa e ngaahi fakatātā fakalotú pea mo e meʻa ʻoku leaʻaki ʻe he Tohitapú fekauʻaki mo e lotu ki he ʻīmisí.”
Awake! Siu. 8
“Naʻe kikiteʻi ʻe he Tohitapú ʻe ʻi ai ʻa e ngaahi taimi faingataʻa lolotonga ʻa e ngaahi ʻaho fakaʻosí. [Lau ʻa e 2 Timote 3:1, 3.] ʻI he māmaní kotoa, ʻoku ʻomai ʻe he lahi ʻo e faihiá ʻa e fakamoʻoni ʻo e meʻá ni. He kovi lahi ē ko e ngaahi tuʻungá kapau naʻe ʻikai ha kau polisi! Ko e ʻīsiu ko eni ʻo e Awake! ʻoku lāulea ai ki he ngaahi faingataʻa ʻoku fehangahangai mo e kau polisí ʻi māmani lahí.”