Te Ke Maʻu ʻAonga mei he Pulusinga Faingofuá?

Ko e pulusinga ako ʻo e Taua Leʻo ʻoku ala maʻu ia ʻi he taimí ni ʻi ha pulusinga faka-Pilitānia faingofua. Ko e pulusinga ko ʻení kuo tokonaki ia maʻá e (1) kau malanga lea faka-Pilitānia ʻa ia te nau maʻu ʻaonga mei hono fakalea faingofuá, koeʻuhí pē nai ko ha tuʻunga fakaako fakangatangata; (2) kau malanga ʻa ia ko ʻenau lea ʻuluakí ʻoku ʻikai ko e lea faka-Pilitāniá; (3) faʻahinga kei taʻu siʻí, ʻo kau ai ʻa e faʻahinga ʻoku nau kei ako ʻi he Lautohi Puleʻangá mo e ako lotolotó; pea mo e (4) kau ako Tohi Tapu ʻoku fiemaʻu kiate kinautolu ʻa e lea faingofua mo fakahangatonu angé kae lava ke nau mahinoʻi ʻa e ngaahi meʻa fakalaumālié.

Ko e ngaahi fika ʻo e palakalafí, ngaahi fehuʻí mo e ngaahi kaveingá ʻoku hoatatau pē ia mo e pulusinga anga-mahení. Ko e fakamatalá ʻoku tatau tofu pē, ka ko e fakaleá pē ʻoku kiʻi faingofua ange ia. Neongo ko e faiako Taua Leʻo mo e tokotaha lautohí te na ngāueʻaki ʻa e pulusinga anga-mahení tuku kehe kapau ʻoku ngāueʻaki ʻe he tokolahi taha ʻi he kau fanongó ʻa e pulusinga faingofuá, ko e faʻahinga ʻoku nau ngāueʻaki ʻa e pulusinga faingofuá te nau sio ki he ngaahi konga Tohi Tapu tatau pē ʻoku hā aí pea mo e ngaahi talanoa fakatātā tatau pē, pea ʻe malava ke nau muimui ʻi hono lau ʻa e ngaahi palakalafí pea kau ʻi he talí.

Ko ha taha pē ʻokú ne ongoʻi ʻe maʻu ʻaonga mei ai ʻoku totonu ke ne kole ki he sevāniti makasiní ke ne ʻomai tuʻumaʻu ia.