Ko ʻEtau Uepisaiti Fakaʻofisialé—Ngāueʻaki Ia ki he Ako Fakafoʻituituí mo e Fakafāmilí
Lau ʻa e Makasini Fakamuimui Tahá he Netí: Lau ʻa e Taua Leʻo mo e ʻĀ Hake! he netí ʻi ha laui uike ki muʻa ke maʻu ʻa e tatau kuo hikí ʻi he fakatahaʻangá. Fanongo ki ha ngaahi hiki leʻo ʻo e makasiní.—ʻAlu ki he “Publications/Magazines.”
Lau ʻa e Fakamatala ʻOku ʻAsi Pē ʻi he ʻInitanetí: Ko e fakamatala ʻe niʻihi hangē ko e “For Young People,” “My Bible Lessons,” “For Family Review,” mo e “Young People Ask,” ko e taimí ni ʻe ʻasi atu pē ia ʻi heʻetau Uepisaití. Hū ki he netí pea fakakaukau ki he niʻihi ʻo e fakamatala ko ení lolotonga hoʻo ako fakafoʻituituí mo e fakafāmilí.—ʻAlu ki he “Bible Teachings/Children” pe “Bible Teachings/Teenagers.”
Maʻu ʻa e Ongoongo Fakamuimui Tahá: Lau ʻa e ngaahi līpooti fakalototoʻa mo e ngaahi hokosia pea sio ʻi he ngaahi vitiō ʻokú ne fakamamafaʻi ai ʻa e fakalakalaka ʻetau ngāué ʻi he māmaní. Ko e ngaahi līpooti ʻo e ngaahi fakatamakí mo e fakatangá ʻe lava ke ne tokoniʻi kitautolu ke tau fai ha ngaahi lotu pau maʻa hotau fanga tokoua kuo maʻukoviá. (Sēm. 5:16)—ʻAlu ki he “News.”
Fai ʻa e Fekumí ʻo Ngāueʻaki ʻa e Online Library: Kapau ko e tafaʻakí ni ʻoku ala maʻu ʻi hoʻo leá, ngāueʻaki ha komipiuta pe telefoni toʻotoʻo ke lau ʻa e konga tohi fakaʻahó ʻi he netí pe fai ha fekumi ʻi he niʻihi ʻo ʻetau ʻū tohi lahi fakamuimui tahá.—ʻAlu ki he “Publications/Online Library,” pe taipeʻi ʻa e www.wol.jw.org ʻi he tuʻasila ʻi hoʻo netí.
[Fakatātā ʻi he peesi 4]
(Ki he fakamatala kakato, sio ki he tohí)
ʻAhiʻahiʻi Ia
1 Lomiʻi ʻi he taá pe “Download.” Ko e laʻi taá ʻe haʻu ia ʻi he faile PDF. Pulusi mai ia pea ngāueʻaki ko ha meʻangāue ki hoʻo tamá.
2 Lomiʻi ʻa e “Play” ke sio vitiō.