Hanganaki Tatali Vēkeveke ʻi he Kātaki

Ko e hā hono fuoloa hoʻo tatali ke hoko mai ʻa e Puleʻanga ʻo e ʻOtuá? Kuó ke kātekina anga-kātaki neongo ʻa e ngaahi faingataʻá? (Loma 8:25) ʻOku fehangahangai ʻa e kau Kalisitiane ʻe niʻihi mo e tāufehiʻá, ngaohikoviá, tuku pilīsoné, naʻa mo e fakamanamanaʻi ki he maté. Ko e niʻihi tokolahi ʻoku nau fekuki mo e ngaahi faingataʻa hangē ko e mahaki tauhí pe hoholo ke motuʻa angé.

Ko e hā te ne tokoniʻi kitautolu ke tau tatali vēkeveke ʻi he fekuki mo ha faingataʻa pē? Kuo pau ke tau fakaivimālohiʻi fakaʻaho ʻetau tuí ʻaki hono lau ʻa e Tohi Tapú mo fakalaulauloto ki ai. Kuo pau ke tau tokangataha ki heʻetau ʻamanakí. (2 Kol. 4:16-18; Hep. 12:2) Kuo pau ke tau hū tōtōaki kia Sihova ʻi he lotu pea kōlenga kiate ia ki he mālohi ʻa hono laumālie māʻoniʻoní. (Luke 11:10, 13; Hep. 5:7) Ko ʻetau Tamai ʻofá ʻe lava ke ne tokoniʻi kitautolu ke tau “kātekina ʻa e meʻa kotoa pē ʻi he kātaki mo e fiefia.”—Kol. 1:11.

SIO ʻI HE VITIŌ KUO PAU KE TAU “LELE FAKATAHA MO E KĀTAKI”—FALALA PAU KI HONO MAʻU ʻA E PALÉ, PEA TALI LEVA ʻA E NGAAHI FEHUʻI KO ENÍ:

• 

  Ko e hā ʻa e “ngaahi meʻa ʻoku hoko taʻeʻamanekina” ʻe hoko nai ʻi he moʻuí? (Tml. 9:11)

• 

  ʻOku anga-fēfē hono tokoniʻi kitautolu ʻe he lotú ʻi he fehangahangai mo e ngaahi faingataʻá?

• 

  Kapau ʻoku ʻikai lava ke tau fai ʻa e ngaahi meʻa naʻa tau lava ʻo fai ki muʻa ʻi he ngāue ʻa Sihová, ko e hā ʻoku totonu ai ke tau tokangataha ki he meʻa ʻoku tau kei malavá?

• 

  Ko e hā te ne tokoniʻi koe ke ke hanganaki falala pau ki hono maʻu ʻa e palé?