Fakaivimālohiʻi ʻEtau Falala ki he Poto ʻo Sihová ʻe he Fakatupú

ʻOku ʻiloʻi maʻu pē ʻe Sihova ʻa e lelei taha maʻa kitautolú? Ko ia tofu pē! ʻI heʻetau tui ki he meʻá ni, ʻoku fakahaaʻi ai ʻoku tau maʻu ʻa e poto ʻi he taimi ʻoku tau muimui ai ki heʻene fakahinohinó. (Pal. 16:3, 9) Kae kehe, ko ʻetau falala ki heʻene tatakí ʻe ʻahiʻahiʻi nai ia ʻi he taimi ʻoku ʻikai tatau ai mo ʻetau fakakaukaú tonu. ʻE lava ke fakaivimālohiʻi ʻetau falala ki he poto ʻo Sihová ʻaki ʻetau fakalaulauloto ki heʻene ngaahi ngāue fakaefakatupú.​—Pal. 30:24, 25; Loma 1:20.

SIO ʻI HE VITIŌ NAʻE FAʻU IA KE PEHĒ? ANGA-FĒFĒ ʻA E ʻIKAI FEPAKIPAKI ʻA E FEFONONGAʻAKI ʻA E FANGA LOÓ? PEA TALI LEVA ʻA E NGAAHI FEHUʻI KO ENÍ:

• Ko e hā ʻa e ngāue fakaʻaho ʻa e fanga loó?

• Ko e hā ʻoku ʻikai fepakipaki ai ʻa e fefonongaʻaki ʻa e fanga loó?

• Ko e hā ʻe lava ke tau ako mei he founga fefonongaʻaki ʻa e fanga loó?

SIO ʻI HE VITIŌ NAʻE FAʻU IA KE PEHĒ? MALAVA ʻA E HONÉ KE PUNÁ, PEA TALI LEVA ʻA E NGAAHI FEHUʻI KO ENÍ:

• Ko e hā ʻa e pole ʻoku tau fehangahangai mo ia ʻi he folau ʻi ha vakapuna siʻisiʻi?

• ʻI he founga fē ʻoku matuʻuaki ai ʻe he honé ʻa e matangi mālohí?

• ʻOku anga-fēfē nai ʻetau maʻu ʻaonga mei he poto fakaenatula ʻa e honé?

Ko e hā ʻa e fakamoʻoni ʻo e poto ʻo Sihová kuó ke sio ai ʻi he fakatupú ʻi ho feituʻú?