Taú​—Ko e Meʻa ʻE Fakahoko ʻe he Puleʻanga ʻo e ʻOtuá

Ko e māmaní ʻoku hokohoko atu hono maumauʻi lahi ia ʻe he ngaahi tau ʻokú ne fakatupunga ʻa e mamahi mo e faingataʻa taʻefaʻalaua. Fakatokangaʻi ʻa e ngaahi līpooti ko ení:

• “ʻI he taʻu kuo ʻosí, naʻe tokolahi ange ʻa e kakai naʻe mate koeʻuhí ko e taú, tautefito ʻi ʻItiopea mo ʻIukalainé, ʻi ha toe taʻu pē talu mei he 1994.”​​—Peace Research Institute Oslo, Sune 7, 2023.

• “Ko e tau ʻi ʻIukalainé ko e taha pē ia ʻo e ngaahi fepaki naʻe toe kovi ange ʻi he 2022. Ko e fakakātoá, naʻe tupu pēseti ʻe 27 ʻa e fakamālohi fakapolitikalé ʻi māmani lahi ʻi he taʻu kuo ʻosí, ʻo fakafuofua ko e kakai ʻe 1.7 piliona naʻe uesia aí.”​​—The Armed Conflict Location & Event Data Project (ACLED), Fepueli 8, 2023.

ʻOku ʻomai ʻe he Tohi Tapú ʻa e ʻamanaki. ʻOku pehē ai “ʻe fokotuʻu ʻe he ʻOtua ʻo langí ha puleʻanga ʻa ia ʻe ʻikai ʻaupito ke fakaʻauha.” (Taniela 2:44) ʻI he malumalu ʻo e Puleʻanga pe founga-pule ko iá, ko e ʻOtuá te ne “fakangata ʻa e ngaahi taú ʻi he māmaní kotoa.”​​—Saame 46:9.