Taimi-Tēpile ki he Fakataha Ngāué

Uike Kamata Maʻasi 8

Hiva 9 (37)

10 min: Ngaahi fanongonongo fakalotofonua. Ngaahi fanongonongo kuo filifili mei he ʻEtau Ngāue Fakafaifekau ʻo e Puleʻanga. Fakamanatu ki he tokotaha kotoa ke ʻomai ʻa e polosiua foʻou “See the Good Land” ki he Fakataha Ngāue ʻo e uike hoko maí. ʻI hono ngāueʻaki ʻa e ngaahi fokotuʻu ʻi he peesi 6, fakahāhā ʻa e founga ke tuʻuaki ai ʻa e Taua Leʻo ʻo Maʻasi 15 mo e Awake! ʻo Maʻasi 22.

15 min: Ngāueʻaki ʻa e Ngaahi Tulekí ke Kamata ha Ngaahi Fetalanoaʻaki. Fetalanoaʻaki mo e kau fanongó. ʻOku faʻa hoko ko e konga faingataʻa taha ʻo hono fai ha fakamoʻoní ko e ʻai ke kamata ʻa e fetalanoaʻakí. ʻE lava ke ngāueʻaki ʻa e ngaahi tulekí ke kamataʻi ha fetalanoaʻaki ʻi he faifakamoʻoni matapā-ki-he-matapaá, ʻi he feituʻu pisinisí pea ʻi he ngaahi feituʻu fakapuleʻangá. Fakamanatu nounou ha tuleki ʻe ua pe tolu ʻa ia ʻe fakamānako nai ki he kakai ʻi he feituʻu fakalotofonuá. Ko e hā ʻa e ngaahi fakamatala talateu ʻe fai nai ʻi hono tuʻuaki ʻa e ngaahi tulekí ni? ʻE anga-fēfē nai hano ngāueʻaki ʻo e ngaahi talanoa fakatātaá? Ko e hā ʻa e ngaahi fehuʻi ʻa ia ʻe lava ke langaʻi fakapotopoto haké? Fakamamafaʻi ha palakalafi ʻi he tuleki taki taha ʻa ia ʻe lava ke lāulea ki ai kapau ʻe fakahaaʻi ʻe he tokotaha-ʻapí ha mahuʻingaʻia. Fai ha fakahāhā ʻo e founga ʻe kamata nai ai ha fetalanoaʻaki ʻi hono ngāueʻaki ʻo ha tulekí. ʻAi ʻa e tokotaha malangá ke ne lāulea nounou ki ha palakalafi ʻe taha mei he tulekí pea toki fakaʻosi ʻaki leva hono tuʻuaki ʻa e tohi ʻIlo.

20 min: “Mou ʻOfa kia Sihova, ʻEne Kau Lotu.”a ʻI he lāulea ki he palakalafi 3, fakaafeʻi ha ngaahi fakamatala mei he kau fanongó ki he founga kuo nau fakaafeʻi ʻaki ʻa e kakaí ki he kātoanga Fakamanatú.

Hiva 11 (93) mo e lotu tuku.

Uike Kamata Maʻasi 15

Hiva 5 (46)

10 min: Ngaahi fanongonongo fakalotofonua. Fakamanatu ʻa e ngaahi poini tefito ʻo e “Ngaahi Meʻa ke Manatuʻi ki he Fakamanatú.” Fanongonongo ʻa e taimi ʻe fai ai ʻa e Ako Taua Leʻo ki he uike ʻo e Fakamanatú.

15 min: Fakahaaʻi ʻa e Taimi ki he Ngāue Makehe Lolotonga ʻa e Faʻahitaʻu Fakamanatú. Fetalanoaʻaki mo e kau fanongó ke fai ʻe he ʻovasia ngāué. Lave ki he ngaahi fokotuʻutuʻu makehe kuo faí. Fakamatala ki ha ngaahi meʻa siʻi naʻe hokosia ʻa ia kuo fai ai ʻa e fiefia. Fakaafeʻi ʻa e faʻahinga ʻe lava ke nau fai iá ke nau hū ʻo hoko ko e kau tāimuʻa tokoni ʻi ʻEpeleli mo Mē. Fakamanatu nounou ha ngaahi poini siʻi mei he fakalahi ʻo ʻEtau Ngāue Fakafaifekau ʻo e Puleʻanga ʻo Fepuelí.

20 min: Maʻu ʻAonga mei he “See the Good Land.” Ko e polosiua foʻoú ʻe lava ke ne ʻai ʻetau lau mo ako ʻa e Folofola ʻa e ʻOtuá ke mohu ʻuhinga ange. Ko ha kī ʻa hono ngāueʻaki ʻa e ʻinitekí. Lau ʻa e Aisea 63:​1, ʻa ia ʻoku fakamatala ai kia Sihova ʻoku haʻu mei Pōsila. Fakaafeʻi ʻa e tokotaha kotoa ke ne kumi ʻa e hūʻanga ki Pōsilá ʻi he ʻiniteki ʻo e “Good Land.” Fakamatalaʻi ʻa e ʻuhinga ʻo e “Bozrah 11 G11,” ʻo ngāueʻaki ʻa e puha ʻi he peesi 34, pea kumi ʻa Pōsila mo ʻĪtomi ʻi he mape ʻoku fakahāʻí. ʻI hono ngāueʻaki ʻa e ʻinitekí, kumi ʻa e hala ʻo Sīsū mei Selusalema ki Saiká. (Sione 4:​3-5) Fai ʻa e meʻa tatau ke kumi ʻaki ʻa e vai ko Petesaitá. (Sione 5:​1-3) Fili ha fakatātā lahi ange ʻe taha pe ua mei he lau Tohi Tapu fakauike ki he Ako Fakafaifekau Fakateokalatí. Fakaafeʻi ʻa e kau fanongó ke nau fakamatala ki he feituʻu ʻa ia ʻoku lava ke maʻu ai ʻa e ngaahi feituʻu ko iá ʻi he polosiuá pea mo e founga te tau maʻu ʻaonga ai mei he vakai ki he ʻū mapé. Fakamamafaʻi nounou ʻa e niʻihi ʻo e ʻū mape ʻoku ʻi he polosiuá, ʻo fakatokangaʻi ʻa e ngaahi vahaʻa taimi ʻoku kāpui aí. Ko e mape ʻi he peesi 18-​19 ʻoku ʻomai ai ʻa e fika lahi taha ʻo e ngaahi tuʻuʻanga faka-Tohitapú. Fakaʻaiʻai ʻa e tokotaha kotoa ke nau ngāueleleiʻaki ʻa e “See the Good Land.”

Hiva 18 (162) mo e lotu tuku.

Uike Kamata Maʻasi 22

Hiva 21 (191)

10 min: Ngaahi fanongonongo fakalotofonua. Fakamatala paʻangá. Fakamanatuʻi ki he tokotaha kotoa ʻa e lau Tohi Tapu ki he Fakamanatú kuo fakataimitēpileʻi ki Maʻasi 30–ʻEpeleli 4, hangē ko ia ʻoku fokotuʻutuʻu mai ʻi he Vakaiʻi Fakaʻaho ʻo e Tohitapú​—2004 pea ʻi he 2004 Calendar.

15 min: Ngaahi fiemaʻu fakalotofonua.

20 min: “Ko ha ʻOhofi Tau Heka Hoosi ʻOku Kaunga Kiate Koe.”b Lau pea fetalanoaʻaki ʻi he ngaahi konga Tohi Tapú ʻo fakatatau ki he taimí.

Hiva 4 (43) mo e lotu tuku.

Uike Kamata Maʻasi 29

Hiva 25 (204)

10 min: Ngaahi fanongonongo fakalotofonua. Fakamanatu ki he kau malangá ke ʻomai ʻenau līpooti malaʻe ngāue ki Maʻasí. Lave ki he tohi ʻoku tuʻuaki ʻi ʻEpelelí. ʻI hono ngāueʻaki ʻa e ngaahi fokotuʻu ʻi he peesi 6, fakahāhā ʻa e founga ke tuʻuaki ai ʻa e Taua Leʻo ʻo ʻEpeleli 1 mo e Awake! ʻo ʻEpeleli 8.

15 min: “Ko ha Tohi mei he Kulupu Pulé.” Malanga mo e fetalanoaʻaki mo e kau fanongó. Lave ki he ngaahi fika tuʻu-ki-muʻa mei he līpooti ʻi māmani lahí ʻi he Taua leʻo ʻo Sanuali 1, 2004.

20 min: ʻOku Fakafāʻūtahaʻi ʻe he Moʻoní ʻa e Ngaahi Fāmilí. Malanga mo e fetalanoaʻaki mo e kau fanongó. ʻOku faʻa toumoua ʻa e faʻahinga mahuʻingaʻiá mei he tauhi kia Sihová koeʻuhi ko e fakafepaki mei he ngaahi mēmipa ʻi he fāmilí. Fai ha fakamatala ki he niʻihi ʻo e ngaahi meʻa ko eni naʻe hokosiá: Taua Leʻo ʻo Sanuali 1, 2002, peesi 14-​15; Taua Leʻo, Tīsema 1, 2000, peesi 8; Taua Leʻo, Sepitema 1, 1999, peesi 32; Taua Leʻo, Sanuali 1, 1999, peesi 4; mo e Awake!, Fepueli 22, 1998, peesi 31. Fakamamafaʻi ʻoku faʻa fakalakalaka ʻa e moʻui fakafāmilí naʻa mo e ʻi he taimi ʻoku ngāueʻaki ai ʻe ha mēmipa ʻe toko taha ʻo e fāmilí ʻa e ngaahi tefitoʻi moʻoni ʻi he Tohi Tapú

Hiva 22 (130) mo e lotu tuku.

Uike Kamata ʻEpeleli 5

Hiva 18 (162)

10 min: Ngaahi fanongonongo fakalotofonua.

20 min: Ko e Maʻa Fakaesinó ʻOkú Ne Fakaongoongoleleiʻi Kitautolu. Ko ha malanga makatuʻunga ʻi he Taua Leʻo ʻo Sune 1, 2002, peesi 19-​21. Fakakau ai ha fakahāhā ʻa ia ʻoku fakahaaʻi ai ʻe ha tokotaha mātuʻa ki ha tāimuʻa ʻa e founga fakapotopoto ke tokoniʻi ai ha tokotaha ako Tohi Tapu ke ne sio ki he mahuʻinga ʻo hono tauhi ʻa hono ʻapí mo e loto ʻapí ke maʻá, ʻo ngāueʻaki ʻa e lēsoni 9, palakalafi 5, ʻi he polosiua Fiemaʻu.

15 min: Lave ki he ngaahi meʻa naʻe hokosia naʻe fiefia ai ʻi he fekauʻaki mo e kātoanga Fakamanatú pea mo e ngāue fakalahi longomoʻui lolotonga ʻo Maʻasí.

Hiva 9 (37) mo e lotu tuku.

Līpooti Ngāue ki Tīsema

ʻAv. Ng. Maka- Toe Ng.

Lahi ʻo e: Houa sini ʻAʻahi Ako

Tāi. Makehe 11 115.4 165.2 53.5 7.5

Tāimuʻa 13 70.6 49.1 33.6 4.0

Tāi. Tokoni 16 48.4 78.4 6.5 0.4

Kau Malanga 155 10.7 29.7 3.7 0.7

KĀTOA 195 Papitaiso: –

Tāi. Tāi. Kau

Fonua Makehe Tāi. Tokoni Malanga Kātoa

Niuē 2 2 2 19 25

Nōfoki – – – 13 13

Nuʻu Sila ​13 ​701 ​209 ​11,429 ​12,352

ʻOtu Kuki 2 12 4 147 165