Ko e Hā ʻOku Lava Ke Ke Ako mei he Kau Kalisitiane Matuʻotuʻá?

ʻI heʻetau ngaahi fakatahaʻangá ʻoku ʻi ai ʻa e niʻihi kuo nau tauhi kia Sihova ʻi he ngaahi laui taʻu. ʻE lava ke tau ako mei heʻenau falala pau kia Sihová. ʻE lava ke tau ʻeke ange fekauʻaki mo e hisitōlia ʻo e kautaha ʻa Sihová pea mo e ngaahi pole naʻa nau fehangahangai mo iá pea ikuʻi ʻi he tokoni ʻa Sihová. ʻE lava nai ke tau fakaafeʻi ha taha ʻo e siʻi faʻahinga ʻofeina ko ení ke vahevahe mai ʻene ngaahi hokosiá ʻi heʻetau efiafi Lotu Fakafāmilí.

Kapau ko ha Kalisitiane matuʻotuʻa koé, fakahaaʻi tauʻatāina hoʻo hokosiá ki he toʻutupu Kalisitiané. Ko Sēkope mo Siosifa naʻá na vahevahe ʻena hokosiá ki hona hakó. (Sēn. 48:21, 22; 50:24, 25) Naʻe toe ʻamanekina ʻe Sihova ki he ngaahi ʻuluʻi fāmilí ke nau akoʻi ʻenau fānaú fekauʻaki mo ʻene ngaahi fuʻu ngāué. (Teu. 4:9, 10; Saame 78:4-7) ʻI hotau ʻahó ni, ko e ngaahi mātuʻá mo e niʻihi kehe ʻi he fakatahaʻangá, ʻe lava ke nau tala ki he toʻutupú ʻa e ngaahi meʻa fakaofo kuo nau sio ai kuo fakahoko ʻe Sihova ʻi heʻene kautahá.

SIO ʻI HE VITIŌ TAUHI MAʻU ʻA E FĀʻŪTAHÁ LOLOTONGA ʻA E FAKATAPUTAPUÍ PEA TALI LEVA ʻA E NGAAHI FEHUʻI KO ENÍ:

• Naʻe anga-fēfē tokoni ʻa e vaʻa ʻAosituliá ki hotau fanga tokoua ʻi he ngaahi fonua naʻe tapui ai ʻetau ngāué?

• Naʻe anga-fēfē hono tauhi ke mālohi ʻa e tui ʻa e fanga tokouá ʻi he ngaahi fonua ko iá?

• Ko e hā naʻe fakamavaheʻi ai ʻe he fanga tokoua tokolahi ʻi Lumēnia kinautolu mei he kautaha ʻa Sihová, pea anga-fēfē ʻenau toe foki maí?

• ʻOku anga-fēfē hono fakaivimālohiʻi hoʻo tuí ʻe he ngaahi hokosia ko ení?