Mulengi Wesu Siluyando Mbaakayubununa Zisyomezyo Zyakwe

Kuzwa chiindi Leza naakalenga bantu, wakali kwaambuulaabo kabelesya bangelo amapolofita. Kuyungizya waawo, Leza wakazoopa kuti mulumbe wakwe azintu nzyaakatusyomezya zilembwe. Zisyomezyo eezi zili aachakuchita abuumi bubotu mbutulangilila kunembo. Kujana twazijanaali zisyomezyo zyaLeza mazubaano?

Mulumbe waLeza ujanika muMagwalo Aasalala. (2 Timoteyo 3:16) Leza wakababelesya biyeni mapolofita kuti balembe mulumbe wakwe? (2 Petro 1:21) Balembi aaba bakalemba zintu Leza nzyaakabikka mumizeezo yabo. Nzizyo zichitika nikuba mazubaano. Atuteedi sibbizinesi wakumbila mulembi wakwe kuti alembe lugwalo, pesi makani ngatanoolembe ulikwaabuzigwa aasibbizinesi, zili aantanganana kuti lugwalo oolu ndulwa sibbizinesi kutali mulembi. Munzila iikozyenie, nikuba kuti Leza wakabelesya bantu kuti balembe mulumbe wakwe, pesi nguwe munaaMalembe Aasalala.

JWI LYALEZA LILAJANIKA KOONSE

Mulumbe waLeza uyandikana loko, nkinkaako, Leza uyanda kuti bantu boonse bawubale akuumvwisisisya. Mazubaano, “makani mabotu aatamani” alaambilizigwa “kumasi oonse, kumisyobo yoonse, kumilaka yoonse.” (Ciyubunuzyo 14:6) Leza wakapa kuti Magwalo Aasalala ajanike kalili bbuku likkwene naakuti kachili chipanzi mumilaka yiinda ku3 000 alubo taakwe mabbuku miingi mbuli bbuku lyaMalembe Aasalala.