Mulongo Wa Miswaangano Ya Mulimo

MALAILILE: Mu Mulimo Wesu wa Bwami kuyoobikkwa mulongo wa Muswaangano wa Mulimo wansondo aimwi mumyezi yamuswaangano wacooko. Mbungano zilakonzya kubikka bubambe bugwasya kutegwa zikajanike ku Muswaangano Wacooko wa “Amusololelwe Amuuya wa Leza.” Ikuti kacikonzyeka, amubelesye maminiti aali 15 ku Muswaangano wa Mulimo wansondo yamamanino kamutanaunka kumuswaangano wacooko ikwiinduluka malailile kuzwa mupepa lyamukati lyamwezi uuno alimwi awa March 2008 alo aakonzya kubeleka mumbungano yanu. Kwaakwiinda mwezi omwe naa yobile mwaakuzwa kumuswaangano, amukabelesye maminiti aali 15 kusika ku 20 ku Muswaangano wa Mulimo (ambweni kwiinda mukubelesya cibeela caziyandika zyambungano) kwiinduluka twaambo tupati-pati twakumuswaangano ooto basikumwaya ntobabona kuti tulagwasya mumulimo wamumuunda. Kwiinduluka ooku kweelede kucitwa amulangizi wamulimo. Amubalombe baswiilizi kwaamba mbobatubelesya naa mbobayeeya kuyootubelesya twaambo ooto mumulimo wamumuunda.

Nsondo Iitalika mu July 14

Lwiimbo 126

10 min: Zyakwaambilizya zyambungano. Kwiinda mukubelesya nzila zili apeeji 8 naa nzila zimwi zigwasya mucilawo canu, amutondezye mboikonzya kwaabilwa Ngazi Yamulindizi ya July–September alimwi a Sinsimuka! ya July–September.

15 min: “Amube Cikozyanyo Cibotu Mukoonda Milimo Mibotu.”a Amubelesye mibuzyo iibikkidwe. Amukankaizye mbociyandika kutobela bubambe bwakabikkwa bubambilidwe kutugwasya. Amupandulule muntu woonse mbwayandika kulilemeka.

20 min: “Kwiiya Businsimi bwa Daniele.”b Amwaambe mubufwaafwi mbotuyoogwasyigwa ikuti twaliiya bbuku lyamu Bbaibbele lya Daniele. (Amubone cibalo 1, mincali 15-17 mubbuku lya Businsimi bwa Daniele.) Amubakulwaizye boonse kunoojanika lyoonse ku Ciiyo Cabbuku Cambungano.

Lwiimbo 147

Nsondo Iitalika mu July 21

Lwiimbo 197

8 min: Zyakwaambilizya zyambungano. Zyakwaambilizya zisalidwe kuzwa mu Mulimo Wesu wa Bwami. Amubayeezye baswiilizi kuti bakaletelezye Ngazi Yamulindizi ya July–September alimwi a Sinsimuka! ya July–September nsondo iiboola ku Muswaangano wa Mulimo akulibambila kubandika nzila zigwasya nzyobayanda kuyoobelesya.

17 min: “Ciindi Cakulya Kumuuya Akukkomana.”c Akananwe amulembi wambungano. Amwaambe muswaangano wacooko mbungano yanu nkoyeelede kuyooswaanganina. Amubandike zili mukabbokesi kakuti “Ziyeezyo zya Muswaangano Wacooko.”

20 min: “Kulibambila—Nzila Iipa Kuzwidilila Mukupilukila.”d Amubikkilizye acitondezyo casikumwaya uulyaambauzya kwamaminiti aali one ciindi nalibambila kupilukila. Walanga-langa twaambo ntwaakalemba, eelyo wasala kuti apilukile kubantu bobile kumamanino aansondo iino. Mpoonya, kumuntu aumwi akati kabantu bobile aaba, walanga-langa nzyobakabandikide, waabona makanze aakwe, kumane walibambila mbwakonzya kwaazuzikizya makanze aayo. Kumuntu wakusaanguna, walibambila kuyootalisya ciiyo ca Bbaibbele. Kuli wabili, walibambila kumugwasya kuti abe aluyandisisyo kwiinda mukubelesya nzila iili mumuncali 5.

Lwiimbo 189

Nsondo Iitalika mu July 28

Lwiimbo 6

10 min: Zyakwaambilizya zyambungano. Amubayeezye basikumwaya boonse kuti bape malipooti aamulimo wamumuunda aamu July. Amubale lipooti yankomwi yamali alugwalo lutondezya kuti mali aakasangwa akatambulwa. Amwaambe mabbuku aakumwaya mu August, alimwi amucite citondezyo kubelesya nzila yomwe.

15 min: Kuzumanana Katupakamene. Makani aakulwaizya aazwa mu Ngazi Yamulindizi ya January 1, 2007, peeji 12, mincali 17-21.

20 min: Amulibambile Kwaabila Mamagazini Mapya. Mubandi abaswiilizi. Mwamana kwaamba mubufwaafwi zili mu Sinsimuka! ya July–September alimwi amu Ngazi Yamulindizi ya July–September, amubalombe baswiilizi kuti baambe zibalo nzibakabona kuti inga ziyoobakkomanisya kapati bantu bamucilawo canu alimwi akaambo ncobaambila boobo. Amubalombe baswiilizi kuti baambe twaambo tuli muzibalo nzyobayanda kuyoobelesya. Ino mubuzyo nzi uukonzya kubuzyigwa kutegwa tutalisye mubandi? Ino ndugwalo nzi iluli mucibalo lukonzya kubalwa? Kwiinda mukubelesya nzila iibikkidwe mu Mulimo Wesu wa Bwami naa nzila yaambwa abaswiilizi, amucite citondezyo ikutondezya mboikonzya kwaabilwa magazini aimwi.

Lwiimbo 106

Nsondo Iitalika mu August 4

Lwiimbo 222

10 min: Zyakwaambilizya zyambungano.

15 min: “Kulumba Akaambo Kamulimo Ngotupedwe.”e

20 min: “Tulamwaisya Mampangala Mayumu.”f Amubalombe baswiilizi kwaamba mbobakagwasyigwa kuli baabo bakali kubayiisya Bbaibbele kuti bacileke kusyoma njiisyo zyabukombi bwakubeja.

Lwiimbo 83

Bupanduluzi buyungizidwe