Kabbokesi Kamubuzyo

◼ Ino nkaambo nzi ncotweelede kucenjela ciindi notukambauka kwiinda mukulembelana magwalo?

Ikukambauka makani mabotu kwiinda mukulembelana magwalo ninzila yali kubeleka lyoonse. Nokuba boobo, akaambo kamapenzi aakacitika caino-ino munyika, bantu balayoowa kujalula magwalo aatazyibidwe kabotu. Mvwulupu zyitazyibidwe nkuzyazwa naa zitajisi makkeyala aabantu bakalemba, kanjikanji balazyiyoowa ikapati kuti sikulemba wakabelesya janza alimwi akuti mwvulupu kakali kalwi buya. Balaaŋanda balakonzya kwaasowa magwalo aali boobo kakunyina akwaajalula. Ino mbuti mbotukonzya kucita kutegwa eeci kacitacitiki?

Ikuti kacikonzyeka, lugwalo alimwi amvwulupu zyeelede kulembwa kwiinda mukubelesya ntaipi. Mvwulupu zyeelede kulembwa izina lyamukamwini ŋanda. Mutalembi kuti “Bakkala aaŋanda.” Kuyungizya waawo, lyoonse kamubikkilizya akkeyala yanu. Ikuti kacitazumizyigwi kubelesya kkeyala yanu, inga mwakonzya kulemba zina lyanu alimwi akkeyala ya Ŋanda ya Bwami. Mutani kutumini magwalo aatajisi zina lyanu. Mwatasoli kubelesya kkeyala yaofesi lyamutabi.—Amubone Mulimo Wesu Wabwami wamu November 1996 Kabbokesi Kamubuzyo.

Nzila zimwi alimwi alugwalo lwazikonzyanyo, zilakonzya kujanwa mubbuku lyakuti Amugwasyigwe Alwiiyo Lupegwa Mucikolo Camulimo Ceendelezyegwaa Leza, apeeji 71-3. Aaya malailile aya kutugwasya ikubelesya magwalo munzila iiyandika kutegwa abamwi bantu baamvwe makani mabotu.