Kabbokesi Kamubuzyo

◼ Ncinzi ncotweelede kuyeeya lyoonse notulemba magwalo kuli basiŋanda mbotwatali kujana aŋanda?

Akaambo katwaambo tunji, ciyaabutuyumina kapati kujana bantu notubaswaya mumaanda abo. Bamwi basikumwaya bajana kuti kulemba magwalo ninzila imwi mbotu yakwaambaula ambabo. Nokuba kuti kucita boobo kuyooleta mpindu, kulayandika kulanga-langa ziyeezyo zimwi zikonzya kutugwasya kutantamuka buyumuyumu bumwi:

Mutabelesyi kkeyala ya Sosaiti. Eeci inga capa muzeezo wakuti lugwalo lwazwa kuopesi lyesu icinga caleta mapenzi amwi aateelede alimwi zimwi ziindi akusowa mali manji.

Amubone kuti mujisi kkeyala iiluzi alimwi amasitaampu aakkweni.

Mutatumi magwalo kaalembedwe kuti “Kuulaa ŋanda”; amubelesye zina lini-lini.

Mutasiyi magwalo amulyango kuti kakunyina uliko aŋanda.

Magwalo mafwaafwi ngamabotu. Amubikkilizye katrakiti naa magazini kwiinda kusoleka kulemba makani manji.

Magwalo aataipwa buya maubauba kubala alimwi apa ciimo cibotu.

Magwalo taabalwi kuti ninyendo zyakupilukila ccita kuti naa mwakalikambaukide kumuntu oyo ciindi cakamana.

Ikuti naa mulembela muntu wakatondezyede kuti ulayanda kwiiya, mweelede kubikka akkeyala yanu naa namba yafooni kutegwa akonzye kwaambaula andinywe. Amupandulule progilamu yaciiyo ca Bbaibbele.

Amumutambe kumiswaangano yakumbungano nyenzi. Amupe kkeyala aciindi camiswaangano.

Mutazumanani kunootuma magwalo kubantu batajaniki aŋanda mwamana kucincwa kuzwa kubusena obo; sikumwaya uupedwe busena obo lino nguula mulimo wakubeleka kabotu-kabotu.