Mbomukonzya Kulemba Lugwalo

• Amubelesye kkeyala yanu. MUTASOLI kubelesya kkeyala yaofesi yamutabi.

• Amubelesye zina lyasikulembelwa kuti kamulizyi. Eeci ciyootondezya kuti lugwalo oolo lulimugeme.

• Amubikkile maano kulemba mabala aaluzi, kwaalemba munzila yeelede alimwi akubikka twaandaanyo toonse tuyandika. Lugwalo lweelede kulembwa kabotu kutali cabuyamba. Ikuti naa lwalembwa amaanza, talweelede kukatazya kubala. Mabala ngomubelesya ayelede kuba aabulemu.

Lugwalo lwacikozyanyo ilwabikkilizyigwa lulatondezya twaambo ootu. Ciindi nomuyanda kulembela muntu umwi mucilawo canu, tamweelede kulukkopolola buya bbala abbala. Mulakonzya kulucinca-cinca kweelana amakanze ngomujisi, bukkale bwakubusena ooko alimwi azilengwa.