La tlan nawanaw akxni nalichuwinanaw Dios
La tlan nawanaw akxni natsukuyaw limakgalhtawakgananaw xapulana sábado xla noviembre
«Kaʼakxilhti takgalhskinin nema tatlawa unu. [Kalikgalhtawakga xapulana takgalhskinin nema limin xaʼawatiya página xla revista Makatsinina 1 xla noviembre.] ¿Tuku wix lakpuwana? [Kalikgalhtawakga akgtiy párrafos nema wi tutsu niku wi takgalhskinin chu maski kaj akgtum texto.] Naktaspitpara atanu kilhtamaku chu nalichuwinanaw tuku xlakata kamalakastakwanilh Jesucristo makgapitsi latamanin chu tuku kilhchani kimpalakatakan.»
Makatsinina 1 xla noviembre
«¿Minit kilhtamaku lakpuwanita tuku xlakata anan lhuwa tuku nitlan kkakilhtamaku? [Kamaxki talakaskin nakgalhtinan.] Kmasiyaniputunan tuku wan Biblia. [Kalikgalhtawakga Revelación 12:9.] Pero kversículo 12 kinkamaxkiyan takgalhkgalhin, kinkawaniyan pi nialh makgas namasputukan Akgskgawini, tiku tlawa pi katlawakgolh tuku nitlan latamanin. [Kalikgalhtawakga Revelación 12:12.] Uma artículo nema wanikan “¿Kilipekuanitkan Akgskgawini?”, kinkawaniyan tuku kilitlawatkan xlakata ni nakinkamatlawiyan tuku nitlan la uku chu tuku nalani nialh makgas kilhtamaku. Uma likgalhtawakga mila.»
¡Despertad! Noviembre
«Putum latamanin xatapaxuwan latamaputunkgo, pero lhuwa latamanin ni paxuwakgo. ¿Tuku wix lakpuwana pi nakinkamakgtayayan xlakata xtapaxuwan nalatamayaw? [Kamaxki talakaskin nakgalhtinan.] Lhuwa latamanin akxilhkgonit pi Biblia makgtayanan xlakata xatapaxuwan nalatamayaw. Akgtum liʼakxilhtit, kalilakpuwanti uma tastakyaw. [Kalikgalhtawakga Hebreos 13:5.] Uma revista lichuwinan pulaktati tastakyaw nema takilhtinit kBiblia xlakata natekgskan tapaxuwan.»