Kamunuwiliw talhtsi xlakata nastaka
1. ¿Tuku xlakata nalakgapaxialhmamparayaw tiku kalitachuwinaw xTachuwin Dios?
1 Akxni wi tiku chananan xlakaskinka namunuwili xtachanan xlakata nastaka. Nachuna kilitlawatkan akxni wi tiku litachuwinanaw Dios chu tlawaputunaw pi kastakli kxnaku tuku masiyanimaw (1 Cor. 3:6). Wa xlakata talakaskin nalakgapaxialhnamparayaw, chu tlan nakalitachuwinamparayaw tuku masiya xTachuwin Dios, uma xtachuna la akxni wi tiku munuwili tuku chanit. Chuna tliwakga nakgalhi xtankgaxekg, tlan nastaka chu namasta xtawakat.
2. ¿Tuku tlan natlawayaw xlakata tlan nalakgapaxialhnamparayaw tiku tachuwinaw?
2 Kamakgxtakgni akgtum takgalhskinin. Akxni lakkaxwilimaw tuku nawanaw, tlan xlakpuwaw akgtum takgalhskinin nema nakatsiputun tiku natachuwinanaw chu tlan nakgalhtiyaw akxni alimakgtum nalakgapaxialhnamparayaw. Katlawa takgalhskinin nema lakpuwanti akxni nina makgalhsputuya mintakgalhchuwin, chu kawani tukuya kilhtamaku nalakgapaxialhnamparaya xlakata namaxkiya takgalhtin. Lhuwa tlan kakitaxtuninit akxni limaklakaskinkgo akgtum takgalhskinin xla libro ¿Tuku xlikana masiyay Biblia? nema kamakgtaya tlan namatsukikgo akgtum takgalhtawakga.
3. ¿Tuku natsokgwiliya komo wi tiku kgaxmatnin?
3 Katsokgti tiku xlikana katsiputun tuku wan Biblia. Akxni xapulana natachuwinana, tunkun katsokgti xtukuwani chu xdirección, tuku kilhtamaku chu tuku hora lakgapaxialhnanti, tuku lichuwinantit chu tuku likgalhtawakga makgaxtakgni komo chuna tlawa. Na tlan nawan komo natsokgwiliya tukuya takanajla kgalhi, komo kgalhi xfamilia o wi tuku lilakgaputsa o wi tuku katsiputun. Komo chuna natlawaya, tlakg liwana nakatsiya tuku nawaniya akxni nalakgapaxialhnamparaya. Na katsokgwili tukuya kilhtamaku wani pi nataspitparaya chu tuku takgalhskinin makgxtakgni.
4. ¿Tuku xlakata chuntiya nalakgapaxialhnanaw tiku katsiputun xlakata Dios?
4 Chuntiya kalakgapaxialhnanti. Satanás lhuwa tuku natlawa xlakata «namapanuy ntachuwin» nema tachanit kxnaku latamanin (Mar. 4:14, 15). Wa xlakata, komo ni tekgsti tiku tachuwinanti kxchik, ni kamakgxtakgti. ¿Tlan xkamakgxtakgni maktum nota o xkamalakgachani maktum carta? Chatum precursora tsukulh makgalhtawakge chatum puskat kxkilhtin xchik, pero nialh tekgsli; wa xlakata malakgachanilh maktum carta. Akxni tekgsli puskat wanilh pi lu tlan limakgkatsilh xlakata tuku xtlawanit tala. Komo namunuwiliyaw tuku nachanaw lu nalipaxuwayaw akxni naʼakxilhaw la nastaka «puxamakaw ntawakay mpukgalhatunu, chu apukgalhtum, tutumpuxam, chu apukgalhtum akgtum ciento ntawakay» (Mar. 4:20).