Tlakg kakatsini la nalichuwinana Dios: kakatsokgwili tiku lakgatikgolh

«Kuintaj natlawaya mintamasiyun.» (1 Tim. 4:16.) Uma tuku tsokgnilh apóstol Pablo Timoteo kinkamasiyaniyan pi maski aku tsukumaw o makgasata lichuwinamaw Dios tlakg naliskujaw xlakata tlakg nakatsiyaw la nalichuwinanaw Dios. Wa xlakata, kilikgalhtawakgakan La Natlawayaw xTaskujut Dios nalimin serie nema wanikan «Tlakg kakatsini la nalichuwinana Dios». Akgatunu artículo nalichuwinan tuku tlan natlawayaw nema tlakg xlakaskinka, chu nakinkamaxkiyan makgapitsi tastakyaw xlakata chuna natlawayaw. Kimputumkan lu kuenta kilitlawatkan akxni nalichuwinantilhakan akgatunu papaʼ. Akxni nasputa akgatunu papaʼ, kʼakgtum Tamakxtumit xlakata xTaskujut Dios tlan nalichuwinanaw chu nawanaw tuku tlan kinkakitaxtunin. La uku nalichuwinanaw pi nakatsokgwiliyaw latamanin tiku kinkakgaxmatnikgon.

Tuku xlakata xlakaskinka. Ni kajwatiya lichuwinanaw Dios: talakaskin nakalakgapaxiʼalhnamparayaw tiku kinkakgaxmatnikgon chu nakamasiyaniyaw xaxlikana, xtachuna la kaj munuwiliyaw talhtsi nema chanitaw (Mat. 28:19, 20; 1 Cor. 3:6-9). Pero, talakaskin nakatekgsparayaw latamanin, nakalitachuwinanaw tuku lakgatikgo chu wi tuku xasasti nakalitachuwinanaw pero namaklakaskinaw tuku pulana kalitachuwinaw. Wa xlakata xlakaskinka natsokgwiliyaw akxni nakatekgsaw tiku kinkakgaxmatnin.