«¡Nikxni wi kxchik!»

Max chuna wanaw akxni ni tekgsaw lataman tiku kinkakgaxmatnin. Maski lu putsayaw, lu tuwa makgkatsiyaw namunuyaw talhtsi nema chaw (1 Cor. 3:6). ¿Tuku tlan natlawayaw? Makgapitsi natalan tiku lhuwata kata lichuwinankgo Dios tlawakgo akgtum carta o makgxtakgnikgo akgtum nota xmalakcha. Atanu natalan, komo katsikgoya pi tuwa natekgsparakgo kxchikkan, skinikgo xnúmero xteléfono. Wanikgo: «¿Tlan xaktsokgnin kminteléfono? Tlan nawanaw pi akgtum revisita akxni nalitachuwinanaw Dios, carta, correo electrónico, mensaje kxteléfono, nota nema makgxtakgniyaw xmalakcha o akxni natachuwinanaw kteléfono. Maski ni lu wi kxchik, tlan chuntiya namakgtayayaw xlakata nakatsiputun xaxlikana.