Kilhtamaku 1 xla marzo natsukuyaw makgpitsiyaw invitación akxni natalakapastaka akxni tinilh Cristo
1. ¿Tukuya kilhtamaku natsukuyaw makgpitsiyaw invitación chu tuku xlakata uma kata tlakg makgas namakgpitsiyaw?
1 Viernes 1 xla marzo natsukuyaw makgpitsiyaw invitación xlakata tlan naʼankgo akxni natalakapastaka akxni tinilh Jesús nema nalakgchan 26 xla marzo. Uma kata tlakg lhuwa kilhtamaku la namakgpitsiyaw invitación nixawa katata. Uma nakinkamakgtayayan xlakata lhuwa latamanin nakamaxkiyaw invitación, tlakg nakinkamakgtayayan komo kincongregacionkan lhuwa kgalhi niku lichuwinankan Dios.
2. ¿Tuku natlawayaw xlakata tlan nakgalhiyaw invitaciones chu xlakata tlan nalakgatsalayaw niku lichuwinanaw Dios?
2 Lakkaxwilikan. Lakgkgolotsin nalakkaxwilikgo la tlan namakgpitsiyaw, chu komo tlan namakgxtakgaw invitación niku niti natekgsaw kchiki. Komo naʼakgataxtu invitaciónes akxni mastanitawa akgatunu chiki, tlan namastayaw akxni lichuwinanaw Dios niku lhuwa lamaka. Tiku pulalin la lichuwinankan Dios kcongregación naʼakxilha pi natawila invitaciones nema wan niku natatlawa tamakxtumit chu namakgxtakga niku wilikan likgalhtawakga o revistas xlakata tiku lichuwinankgo Dios tlan natiyakgo tuku namaklakaskinkgo. Ni nawilikan putum invitaciones. Tiku lichuwinankgo Dios kajwatiya natiyakgo tuku namaklakaskinkgo akgtum semana.
3. ¿Tuku kililakapastakatkan akxni namakgpitsiyaw invitación?
3 La namastayaw invitación. Tlakg tlan nawan komo ni lhuwa tuku nawanaw, xlakata tlan nakatachuwinanaw lhuwa latamanin. Kpágina 4 wi liʼakxilhtit xlakata tuku tlan nawanaw akxni nalichuwinanaw Dios. Xlikana, ni lakapala nataspitputunaw komo tiku lakgamaw tlan kinkamakgamakglhtinanan o kinkatlawaniyan takgalhskinin. Akxni makgpitsiyaw sábado o domingo, na tlan namastayaw revistas akxni natalakaskin. Maski xapulana sábado xla akgatunu papaʼ namatsukiyaw takgalhtawakga xalak Biblia, 2 xla marzo wa natsukuyaw mastayaw invitaciones.
4. ¿Tuku xlakata lu xatapaxuwan kamakgmakgpitsiw invitación?
4 Lakaskinaw pi lhuwa latamanin kakinkatatamakxtumikgon. Ktaʼakgchuwin nalichuwinankan tukuya taskujut lakgaya Jesucristo (1 Cor. 11:26). Nalichuwinankan la kinkamakgtayayan xlakata nilh (Rom. 6:23). Chu nawankan tuku xlakata xlakaskinka putum kilhtamaku nalakapastakaw Jesús (Juan 17:3). ¡Lu xatapaxuwan kamakgmakgpitsiw invitación!