¿Tlan xkamakgtayaw natalan?

Klhuwa congregaciones wilakgolh natalan tiku ni la lhuwa lichuwinankgo Dios xlakata tuwa tajatat kgalhikgo o xlakata linkgoya kata (2 Cor. 4:16). Komo niku tamakxtumiyaw wilakgolh natalan tiku chuna titaxtumakgolh, ¿tuku xlakata ni kawaniyaw pi kakinkataʼankgon tatlawakgoyan akgtum takgalhtawakga xalak Biblia? Komo tala nila taxtu, ¿tlan xliw tiku makgalhtawakgemaw kxchik tala? Max tlan xwaniw lakgachunin tala xlakata xkinkataʼan talitachuwinanan Dios maski ni lhuwa chiki o natatlawayaw akgtum o akgtiy revisitas. Natalan tiku kgalhikgoya kata lu katsinikgo lichuwinankgo Dios, wa xlakata akxni anaw katalichuwinanaw Dios lu kinkamakgtayayan (Rom. 1:12). Liwana katsiyaw pi Jehová nasikulunatlawa kintaskujutkan xlakata nakamakgtayayaw natalan, chu nakalimasiyaniyaw kintapaxkitkan (Prov. 19:17; 1 Juan 3:17, 18).