Tlakg kakatsini la nalichuwinana Dios: kakamakgtaya tiku kamakgalhtawakgeya xlakata nalichuwinankgo Dios

Tuku xlakata xlakaskinka. Xalaksasti kstalaninanin Cristo talakaskin pi nakgalhakgaxmatkgo «xlipaks yuma» tuku limapakgsinalh, la uma, masiyakan tuku xaxlikana (Mat. 28:19, 20). Lhuwa tiku kamakgalhtawakgemaka na makgtitaxtukgo Niku Masiyakan xlakata la Lichuwinankan Dios chu max kalitachuwinankgo Dios xfamiliaskan chu xʼamigos. Tsinu tsinu, tlakg xlakaskinka naʼakxilhkgo tuku katsinimakgolh. Chu akxni naʼakgatekgskgo pi Jehová lakaskin pi putum latamanin kakgaxmatkgolh xalakwan xalaksasti, max nawankgo pi amputunkgo lichuwinankgo Dios, uma limasiya pi stakma xtakanajla (Rom. 10:13, 14). Akxni kamaxkikanita talakaskin pi tlan nakalitachuwinankgo Dios congregación, talakaskin pi liwana namakgtayakan, xlakata ni napekuankgo (Luc. 6:40).

La natlawayaw:

Kamakgtaya tiku aku tsukunit lichuwinan Dios xlakata nakgalhi likgalhtawakga nema namaklakaskin akxni nalichuwinan Dios chu akxni namakgalhtawakganan. Kamasiyani la lakkaxwilinita mibolso o mimportafolio chu kawani la tamaklakaskin likgalhtawakga nema lipina.
Kalaksaktit akgtum liʼakxilhtit nema wi anta La Natlawayaw xTaskujut Dios chu kalitsakgsatit. Na kalimaklakaskintit tuku wi kpágina 82 xla libro Benefíciese nema chuna titaxtuyatit niku lichuwinanatit Dios. Kamakgtaya xlakata ni kaj nalikgalhtawakga tuku nawan akxni nalichuwinan Dios. Kamalakapastaka pi liwana xlitakaxtayat chu chuna la xlilat (2 Cor. 6:3, 4).
Lhuwa tuku milimasiyanit. Kamasiyani akgtum tarjeta niku lichuwinankan Dios chu kamasiyani la natsokgwili akxni wi tiku nalakgati tuku nalitachuwinan. Kamasiyani tuku natsokgwili akxni chatum lataman tlakg katsiputun. Kawani pi xlakaskinka xliʼakxilhat (1 Cor. 3:6). Kalimasiyani la namaklakaskin página jw.org chu folleto Buenas nuevas para gente de todas las naciones.
Ni kalitlakgwanti chu kawani pi tlan tuku tlawama (Prov. 25:11). Kalimasiyani miliʼakxilhtit. Tiku aku tsukuma lichuwinan Dios putum kilhtamaku nalakapastaka la tlan likatsini chu xatapaxuwan lichuwinana Dios.

Chuna kalitsakgsa putum papa’:

Akgatunu chiki katapi talichuwinana Dios tiku makgalhtawakgepat chu katapi tatlawaya revisitas o kataʼan tamakgalhtawakgenanan. Komo niti makgalhtawakgepat, kawani chatum tiku ni lu katsini lichuwinan Dios pi kataʼan.