Natamakgpitsi noviembre: Tamakatsin xla Tamapakgsin número 38
1. ¿Tuku takgalhskinin tlawakgo latamanin xlakata linin, chu tuku natlawakan noviembre xlakata nakamakgtayakan?
1 Linin putum kintalatlawanakan, maski tanu tanu tuku kanajlayaw (1 Cor. 15:26). Lhuwa latamanin kakgalhskinkan la wilakgolh xfamiliajkan tiku nikgonita, chu komo namin kilhtamaku komo nakaʼakxilhparakgo. Xlakata nakamakgtayayaw, nialh makgas natamakgpitsi xlikalanka kKatiyatni tratado Tamakatsin xla Tamapakgsin número 38, nema wanikan «¿Tlan nalatamaparakgo tiku nikgonita?» Natamakgpitsi putum papaʼ xla noviembre. Akxni sputnita nawan uma papaʼ chuntiya natamaklakaskin akxni natalichuwinan Dios.
2. ¿La natasiya tratado Tamakatsin xla Tamapakgsin número 38?
2 La natasiya. Tratado Tamakatsin xla Tamapakgsin número 38 tlawaka xlakata tlan xlilhman nakgapskan. Kxmakni nalimin xtítulo chu takgalhskinin: «¿Xwanti pi tlan, nila, o max?». Akxni namalakgaki tiku nalikgalhtawakga naʼakxilha tuku wan Biblia chu la namakgtaya xlakata nakatsi. Nachuna nakatsi tuku xlakata nakanajla tuku wan Biblia. Chu kxaʼawatiya página natekgsa atanu takgalhskinin, uma natlawa pi tlakg nakatsiputun.
3. La natatlawa akxni natamakgpitsi tratado Tamakatsin xla Tamapakgsin número 38?
3 La natamakgpitsi. Uma natamakgpitsi chuna la tlawakan akxni tamasta invitaciones la akxni talakapastaka akxni tinilh Cristo chu lanka tamakxtumit xaʼakgtutu kilhtamaku. Lakgkgolotsin nawankgo la nataskuja niku congregación lakgchan nalichuwinan Dios, anta nakilhtikgo kcarta nema kamalakgachanika 1 xla abril kata 2013. Congregaciones nema ni lhuwa kgalhikgo niku lichuwinankgo Dios, tlan nakamakgtayakgo congregaciones nema tlakg kgalhikgo niku lichuwinankgo Dios. Akxni natiyakgo tratados natalan, kajwatiya natiyakgo tuku namaklakaskinkgo akgtum semana. Komo akxni nasputa papaʼ na akgataxtu tratados tlan namakgpitsikan niku titaxtukgo lhuwa latamanin. Chu komo namakgpitsikgo akxni nina sputa papaʼ, natamasta likgalhtawakga nema lakgchan noviembre. Xapulana sábado akxni tsuku papaʼ tlakg namakgpitsiyaw tratados chu ni naputsayaw tiku nakamakgalhtawakgeyaw. Chu sábado chu domingo namastayaw revistas komo naʼakxilhaw pi tiku tachuwinamaw nalakaskin. Kalakkaxwiliwa kinkilhtamakujkan xlakata namakgtayananaw akxni natatlawa uma taskujut.